首先 冇任何不敬嘅意思
但係我真係冇完整睇過呢個節目
第一季淨係睇過楊小姐唱《無條件》嗰條片
所以我覺得自己真係冇咩資格
對新一季發表睇法
唔睇嘅原因單純係對我而言
呢個節目係冇乜吸引力嘅
咁但係好似睇某啲廣告
如果我冇興趣買呢個產品
咁咪證明佢嘅目標客戶唔係我咯
總有人受落 不過唔係我咯
我特登因為你呢個問題
去揾咗揾咗以下呢兩份歌單
唔知係咪完全準確㗎
如果呢兩份歌單係真實嘅話
咁老實講 大部分係吸引唔到我嘅
唯二兩首想睇嘅應該係
周筆暢唱《今天只做一件事》
同埋林智樂唱《完全因你》
我覺得唔係好關首歌老唔老事
好多人翻唱老歌我都好鐘意
例如近排睇澱粉直拍張敬軒
喺澳門演唱會翻唱《細水長流》
都聽到我對住部手機拍爛手掌
會feel到編曲同唱腔嘅誠意
(林振強填情詞真係世一)
即係我覺得翻唱要有原因咯
要啱個vibe或者呢首歌係有特殊意義
例如我諗唔到點解我要睇
張智霖陳小春謝天華林曉峰合唱《無間道》
雖然話主題係ost專場
咁但係是否需要繼續食翻古惑仔條水
唱風格類似嘅《無間道》呢?
同埋揾班前輩出嚟
又唱翻同一堆歌
又講翻同一堆門面說話
臨尾又係一齊好感動咁
唱一首耳熟能詳嘅歌
然後高呼「港樂不死」
嗱 我唔知會唔會咁
因為個節目聽日(29號)先正式出街
我都希望我估錯嘅
希望有啲新意咯
不過以免跟車太貼
都要講聲 目前睇牌面而言
吸引唔到我嘖
可能後期我會被某段表現而吸引
都唔出奇㗎
哎喲 本來都諗住唔講嘅
但俾你咁樣提一提就講下啦哈哈哈
冇啊 就係呢 我上兩個禮拜寫嘅
嗰三篇Nancy今年新歌嘅推送呢
俾Nancy本人睇咗咯
係Nancy Kwai唔係Nancy Sit喔
佢用咗差唔多二十分鐘好認真睇曬三篇
之後多謝我同埋讚我好有心
認證我真係有睇曬佢啲所有訪問先寫推送
我唔會貼截圖上嚟㗎
係冇圖冇真相㗎
信不信由你啦
反正我自己開心就夠啦哈哈哈
既然咁開心
就分享下我宜家超靚嘅手機壁紙啦
i love Nancy!!
正正式式應該係九次吧
今個星期純粹係因為懶
上個星期少更新係因為瘋狂迷上一個
叫做「沙威瑪傳奇」嘅模擬經營遊戲
超級無敵上頭
一發不扣收拾
我喺pc 手機 ipad
三個不同平台都已經打爆機
成為多方位的沙威瑪傳奇!!
可能好多人都已經玩過
如果仲未玩歡迎入坑
如果癲啲基本上一日就可以完全通關
如果你玩
我俾個小建議:
前期唔好開咁多菜品
將所有機器同工人
都升級到完全自動化之後
再加菜品後期會舒服好多
真係超級好玩
我發覺腸粉呢家嘢真係唔可以食連鎖店㗎喔
因為個師傅嘅手法都關鍵嘅
近排我食到一間都真係唔錯
個名叫「才記」
有實體店有外賣
只做早午餐
六點幾開門下午一兩點就冇得食
佢個腸粉皮又滑又薄
個豉油又唔會太甜
我自己係幾鐘意嘅
唔知你哋啱唔啱
笑話等電台再講俾你聽啦
問你條IQ題先啦
你知唔知一塊三成熟嘅牛扒
同一塊五成熟嘅牛扒
佢哋一齊點解唔會傾計?
佢夾埋出咗九首
你要我揀五首?
我係要幾唔鐘意嗰四首先揀到?
哈哈哈哈哈
講最鐘意嗰首啦
暫時應該係《Let Go》嘅
其實我之前寫過㗎
你可以搜下
唔知有冇「消失」了
成員嘅話我會揀
1.MC仁
2.大飛
3.Phat
4.Prodip
5.KB
歌嘅話就
1.《大懶堂》
2.《債》
3.《翻屋企》
4.《今宵多珍重》
5.《揸緊中指》
一啲啲場次啦
有啲成日睇
有啲唔敢睇
有啲唔想睇
有啲冇得睇
其實真係萬事開頭難
每本書頭幾章係最容易令人放棄嘅
捱過咗 進入咗個故事
或者習慣咗個敘事方式之後
就會好好多
唔知你有冇聽書嘅習慣
其實聽都得㗎
你又可以一邊做其他嘢一邊聽
同埋我覺得盡量唔好瞓覺前睇書
因為每次都準備瞓先睇嘅話
以後自自然然一攞起本書就想瞓
同埋 確實睇唔落真係冇得逼㗎喔
《百年孤獨》嘅頭兩章
我睇幾多次就瞓幾多次
但係白井智之我一翻開
就可以兩個鐘一口氣睇曬
興趣呢家嘢 真係冇得逼
無感嘅書 就唔好逼自己睇落去
1.《小心地滑》
2.《老派約會之必要》
3.《隔牆有耳》
4.《百萬大道》
5.《反對無效》
6.《Frenemy》
7.《記憶棉》
8.《世一》
9.《時候不早》
10.《小心碰頭》
純今年嘅話應該係
男歌手 林家謙
女歌手 Nancy kwai
組合 Collar
最喜愛歌曲好難揀
應該會係
《填詞魂》
或者
《至少做一件離譜的事》
二選一
哇 好難喔
試下啦
1.Ja Morant
2.Jimmy Butler
3.Luka
4.Kyrie Irving
5.LeBron James
6.Stephen Curry
7.Donovan Mitchell
8.Zach LaVine
9.Jalen Brunson
10.Tari Eason
(鐘意佢唔係淨係因為佢叫Eason
係佢近排喺火箭真係打得好好)
除咗前二
其實後面嗰啲鐘意程度都差唔多
順帶一提 如果計埋退役嘅
我最愛嘅永遠係D.Wade
可能你唔係人
係神呢
係負責愛人嗰個
如果你失憶
咁你愛嘅人咪冇人愛佢哋咯
多謝你先
但係我唔係好讚同你咁諗嘅
無論你幾中意一個人嘅所有嘢
都千祈唔好隨意將佢講嘅嘢
通通接收並奉為真理
咁樣會越難越接受新嘅觀點
其實同一件事應該睇多啲唔同嘅睇法
就算自己唔認同都唔緊要㗎
甚至唔使分邊個啱邊個錯
但要承認呢種睇法嘅存在
要知道有人係會咁諗嘢嘅
無論你幾鐘意幾崇拜嗰個人都好
都記得記得要思考過再放落袋
我好鐘意黃偉文喺《無人之境》作結嗰句
「不想說明 只想反應」
好多時候一段感情
真係未必需要下定義
你覺得內耗覺得唔開心
但你未下定決心走
證明你仲係唔捨得
仲係有嘢值得你留戀
到你覺得太辛苦
真係頂唔住
自然會狠心同佢斷捨離
我宜家勸你你都唔會走
留低同離開
都係一瞬間嘅決定
未到需要說明的時候
便任由情緒主導
只需好好反應即可
冇得解釋㗎喔
每個人嘅理解都唔同
有心去聽有心去了解嘅人
一定會有自己嘅一套理論去解釋
唔使所有嘢都下定義
你中意嘅話
叫「粵曲」都得㗎
愛情唔係淨係錫錫攬攬風花雪月
愛情仲有不捨難過梨花帶雨
係套餐嚟㗎
點咗就要食曬
有人半年就心淡已經好幸福
有人分別十年仲念念不忘
廿年後舊情復再亦大有人在
一日未死
一切都係逗號
生活變好
會唔會令你冇咁痛苦先
我唔係你
我唔知你會幾痛苦
唔知你會變得幾好
唔好意思 俾唔到建議
1.突然一生人
2.畫意
3.末日
4.下次愛你
5.生命之花
6.誅神的黃昏
7.留白
8.開籠雀
9.最好的
10.狠愛狠愛你
-
"請起筷"
有咩心事 不妨掃碼同我講
