࿐རང་ཅག་རྣམས་ལ་བཀའ་དྲིན་བླ་ལྷག་ཏུ་ཆེ་བ་ཡོངས་ཀྱི་དགེ་བའི་བཤེས་གཉེན་ཆེན་པོ་དོན་གྱི་སླད་དུ་མཚན་ནས་སྨོས་ན་གཙང་ལྗོངས་གདན་ས་ཆེན་པོ་བཀྲ་ཤིས་ལྷུན་པོའི་མཁན་རིན་པོ་ཆེའི་ཞལ་སྔ་ནས་ ༸རྗེ་བཙུན་རྡོ་རྗེ་རྒྱལ་མཚན་དཔལ་བཟང་པོ་མཆོག་ནས་དབུས་ཀྱི་གདན་ས་ཆེན་པོ་སེ་ར་ཐེག་ཆེན་གླིང་དགོན་གྱི་ནང་བསྟན་སློབ་གླིང་དུ་བོད་ཟླ་བདུན་པའི་ཚེས་བཅུ་དགུ་ནས་འདུས་མང་ཡོངས་ལ་བསྟན་པའི་འཇུག་སྒོ་སྐྱབས་འགྲོའི་ཁྲིད་ཡིག་ཕན་བདེའི་ལམ་བཟང་གསལ་བའི་སྒྲོན་མེ་ཞེས་བྱ་བའི་ཁྲིད། དཔལ་མང་པཎྜི་ཏས་མཛད་པའི་སྐྱབས་འགྲོའི་ཁྲིད་ཡིག་ཐུབ་བསྟན་སྒོ་འབྱེད་ཀྱི་ཁྲིད། ཨ་ཁུ་ཤེས་རབ་རྒྱ་མཚོས་མཛད་པའི་དགའ་ལྡན་ལྷ་བརྒྱའི་དམིགས་རིམ་བརྗེད་བྱང་དུ་བཀོད་པ་ཟབ་ལམ་ནོར་བུའི་མཛོད་ཀྱི་ཁྲིད། ཨ་ཁུ་ཤེས་རབ་རྒྱ་མཚོས་མཛད་པའི་རྡོར་སེམས་བསྒོམ་བཟླས་ཀྱི་ཁྲིད་དམིགས་ཡི་གེར་བཀོད་པ་ཡིད་ཀྱི་གདུང་སེལ་གྱི་ཁྲིད། ཨ་ཁུ་ཤེས་རབ་རྒྱ་མཚོས་མཛད་པའི་དམ་ཚིག་རྡོ་རྗེའི་བཟླས་པའི་ཁྲིད་ཀྱི་ཟིན་བྲིས་ཉམས་ཆག་དག་བྱེད་གངྒཱའི་མཆོད་ཡོན་ཞེས་བྱ་བའི་ཁྲིད། ཨ་ཁུ་ཤེས་རབ་རྒྱ་མཚོས་མཛད་པའི་དམ་ཚིག་རྡོ་རྗེའི་བཟླས་པའི་ཁྲིད་ཀྱི་ཟིན་བྲིས་ཉམས་ཆག་དག་བྱེད་གངྒཱའི་མཆོད་ཡོན་གྱི་ཁྲིད། ཨ་ཁུ་ཤེས་རབ་རྒྱ་མཚོས་མཛད་པའི་ཟ་བྱེད་མཁའ་འགྲོའི་སྦྱིན་སྲེག་གི་ཁྲིད་ཀྱི་ཟིན་བྲིས་སྡིག་ལྟུང་མུན་སེལ་གྱི་ཁྲིད། དངུལ་ཆུའི་གསུང་རྡོར་སེམས་སྒོམ་བཟླས་དང་དམ་ཚིག་རྡོ་རྗེའི་བཟླས་པ་ཟ་བྱེད་མཁའ་འགྲོའི་སྦྱིན་སྲེག་གི་ལྗགས་ལུང་། མགོན་པོ་གང་ཉིད་ཀྱི་མཛད་པའི་ཚད་མའི་སྐོར་ལས་མཁས་མང་བཞེད་པའི་ལུང་རིགས་ཨུ་དུམྦ་རའི་ཟེགས་མ་སྤུངས་པའི་ཚོམ་བུའི་ཁྲིད་ལུང་། མགོན་པོ་གང་ཉིད་ཀྱིས་མཛད་པའི་བསྡུས་གྲྭའི་ཟིན་བྲིས་ཀྱི་དབུ་ནས་ཅུང་ཙམ་གྱི་ལྗགས་ལུང་། བརྟན་བཞུགས་འཆི་མེད་དཔལ་སྟེར་གྱི་ལྗགས་ལུང་། རྒྱལ་སྲས་ཐོགས་མེད་བཟང་པོས་མཛད་པའི་བློ་སྦྱོང་བདུན་མའི་མཆན་འགྲེལ་གྱི་ཁྲིད་། བློ་སྦྱོང་སྙན་བརྒྱུད་ཆེན་མོའི་རྣམ་བཤད་ཉི་མའི་འོད་ཟེར་ལས་བཏུས་པའི་བློ་སྦྱོང་དོན་བདུན་མའི་རྩ་ཚིག་གི་ལྗགས་ལུང་། སྒྲ་མི་སྙན་གྱི་ཚེ་དཔག་མེད་ཀྱི་དབང་དང་ཚེ་མདོ་ལྗགས་ལུང་བཅས་ཆོས་འབྲེལ་ཉིན་ལྔ་ཙམ་གྱི་དཀའ་དྲིན་བསྐྱངས་གནང་བ། །
བསྐུར་ཟིན་པའི་ནང་དོན་འོས་སྦྱོར།
查看更多历史消息
ཇི་སྐད་དུ་༧ཀུན་གཟིགས་པཎ་ཆེན་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་གི་ཞལ་གྱི་བུམ་བཟང་ལས། འགྲོ་སྤྱིར་སྨན་པའི་དགེ་མཚན་ཡོད་ན་ནི། །དགའ་སྤྲོས་བཞུགས་ཏེ་ལས་དོན་རླབས་ཆེན་དེའི། །གྲུབ་འབྲས་ནམ་ཐོབ་བར་ལ་དཀའ་ངལ་སོགས། །རྐྱེན་ངན་གང་བྱུང་ཕྱི་བཤོལ་མི་བྱེད་པར། །འབད་བརྩོན་དྲག་པོས་དཀའ་ཐུབ་དང་ལེན་གྱིས། །ཞེས་ཚིག་བཅད་ཀྱི་མདུན་བསུས་ནས་གུས་གནས་ཟླ་བ་རང་ཉིད་ནི་སྐྱེས་སྟོབས་ཀྱི་ཤེས་རབ་དང་སྦྱངས་སྟོབས་ཀྱི་ཡོན་ཏན་གྱི་དབེན་པའི་བདག་ཉིད་ཞིག་ཡིན་ཡང་དཔལ་ལྡན་བླ་མ་དམ་པ་གང་ཉིད་ལ་དད་པས་ཉམ་ཆུང་མགོན་པོ་གང་གི་སློབ་བུའི་གྲལ་མཐའ་ནས་མ་འབུད་ཙམ་ཞིག་ཡིན་ཡང་། ཅི་སྐད་དུ ༧འཇམ་མགོན་བླ་མ་ཙོང་ཁ་པ་ཆེན་པོའི་ཞལ་གྱི་བུམ་བཟང་ལས། བསམ་པ་བཟང་ན་ས་དང་ལམ་ཡང་བཟང་། །བསམ་པ་དམན་ན་ས་དང་ལམ་ཡང་དམན། །ཐམས་ཅད་བསམ་པ་དག་ལ་རག་ལས་པས། །ཞེས་གང་གསུངས་པ་ལྟར་གུས་པས་ཀྱང་གཞན་ཕན་གྱི་བསམ་པ་བཅོས་མ་མ་ཡིན་པས་རྒྱུད་བསྐུལ་ནས་ཆོས་མིན་ཕྱོགས་ཀྱི་ཆོས་ལ་རྒོལ་མཁན་དང་དེས་མ་ཟད་ཆོས་པའི་ཕྱོགས་ནས་ཆོས་ལ་རྒོལ་མཁན་ནས་གཙོས་པའི་མ་གྱུར་སེམས་ཅན་ཐམས་ཅད་ཀྱི་རྒྱུད་ལ་ངེས་འབྱུང་བྱང་སེམས་ཡང་དག་པའི་ལྟ་བ་རྒྱུད་ལ་སྐྱེས་པའི་ཆེད་དུ་སྤྱི་སྟེགས་འདི་ནས ༧མཁན་ཆེན་རྡོ་རྗེ་རྒྱལ་མཚན་དཔལ་བཟང་པོ་མཆོག་གི་གསུང་ཆོས་གང་ཐུབ་ཀྱི་འཕུལ་རྒྱུ་ཡིན་པས་དེ་དོན་དགོངས་འཇགས་འཚལ། །
འཕྲིན་སྟེགས་སུ་མི་སྒེར་རམ་ཚོགས་པ་གང་གི་ཁེ་དབང་ལ་གནོད་པའི་ནང་དོན་ཡོད་ཚེ་མྱུར་དུ་ང་ཚོར་འབྲེལ་གཏུག་གནང་དང་དྲྭ་ངོས་ནས་བསུབ་ངེས་ཡིན། །
版权为原著所有，若有侵犯到您的权益，请您与我们联系，我们将立即删除。
གསལ་འདེབས།
འབྲེལ་གཏུག་གནང་ས། གནས་ཟླ་བ།
སྐད་འཕྲིན། ༡༩༣༧༦༠༩༩༦༥
ཡིག་ཟམ། 1937609965@qq.com
