࿐རང་ཅག་རྣམས་ལ་བཀའ་དྲིན་བླ་ལྷག་ཏུ་ཆེ་བ་ཡོངས་ཀྱི་དགེ་བའི་བཤེས་གཉེན་ཆེན་པོ་དོན་གྱི་སླད་དུ་མཚན་ནས་སྨོས་ན་བཀའ་གདམས་གཙང་མའི་རིང་ལུགས་འཛིན་པའི་གདན་ས་ཆེན་པོ་བཀྲ་ཤིས་ལྷུན་པོའི་མཁན་རིན་པོ་ཆེ་ཞལ་སྔ་ནས་༸རྗེ་བཙུན་རྡོ་རྗེ་རྒྱལ་མཚན་དཔལ་བཟང་པོ་མཆོག་ནས་རབ་གནས་ཤིང་འབྲུག་ལོའི་བོད་ཟླ་དྲུག་པ་ཕྱི་མའི་ཚེས་བདུན་ཉིན་ནས་གདན་སའི་དགེ་འདུན་འདུས་མང་ཡོངས་ལ་ས་གསུམ་མངོན་དགེ་རྡོ་རྗེ་སྒྲ་དབྱངས་གླིང་གི་ཞལ་འདོན་དཔལ་རྡོ་རྗེ་འཇིགས་བྱེད་ཆེན་པོའི་ཆོ་གའི་རིམ་པ་བླ་བརྒྱུད་གསོལ་འདེབས་བདག་བསྐྱེད་བུམ་པ་དང་བཅས་པ། རྡོ་རྗེ་སྒྲ་དབྱངས་གླིང་གི་ཞལ་འདོན་དཔལ་རྡོ་རྗེ་འཇིགས་བྱེད་ཆེན་པོའི་དཀྱིལ་འཁོར་བཞེངས་སྐབས་ཀྱི་སྔོན་འགྲོའི་ས་ཆོག རྡོ་རྗེ་སྒྲ་དབྱངས་གླིང་གི་ཞལ་འདོན་དཔལ་རྡོ་རྗེ་འཇིགས་བྱེད་ཆེན་པོའི་ཞི་རྒྱས་ཀྱི་སྦྱིན་སྲེག་ནག་འགྲོས་སུ་བཀོད་པ། རྡོ་རྗེ་སྒྲ་དབྱངས་གླིང་གི་ཞལ་འདོན་དཔལ་རྡོ་རྗེ་འཇིགས་བྱེད་ཆེན་པོའི་སྒོ་ནས་དབང་གི་སྦྱིན་སྲེག་བྱ་ཚུལ། རྡོ་རྗེ་སྒྲ་དབྱངས་གླིང་གི་ཞལ་འདོན་དཔལ་རྡོ་རྗེ་འཇིགས་བྱེད་ཀྱི་ཚོགས་མཆོད་དགའ་སྟོན་འཛུམ་ཞལ། རྡོ་རྗེ་སྒྲ་དབྱངས་གླིང་གི་ཞལ་འདོན་དཔལ་རྡོ་རྗེ་འཇིགས་བྱེད་ཆེན་པོའི་སྒོ་ནས་ཚེ་འདས་ཀྱི་སྦྱང་བ་བྱེད་ཚུལ་བྱང་ཆོག་ཐར་ལམ་སྒོ་འབྱེད་བཅས་ཀྱི་ལྗགས་ལུང་། རྒྱལ་བའི་བཀའ་འགྱུར་རིན་པོ་ཆེའི་བླ་བརྒྱུད་གསོལ་འདེབས་ཀྱི་ལྗགས་ལུང་། བཀའ་གདམས་རིན་པོ་ཆེའི་གླེགས་བམ་ཕ་ཆོས་དང་བུ་ཆོས་ཀྱི་ལྗགས་ལུང་། བློ་སྦྱོང་སྙན་བརྒྱུད་ཆེན་མོའི་རྣམ་བཤད་ཉི་མའི་འོད་ཟེར་ལས་བཏུས་པའི་བློ་སྦྱོང་དོན་བདུན་མའི་རྩ་ཚིག་གི་ལྗགས་ལུང་། རྗེ་བཙུན་རྡོ་རྗེ་རྣལ་འབྱོར་མ་ནཱ་རོ་མཁའ་སྤྱོད་ཀྱི་སིནྡྷུ་རའི་དཀྱིལ་འཁོར་སྒྲུབ་མཆོད་དང་དབང་ཆོག་བདེ་ཆེན་གསལ་སྒྲོན་ཞེས་བྱ་བ་ནག་འགྲོས་བཀླགས་ཆོག་བཀོད་པའི་ལྗགས་ལུང་དང་བཅས་ཆོས་འབྲེལ་ཉིན་བཅུ་དྲུག་ཙམ་གྱི་བཀའ་དྲིན་བསྐྱངས་གནང་མཛད་པ། །
བསྐུར་ཟིན་པའི་ནང་དོན་འོས་སྦྱོར།
查看更多历史消息
ཇི་སྐད་དུ་༧ཀུན་གཟིགས་པཎ་ཆེན་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་གི་ཞལ་གྱི་བུམ་བཟང་ལས། འགྲོ་སྤྱིར་སྨན་པའི་དགེ་མཚན་ཡོད་ན་ནི། །དགའ་སྤྲོས་བཞུགས་ཏེ་ལས་དོན་རླབས་ཆེན་དེའི། །གྲུབ་འབྲས་ནམ་ཐོབ་བར་ལ་དཀའ་ངལ་སོགས། །རྐྱེན་ངན་གང་བྱུང་ཕྱི་བཤོལ་མི་བྱེད་པར། །འབད་བརྩོན་དྲག་པོས་དཀའ་ཐུབ་དང་ལེན་གྱིས། །ཞེས་ཚིག་བཅད་ཀྱི་མདུན་བསུས་ནས་གུས་གནས་ཟླ་བ་རང་ཉིད་ནི་སྐྱེས་སྟོབས་ཀྱི་ཤེས་རབ་དང་སྦྱངས་སྟོབས་ཀྱི་ཡོན་ཏན་གྱི་དབེན་པའི་བདག་ཉིད་ཞིག་ཡིན་ཡང་དཔལ་ལྡན་བླ་མ་དམ་པ་གང་ཉིད་ལ་དད་པས་ཉམ་ཆུང་མགོན་པོ་གང་གི་སློབ་བུའི་གྲལ་མཐའ་ནས་མ་འབུད་ཙམ་ཞིག་ཡིན་ཡང་། ཅི་སྐད་དུ ༧འཇམ་མགོན་བླ་མ་ཙོང་ཁ་པ་ཆེན་པོའི་ཞལ་གྱི་བུམ་བཟང་ལས། བསམ་པ་བཟང་ན་ས་དང་ལམ་ཡང་བཟང་། །བསམ་པ་དམན་ན་ས་དང་ལམ་ཡང་དམན། །ཐམས་ཅད་བསམ་པ་དག་ལ་རག་ལས་པས། །ཞེས་གང་གསུངས་པ་ལྟར་གུས་པས་ཀྱང་གཞན་ཕན་གྱི་བསམ་པ་བཅོས་མ་མ་ཡིན་པས་རྒྱུད་བསྐུལ་ནས་ཆོས་མིན་ཕྱོགས་ཀྱི་ཆོས་ལ་རྒོལ་མཁན་དང་དེས་མ་ཟད་ཆོས་པའི་ཕྱོགས་ནས་ཆོས་ལ་རྒོལ་མཁན་ནས་གཙོས་པའི་མ་གྱུར་སེམས་ཅན་ཐམས་ཅད་ཀྱི་རྒྱུད་ལ་ངེས་འབྱུང་བྱང་སེམས་ཡང་དག་པའི་ལྟ་བ་རྒྱུད་ལ་སྐྱེས་པའི་ཆེད་དུ་སྤྱི་སྟེགས་འདི་ནས ༧མཁན་ཆེན་རྡོ་རྗེ་རྒྱལ་མཚན་དཔལ་བཟང་པོ་མཆོག་གི་གསུང་ཆོས་གང་ཐུབ་ཀྱི་འཕུལ་རྒྱུ་ཡིན་པས་དེ་དོན་དགོངས་འཇགས་འཚལ། །
འཕྲིན་སྟེགས་སུ་མི་སྒེར་རམ་ཚོགས་པ་གང་གི་ཁེ་དབང་ལ་གནོད་པའི་ནང་དོན་ཡོད་ཚེ་མྱུར་དུ་ང་ཚོར་འབྲེལ་གཏུག་གནང་དང་དྲྭ་ངོས་ནས་བསུབ་ངེས་ཡིན། །
版权为原著所有，若有侵犯到您的权益，请您与我们联系，我们将立即删除。
གསལ་འདེབས།
འབྲེལ་གཏུག་གནང་ས། གནས་ཟླ་བ།
སྐད་འཕྲིན། ༡༩༣༧༦༠༩༩༦༥
ཡིག་ཟམ། 1937609965@qq.com
