2025ལོའི་ཟླ་1པོའི་ཚེས་1ཉིན་གྱི་སྔ་དྲོ། ཁྱིམ་བདག་ཞིག་སེམས་འཚབ་ཆེན་པོས་བསམ་གྲུབ་རྩེ་ཆུས་སྒང་ཏོག་མངགས་གཏོང་ཁང་དུ་ཡོང་ནས་ཉེན་རྟོག་པར། ཁོང་གི་ཕྲུ་གུ་ཁྱིམ་ནས་ཐོན་ཏེ་རྙེད་ཀྱི་མི་འདུག་པས་རོགས་རམ་གནང་རོགས་ཞེས་བརྗོད།
སྙན་སེང་འབྱོར་རྗེས། ཉེན་རྟོག་པས་ཕྱོགས་གཅིག་ནས་ཁྱིམ་བདག་ལ་སེམས་གསོ་བཏང་བ་དང་། ཕྲུ་གུའི་གཞི་རྩའི་ཆ་འཕྲིན་དང་ཕྱིའི་རྣམ་པ་འདྲི་རྩད་ཞིབ་ཕྲ་བྱས། ཕྱོགས་གཞན་ཞིག་ནས་ཕྲུ་གུས་ནམ་རྒྱུན་འགྲོ་སྲིད་པའི་ས་ཆར་ཚགས་བཤེར་བྱས་པ་མ་ཟད། ཁྱིམ་ནས་ཐོན་པའི་ཕྲུ་གུའི་ཆ་འཕྲིན་གྲོང་ཁྱེར་སྤྱི་བདེ་ཅུས་གྲངས་གཞི་ཆེན་པོའི་མཉམ་གྲུབ་དམག་འཐབ་ལྟེ་གནས་ལ་ཡར་ཞུ་བྱས་ནས་རོགས་རམ་བྱ་རྒྱུའི་རེ་འདུན་ཞུས་ཡོད་པ་རེད།
གྲོང་ཁྱེར་སྤྱི་བདེ་ཅུས་གྲངས་གཞི་ཆེན་པོའི་མཉམ་གྲུབ་དམག་འཐབ་ལྟེ་གནས་ཀྱི་གཞོགས་འདེགས་འོག ཕྲུ་གུ་དེ་ཞོལ་བྱང་ལམ་དུ་སླེབས་པ་གཏན་འཁེལ་བྱས་པ་རེད། གནད་འགག་གི་ཁུངས་སྣེ་དེ་ཤེས་རྗེས། ཉེན་རྟོག་པས་མགྱོགས་མྱུར་བྱ་སྤྱོད་སྤེལ་ཏེ་ཆུ་ཚོད་ཕྱེད་ཀའང་མ་འགོར་བར། ཞོལ་བྱང་ལམ་གྱི་བོད་ཟས་ཁང་ཞིག་ནས་ཁྱིམ་ནས་ཐོན་པའི་ཕྲུ་གུ་པད་ཆེ་གེ་མོ་རྙེད་པ་དང་། འཕྲལ་མར་ཁྱིམ་བདག་དང་འབྲེལ་གཏུག་བྱས་ཡོད།
བསྐྱར་ཞུས། རྒྱལ་མཚན།
ཞུ་དག ཚེ་རིང་རྒྱ་མཚོ།
རྩོམ་སྒྲིག་པ། ཚེ་རིང་སྒྲོལ་མ།
ཡིག་སྒྱུར། ཚེ་རིང་སྒྲོལ་མ།
སྒྲ་འཇུག ཚེ་རིང་རྒྱ་མཚོ།
ཡོང་ཁུངས། དུས་བདེའི་བསམ་གྲུབ་རྩེ།
ཡིག་སྒམ་ཨང་གྲངས།
གལ་སྲིད་ཁྱེད་ལ་ཁུངས་བཙན་གྱི་གསར་འགྱུར་རམ་ཆ་འཕྲིན་ཆོབ་ཚ་པོ་དེ་འདྲ་ཡོད་ཚེ་ང་ཚོར་བསྐུར་རོགས་གནང་།
ང་ཚོའི་ཡིག་སྒམ་ནི་1132875981@qq.comཡིན།
རྩོམ་ཡིག་གཞིས་ཀ་རྩེའི་ཚགས་པར་ལས་ཁུངས་ཀྱི་ཡིག་སྒམ་rkzbszw@163.comལ་བསྐུར་རོགས་གནང་།
ང་ཚོའི་བརྙན་ཐུང་རྟགས་ཅན་日喀则广播电视台ཟེར་བར་དོ་ཁུར་གནང་ནས་ངོ་མཚར་ལྟད་མོར་གཟིགས་དང་།
