༄༅། །རང་ཅག་རྣམས་ལ་བཀའ་དྲིན་བླ་ལྷག་ཏུ་ཆེ་བ་ཡོངས་ཀྱི་དགེ་བའི་བཤེས་གཉེན་ཆེན་པོ་དོན་གྱི་སླད་དུ་མཚན་ནས་སྨོས་ན་མཁན་ཁྲི་འདུལ་བ་འཛིན་པ་ཆེན་པོ་༸རྗེ་བཙུན་རྡོ་རྗེ་རྒྱལ་མཚན་དཔལ་བཟང་པོའི་ཞལ་སྔ་ནས་གདན་སའི་དགེ་འདུན་འདུས་མང་ཡོངས་ལ་རབ་གནས་ཤིང་འབྲུག་ལོའི་བོད་ཟླ་གཉིས་པའི་ཚེས་བཅུ་ཉིན་ནས་བྱང་ཆུབ་ལམ་རིམ་རྣམ་གྲོལ་ལག་བཅངས་ཀྱི་བཀའ་ཁྲིད་ཆོས་མཐུན་བཞི་ཙམ་དང་། བཅོམ་ལྡན་འདས་དཔལ་ཕྱག་ན་རྡོ་རྗེ་འཁོར་ལོ་ཆེན་པོའི་དབང་གི་སྔོན་འགྲོ་སྟ་གོན། བཅོམ་ལྡན་འདས་དཔལ་ཕྱག་ན་རྡོ་རྗེ་འཁོར་ལོ་ཆེན་པོ་ལྷ་བཅོ་བརྒྱད་ཀྱི་དབང་ཆེན། དཔལ་དུས་འཁོར་གྱི་རྒྱུད་ལས་བཤད་པའི་དུས་འཁོར་སྐུ་གསུང་ཐུགས་ཡོངས་རྫོགས་ལྷ་དྲུག་བརྒྱ་སོ་བཞིའི་དབང་ཆེན། ༼འདི་ནི་སྤྱི་བཀའ་དང་ཟུར་བཀའ་གཉིས་ཀྱི་ནང་ནས་སྤྱི་བཀའ་ཡིན་གསུངས།༽ མགོན་པོ་བར་ཆད་ཀུན་སེལ་གྱི་རྗེས་གནང་། གཏོར་དབང་བར་ཆད་ཀུན་སེལ་གྱི་རྗེས་གནང་། གྲིབ་སེལ་མགོན་པོའི་རྗེས་གནང་། བླ་མ་མགོན་པོ་དབྱེར་མེད་ཀྱི་རྗེས་གནང་། མགོན་པོ་གནད་བབ་བམ་མཁའ་འགྲོ་དབང་སྡུད་ལྷ་གཅིག་པའི་རྗེས་གནང་། མགོན་པོ་མཆིན་ཁའི་རྗེས་གནང་། ས་ར་ཧའི་ལུགས་ཀྱི་མགོན་པོ་ཞལ་གསུམ་ཕྱག་དྲུག་པའི་རྗེས་གནང་། ཡེ་ཤེས་མགོན་པོ་རྒྱན་ཅན་ནམ་གསང་སྒྲུབ་ཀྱི་རྗེས་གནང་། ལྷ་བཞི་དྲིལ་སྒྲུབ་ཀྱི་རྗེས་གནང་། མགོན་པོ་དབང་རྒྱལ་གྱི་རྗེས་གནང་། ཚེ་བདག་མགོན་པོའི་རྗེས་གནང་། མགོན་པོ་ཡིད་བཞིན་ནོར་བུའི་རྗེས་གནང་སྟེ་མགོན་བཀའ་བཅུ་གསུམ་ལས་མགོན་པོ་སྙིང་ཞུགས་མ་གཏོགས་གནང་།
མཇུག་ཏུ་མགོན་པོ་ཕྱག་དྲུག་པའི་ཚོགས་མཆོད་མྱུར་མཛད་དགྱེས་པའི་འཛུམ་ཞལ་གྱི་ཐོག་བཏང་རག་ཚོགས་འབུལ་དང་བཅས། དགེ་འདུན་འདུས་པ་རྒྱ་མཚོ་ནས་རྒྱུན་པར་ཐུགས་མཐུན་ཁྲིམས་གཙང་གནང་དགོས་པ་དང་བཙུན་ཆུང་རྣམས་ནས་ངེས་པར་དུ་དགེ་ཚུལ་གྱི་བླངས་འདས་རྣམས་རང་རང་གི་དགེ་རྒན་ལ་བཀའ་འདྲི་ཡག་པོ་ཞུས་ནས་ཤེས་དགོས་པ་མ་ཟད་མ་མཐར་ཡང་རྩ་བཞི་ཆང་དང་མ་འགལ་བ་ཞིག་བྱེད་དགོས་པ་སོགས་ཀྱི་བཀའ་སློབ་ལམ་སྟོན་དང་རྗེས་སུ་དུས་ཚོད་ཁོམ་པ་བྱུང་ཚེ་ལམ་རིམ་མུ་མཐུད་བཀའ་ཁྲིད་གནང་རྒྱུའི་ཞལ་བཞེས་དང་བཅས་ཆོས་འབྲེལ་ཁག་ལེགས་པར་གྲུབ་པ།།
བསྐུར་ཟིན་པའི་ནང་དོན་འོས་སྦྱོར།
查看更多历史消息
ཇི་སྐད་དུ་༧ཀུན་གཟིགས་པཎ་ཆེན་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་གི་ཞལ་གྱི་བུམ་བཟང་ལས། འགྲོ་སྤྱིར་སྨན་པའི་དགེ་མཚན་ཡོད་ན་ནི། །དགའ་སྤྲོས་བཞུགས་ཏེ་ལས་དོན་རླབས་ཆེན་དེའི། །གྲུབ་འབྲས་ནམ་ཐོབ་བར་ལ་དཀའ་ངལ་སོགས། །རྐྱེན་ངན་གང་བྱུང་ཕྱི་བཤོལ་མི་བྱེད་པར། །འབད་བརྩོན་དྲག་པོས་དཀའ་ཐུབ་དང་ལེན་གྱིས། །ཞེས་ཚིག་བཅད་ཀྱི་མདུན་བསུས་ནས་གུས་གནས་ཟླ་བ་རང་ཉིད་ནི་སྐྱེས་སྟོབས་ཀྱི་ཤེས་རབ་དང་སྦྱངས་སྟོབས་ཀྱི་ཡོན་ཏན་གྱི་དབེན་པའི་བདག་ཉིད་ཞིག་ཡིན་ཡང་དཔལ་ལྡན་བླ་མ་དམ་པ་གང་ཉིད་ལ་དད་པས་ཉམ་ཆུང་མགོན་པོ་གང་གི་སློབ་བུའི་གྲལ་མཐའ་ནས་མ་འབུད་ཙམ་ཞིག་ཡིན་ཡང་། ཅི་སྐད་དུ ༧འཇམ་མགོན་བླ་མ་ཙོང་ཁ་པ་ཆེན་པོའི་ཞལ་གྱི་བུམ་བཟང་ལས། བསམ་པ་བཟང་ན་ས་དང་ལམ་ཡང་བཟང་། །བསམ་པ་དམན་ན་ས་དང་ལམ་ཡང་དམན། །ཐམས་ཅད་བསམ་པ་དག་ལ་རག་ལས་པས། །ཞེས་གང་གསུངས་པ་ལྟར་གུས་པས་ཀྱང་གཞན་ཕན་གྱི་བསམ་པ་བཅོས་མ་མ་ཡིན་པས་རྒྱུད་བསྐུལ་ནས་ཆོས་མིན་ཕྱོགས་ཀྱི་ཆོས་ལ་རྒོལ་མཁན་དང་དེས་མ་ཟད་ཆོས་པའི་ཕྱོགས་ནས་ཆོས་ལ་རྒོལ་མཁན་ནས་གཙོས་པའི་མ་གྱུར་སེམས་ཅན་ཐམས་ཅད་ཀྱི་རྒྱུད་ལ་ངེས་འབྱུང་བྱང་སེམས་ཡང་དག་པའི་ལྟ་བ་རྒྱུད་ལ་སྐྱེས་པའི་ཆེད་དུ་སྤྱི་སྟེགས་འདི་ནས ༧མཁན་ཆེན་རྡོ་རྗེ་རྒྱལ་མཚན་དཔལ་བཟང་པོ་མཆོག་གི་གསུང་ཆོས་གང་ཐུབ་ཀྱི་འཕུལ་རྒྱུ་ཡིན་པས་དེ་དོན་དགོངས་འཇགས་འཚལ། །
འཕྲིན་སྟེགས་སུ་མི་སྒེར་རམ་ཚོགས་པ་གང་གི་ཁེ་དབང་ལ་གནོད་པའི་ནང་དོན་ཡོད་ཚེ་མྱུར་དུ་ང་ཚོར་འབྲེལ་གཏུག་གནང་དང་དྲྭ་ངོས་ནས་བསུབ་ངེས་ཡིན། །
版权为原著所有，若有侵犯到您的权益，请您与我们联系，我们将立即删除。
གསལ་འདེབས།
འབྲེལ་གཏུག་གནང་ས། གནས་ཟླ་བ།
སྐད་འཕྲིན། ༡༩༣༧༦༠༩༩༦༥
ཡིག་ཟམ། 1937609965@qq.com
