● 《བོད་རང་སྐྱོང་ལྗོངས་མི་རིགས་མཐུན་སྒྲིལ་ཡར་ཐོན་དཔེ་བཟང་ཁུལ་འཛུགས་གཏོད་བྱ་རྒྱུའི་སྲོལ་ཡིག》ཕྱོགས་ཡོངས་ནས་ལག་བསྟར་བྱ་རྒྱུ།
●“འདུ་ཤེས་གསུམ”གྱི་སློབ་གསོ་རྒྱུན་རྣམ་བཞིན་སྤེལ་རྒྱུ།
● རང་སྐྱོང་དང་། ཁྲིམས་སྐྱོང་། སྤྱོད་སྐྱོང་བཅས་ཟུང་དུ་འབྲེལ་བའི་གྲོང་ཁྱེར་གྲོང་གསེབ་ཀྱི་གཞི་རིམ་བཅོས་སྐྱོང་མ་ལག་འཐུས་སྒོ་ཚང་དུ་གཏོང་རྒྱུ།
●“རྣམ་གྲངས་གལ་ཆེན་འཛུགས་སྐྲུན་བྱེད་པའི་འགག་སྒྲོལ་ལོའི”བྱ་སྤྱོད་སྤེལ་ནས་མ་དངུལ་སྒོར་དུང་ཕྱུར་2000ཡན་གཏོང་ཐུབ་པ་བྱ་རྒྱུ།
● ཞིང་ལས་ཐོན་ལས་ཅན་གྱི་མཉམ་འབྲེལ་སྒྲིག་གཞི་འཛུགས་རྒྱུའི་ཚོད་ལྟ་བྱས་ཏེ། ཞིང་འབྲོག་ཐོན་རྫས་ལས་སྣོན་ལས་རིགས་ཀྱི་སྤྱིའི་ཐོན་རྫས་རིན་ཐང་10%ཡན་འཕར་བ་བྱ་རྒྱུ།
● ཐོན་ལས་གོང་འཕེལ་གཏོང་གྲོན་ཐད་མ་དངུལ་སྒོར་དུང་ཕྱུར་30བཀོད་སྒྲིག་བྱ་རྒྱུ།
● མཐོ་གསར་ལག་རྩལ་གྱི་ཁེ་ལས་160དང་ཆེད་ཞིབ་ཁྱད་གསར་བཞིའི་ཁེ་ལས་འབྲིང་ཆུང་10སྐྱོང་སྤེལ་ཐོག འབྱུང་འཕྲོད་བཟོ་གྲྭ་དང་འབྱུང་འཕྲོད་གླིང་ཁུལ་ཁག་གཅིག་གཏན་འཁེལ་བྱ་རྒྱུ།
● ཚོང་འགུགས་མ་འདྲེན་གྱི་མ་དངུལ་སྒོར་དུང་ཕྱུར་500ཡན་ལེགས་གྲུབ་བྱ་རྒྱུ།
● ཚད་གཞི་མཐོ་བའི་ཞིང་ཁ་མུའུ་ཁྲི་20གསར་སྐྲུན་དང་ལེགས་བཅོས་བྱ་རྒྱུ།
● ས་མཐོའི་མཐུན་སྐྱིད་ཤང་གྲོང་180བསྐྲུན་རྒྱུ།
● རྒྱུན་སྡོད་མི་འབོར་གྲོང་ཁྱེར་དང་གྲོང་རྡལ་ཅན་དུ་འགྱུར་ཚད་40%ཡན་ཟིན་པ་བྱ་རྒྱུ།
● གྲོང་ཁྱེར་དང་གྲོང་རྡལ་དུ་མི་ཁྲི་5གསར་དུ་ལས་ཞུགས་ཐུབ་པ་བྱ་རྒྱུ།
● ལོ་འདིའི་མཐོ་སློབ་ཐོན་པའི་སློབ་མ་ལས་ཞུགས་ཐུབ་ཚད་95%ཡན་དང་ལྗོངས་ཕྱིར་ལས་ཞུགས་ཐུབ་ཚད་12%ཡན་ཟིན་པ་བྱ་རྒྱུ།
● ཞིང་འབྲོག་མང་ཚོགས་མི་ཁྲི་63ཡན་གནས་སྤོས་ལས་ཞུགས་ཐུབ་པ་དང་ངལ་ནུས་ཡོང་འབབ་སྒོར་དུང་ཕྱུར་68ཡན་ཟིན་པ་བྱ་རྒྱུ།
● རིམ་པ་མཐོ་བ་དང་འཕྲལ་མཁོའི་དཀོན་གྲས་ཀྱི་ཤེས་ལྡན་པ་ནང་འདྲེན་ཤུགས་ཆེན་བྱས་ནས་རྩལ་ནུས་ཆེ་བའི་ཤེས་ལྡན་པ་2300མང་དུ་གཏོང་རྒྱུ།
● མ་དངུལ་སྒོར་དུང་ཕྱུར་148བཀོད་སྒྲིག་བྱས་ནས་དམངས་འཚོའི་བྱ་བ་ཁག་28བསྒྲུབ་རྒྱུ།
● ཚན་རིག་དང་མཐུན་པའི་སྒོ་ནས་སྐྱེ་ཁམས་ཉམས་གསོའི་ལས་གཞི་གལ་ཆེན་ལག་བསྟར་བྱས་ནས་ནགས་གསོ་ནགས་སྐྱོང་མུའུ་ཁྲི་100ཡན་ལེགས་གྲུབ་བྱ་རྒྱུ། དེའི་ནང་། ལྷོ་བྱང་རི་བོ་སྔོ་འགྱུར་ལས་གཞིའི་ནགས་གསོ་ནགས་སྐྱོང་མུའུ་ཁྲི་20ཚུད་ཡོད།
● རྩྭ་ཐང་ཉམས་པ་མུའུ་ཁྲི་500སླར་གསོ་བཅོས་སྐྱོང་དང་ས་ཆུ་ཤོར་བའི་ས་ཆ་མུའུ་ཁྲི་20བཅོས་སྐྱོང་བྱ་རྒྱུ།
● མཐའ་མཚམས་གྲོང་གསར་དུ་ལེ་ལག་ཚང་བའི་གློག་གཏོང་ལས་གྲྭར་མུ་མཐུད་སྐུལ་འདེད་གཏོང་རྒྱུ།
● མཐའ་མཚམས་ཀྱི་ཤང་དང་གྲོང་རྡལ་དུ་5Gདང་ཀྲའོ་སྟོང་གི་འོད་དྲ་ཁྱོན་ཡོངས་ལ་ཁྱབ་པ་བྱ་རྒྱུ།
● མཐའ་མཚམས་ས་ཁུལ་གྱི་ཁྱད་ལྡན་ཐོན་ལས་གོང་འཕེལ་གཏོང་བར་རོགས་སྐྱོར་ཤུགས་ཆེན་བྱ་རྒྱུ།
● ཡུལ་བབ་དང་བསྟུན་ནས་མཐའ་མཚམས་ཡུལ་སྐོར་དང་། ཁོངས་བརྒལ་ཡུལ་སྐོར། མཐའ་མཚམས་ཚོང་དོན་བཅས་གོང་འཕེལ་གཏོང་རྒྱུ།
编辑：拉姆
责编：巴桑旺堆
编审：旦增晋美
来源：西藏日报藏文媒体
