![]()
欢迎提供新闻线索：lztvxwb@qq.com
འཛམ་གླིང་འཕྲོད་བསྟེན་སྒྲིག་འཛུགས་ཀྱིས་རྒྱལ་ཁབ་23དུ་མི་འཆི་རྐྱེན་ལ་བརྟག་དཔྱད་བྱས་རྗེས། མི་རྣམས་ཧང་སངས་དགོས་པའི་སྡོམ་ཚིག་ཅིག་ཐོབ་པ་སྟེ། མངར་ཆའི་གནོད་པ་ནི་ཐ་མག་འཐེན་པ་ལས་ཀྱང་ཆེ་བ་ཡོད་པ་དེ་རེད།
བརྟག་དཔྱད་འདི་ལས་ད་དུང་གསལ་སྟོན་ཐུབ་པ་ནི། ཡུན་རིང་པོར་མངར་ཆ་མཐོ་བའི་ཟས་རིགས་ཟ་བར་དགའ་བའི་མི་རྣམས་ཀྱི་ཆ་སྙོམས་ཚེ་ཚད་དེ་རྒྱུན་ལྡན་གྱི་བཟའ་བཏུང་བྱེད་མཁན་ལས་ལོ་10-20བར་ཐུང་བ་ཡོད་པ་རེད།
![]()
1 སྐྲན་ནད་ཕོག་པའི་ཉེན་ཁ་ཆེ་རུ་འགྲོ་བ། མངར་ལྡན་གྱི་ཟས་རིགས་དང་འབྲས་སྐྲན་གྱི་རིགས་ཁ་ཤས་དབར་ཐད་ཀའི་འབྲེལ་བ་མེད་མོད། འོན་ཀྱང་དེ་དག་ནི་འབྲས་སྐྲན་གྱི་མི་མངོན་པའི་འབྱུང་ཁུངས་ཡིན་སྲིད་དེ། མངར་ཆ་བཟའ་རྒྱུ་མང་དྲགས་ན་ལུས་ཤ་རྒྱགས་པ་ཆགས་སྲིད་ཅིང་། ལུས་ཤ་རྒྱགས་པ་ནི་འབྲས་སྐྲན་སྣ་ཚོགས་ཀྱི་འབྱུང་རྐྱེན་ཡིན།![]()
2 སྙིང་ཁམས་ཁྲག་རྩའི་ནད་ཕོག་པའི་ཉེན་ཁ་ཆེ་རུ་འགྲོ་བ། དུས་ཡུན་རིང་པོར་མངར་ཆའི་རིགས་འབོར་ཆེན་བཟས་ན། མངར་ཆ་མང་དག་ཅིག་ཞག་ཚིལ་དུ་གྱུར་ནས་ལུས་པོའི་ནང་གསོག་ཉར་བྱེད་ཀྱི་ཡོད་པས་ལུས་ཤ་རྒྱགས་པ་ཆགས་སླ་བ་དང་། དེས་སྙིང་ཁམས་ཁྲག་རྩའི་ནད་ཕོག་པའི་ཉེན་ཁ་ཇེ་ཆེར་འགྲོ་སྲིད། 3 གཅིན་སྙི་ཟ་ཁུའི་ནད་ཕོག་པའི་ཉེན་ཁ་ཆེ་རུ་འགྲོ་བ། མངར་ཆའི་རིགས་བཟའ་རྒྱུ་མང་དྲགས་ན་ལུས་ཤ་རྒྱགས་པ་ཆགས་པ་མ་ཟད། གཤེར་མའི་ཕུང་རྩིའི་ཚོར་སྐྱེན་རང་བཞིན་དམའ་རུ་གྱུར་ཏེ་གཅིན་སྙི་ཟ་ཁུའི་ནད་འབྱུང་ཉེན་ཆེ་རུ་འགྲོ་བ་ཡིན།60%ཡན་གྱི་རིགས་2པའི་གཅིན་སྙི་ཟ་ཁུའི་ནད་པ་ཚང་མར་ལྗིད་ཚད་ལས་བརྒལ་བ་དང་ལུས་ཤ་རྒྱགས་དྲག་པའི་སྣང་ཚུལ་ཡོད།![]()
4 སོ་རུལ་བའི་ཉེན་ཁ་ཆེ་རུ་འགྲོ་བ། རྒྱུན་དུ་མངར་ཆའི་རིགས་བཟས་ན། ཁའི་ནང་གི་འབུ་ཕྲར་སྐྱེ་འཕེལ་གྱི་ཁོར་ཡུག་ལེགས་པོ་ཞིག་འདོན་སྤྲོད་བྱེད་ཀྱི་ཡོད་པས། སོ་རུལ་དང་ཁ་སྦུག་གི་ནད་རིགས་གཞན་དག་འབྱུང་སླ་པོ་ཡོད།
![]()
5 མཆིན་པ་ཚིལ་འགྱུར་གྱི་ནད་ཕོག་པའི་ཉེན་ཁ་ཆེ་རུ་འགྲོ་བ། མངར་ཆ་ཞག་ཚིལ་དུ་གྱུར་རྗེས། ཆ་ཤས་ཤིག་པགས་འོག་ཏུ་གསོག་པ་དང་ཆ་ཤས་གཞན་ཞིག་དོན་སྣོད་ཀྱི་ཕྱི་ངོས་སུ་གསོག་སྲིད་པས། མཆིན་པ་ཚིལ་འགྱུར་གྱི་ནད་ཕོག་སྲིད་པ་ཙམ་མ་ཟད། ད་དུང་སྙིང་ཚིལ་འགྱུར་གྱི་ནད་དང་མཚེར་པ་ཚིལ་འགྱུར་གྱི་ནད་སོགས་འབྱུང་ཉེན་ཡོད། 6 སྐྱི་པགས་རྒས་མགྱོགས་པ། ང་ཚོས་མངར་ཆ་མང་པོ་བསྡུ་ལེན་བྱེད་སྐབས། ལུས་སྟེང་གི་ཚ་ནད་ལ་འཕོ་འགྱུར་འབྱུང་སླ་བས། དེས་DNAདང་སྤྱིན་གཞིའི་སྤྲི་དཀར་ལ་ཤུགས་རྐྱེན་ངེས་ཅན་ཞིག་བཟོས་ཏེ་སྐྱི་པགས་རྒས་མགྱོགས་སུ་འགྲོ་གི་ཡོད།来 源：青稞视界
编 辑、（初审）：巴 洛
复 审：顿珠、尼玛普赤
终 审：欧 珠
