ཉེ་དུས། ལྷ་ས་གྲོང་ཁྱེར་སྤྱི་བདེ་ཅུད་དཔལ་འབྱོར་མྱུལ་ཞིབ་ཉིང་ལག་རུ་ཁག་གིས་དངུལ་ཁང་བྱང་བུ་བརྐུས་ནས་དངུལ་བཏོན་པའི་གྱོད་གཞི་ཞིག་རྩད་ཆོད་པ་དང་། དོགས་ཡོད་ཉེས་ཅན་༡བཟུང་བ་རེད།
ཟླ་༡༢ཚེས་༢༠ཉིན་རྒྱལ་ཆེ་གེ་མོས་མྱུལ་ཞིབ་ཉིང་ལག་རུ་ཁག་ལ་གྱོད་དོན་སྙན་སེང་ཞུས་ནས་ཁོ་པའི་དངུལ་ཁང་གཱ་གཟབ་གཟབ་མ་བྱས་པར་བཙོང་རྒྱུར་བསྐྱལ་བའི་མོ་ཊའི་ནང་ལུས་པ་དང་། གཱ་ནང་གི་སྒོར་ཁྲི་༢རྐུ་ལ་ཤོར་འདུག་ཅེས་བརྗོད་པ་རེད། སྙན་སེང་དེ་འབྱོར་རྗེས་མྱུལ་ཞིབ་ཉིང་ལག་རུ་ཁག་རུ་ཆེན་གསུམ་པས་འཕྲལ་དུ་མྱུལ་ཞིབ་མི་སྣ་སྒྲིག་འཛུགས་བྱས་ཏེ། འབྲེལ་ཡོད་བརྟག་དཔྱད་དཔང་ལེན་གྱི་ལས་དོན་སྤེལ་བ་དང་། བརྟག་དཔྱད་བྱས་པ་བརྒྱུད། མྱུལ་ཞིབ་མི་སྣས་དོགས་ཡོད་ཉེས་ཅན་གྱི་ཐོབ་ཐང་ཆ་འཕྲིན་རགས་ཙམ་ཁོང་དུ་ཆུད་པར་མ་ཟད། ཉེ་ཆར་ལྷ་ས་གྲོང་ཁྱེར་ཚལ་གུང་ཐང་གི་མོ་ཊ་རྙིང་པ་ཉོ་ཚོང་བྱེད་སའི་ཀུང་སི་ག་གེ་མོ་ཞིག་ནས་དོགས་ཡོད་ཉེས་ཅན་བློ་ཆེ་གེ་མོ་འཛིན་བཟུང་བྱས་པ་རེད།
དོགས་ཡོད་ཉེས་ཅན་བློ་ཆེ་གེ་མོས་ངོས་ལེན་ཞུས་པར་གཞིགས་ན། ཁོ་ནི་རླངས་འཁོར་རྙིང་པ་ཉོ་ཚོང་ཀུང་སི་ག་གེ་མོ་ཞིག་གི་ལས་མི་ཡིན་པ་དང་། ཉིན་དེར་འཁོར་བདག་རྒྱལ་ཆེ་གེ་མོའི་རླངས་འཁོར་ནང་ནས་དངུལ་ཁང་གཱ་ཞིག་མཐོང་ནས། གཱ་ཡི་རྒྱབ་ཏུ་གྲངས་ཀ་དྲུག་བྲིས་ཡོད་པས་གསང་གྲངས་ཡིན་པ་ཤེས་ཏེ་དངུལ་རྐུ་ལེན་བྱེད་འདོད་ཀྱི་སེམས་ངན་བཅངས་པ་རེད། དེ་ནས་ས་དེའི་ཉེ་འགྲམ་གྱི་དངུལ་ལེན་འཕྲུལ་ཆས་ཞིག་ནས་ཚོད་ལྟ་བྱས་ནས་སྒོར་ཁྲི་༢བླངས་པ་རེད།
ད་ལྟ་དོགས་ཡོད་ཉེས་ཅན་བློ་ཆེ་གེ་མོ་ཁྲིམས་ལྟར་ཉེས་དོན་བཀག་ཉར་བྱས་པ་དང་གྱོད་གཞི་དེ་རྒྱུ་མ་ཕུ་འདེད་བྱེད་བཞིན་ཡོད་པ་རེད།
ཉེན་རྟོག་པས་དྲན་སྐུལ་ཞུ་རྒྱུར།
警方提醒
གལ་ཏེ་མི་གཞན་གྱི་ཡིད་རྟོན་གཱའམ་ཡང་ན་དངུལ་ཁང་གཱ་བརྙེད་ཚེ་དུས་ཐོག་ཏུ་དངུལ་ཁང་ལ་སྤྲོད་པའམ་ཡང་ན་མངགས་གཏོང་ཁང་ལ་སྤྲད་དགོས། རང་ཉིད་ཀྱི་དངུལ་རྐུ་ཤོར་ནས་རྒྱུ་ནོར་ལ་གྱོང་གུན་མི་ཕོག་ཆེད་ཀུན་གྱིས་གཟབ་གཟབ་བྱ་དགོས་པར་མ་ཟད། རང་ཉིད་ཀྱི་གསང་གྲངས་གཱ་ཡི་རྒྱབ་ཏུ་མི་འབྲི་བ་དང་གསང་གྲངས་དེ་ཡང་སྟབས་བདེ་པོ་དང་ཤེས་བདེ་པོ་མི་བཟོ་རྒྱུ་གལ་ཆེའོ།།
