ཞབས་དཀར་ཚོགས་དྲུག་རང་གྲོལ།
རྟ་ནག་རིན་པོ་ཆེ་ངག་དབང་ཤེས་རབ།
འཆད་ཁྲིད་ནང་དོན། གཤིན་པོའི་འདས་མཆོད་ཀྱི་སྐོར།
མཛད་པ་པོ། ཞབས་དཀར་ཚོགས་དྲུག་རང་གྲོལ།
འཆད་ཁྲིད་པ། རྟ་ནག་རིན་པོ་ཆེ་ངག་དབང་ཤེས་རབ།
རྩ་ཚིག།
རང་ལ་མི་བཟང་ཡུལ་མི་ཚོས། །དེ་ཚོས་དེ་ཉོས་ཟེར་ཡང་ཐང་། །མ་ངུ་ངུས་ནས་ཕན་མི་ཐོགས །རྐྱེན་ངན་བྱུང་ནས་ཐེག་པ་ལ། །ཕོ་རབ་མོ་རབ་ཟེར་བ་ཡིན། །སྐྱིད་ནི་མི་ཐེག་སུ་ཞིག་ཡོད། །སྡུག་བསྔལ་བྱུང་དུས་ཐེག་པ་དགོས། །མ་རྒན་བཞིན་དུ་སྣ་ཚོ་ལུག །གླང་རྒན་བཞིན་དུ་སྡུག་འཁུན་བྱེད། །བོང་རྒན་བཞིན་དུ་ཕས་འདེབས་པ། །སྐྱེ་བོ་གླེན་པའི་ཆོས་ལུགས་ཡིན། །ངུས་ནས་ཤི་བོ་ཕྱིར་མི་འོང་། །དགེ་རྩའི་ཐེབས་སུ་དེ་མི་འགྲོ། །རང་གིས་རང་ལ་སྡུག་སྐུལ་པ། །མ་གཏོགས་དོན་གོ་སྤུ་ཙམ་མེད། །ཕོ་རབ་མོ་རབ་བསམ་ཤེས་ཚོ། །བླུན་པོའི་ལད་མོ་མ་བྱེད་ཨང་། །གཏམ་འདི་ཚོགས་དྲུག་རང་གྲོལ་གྱིས། །ཁྱིམ་པ་སེམས་སྡུག་ཅན་ལ་སྨོས། །ཐོས་ཚད་མྱ་ངན་ཀུན་སངས་ནས། །ཡིད་ལ་དགའ་བདེ་འཆར་བར་ཤོག །
དཀར་ཆག
གཤིན་པོའི་འདས་མཆོད་ཀྱི་སྐོར། 1
གཤིན་པོའི་འདས་མཆོད་ཀྱི་སྐོར། 2
གཤིན་པོའི་འདས་མཆོད་ཀྱི་སྐོར། 3
གཤིན་པོའི་འདས་མཆོད་ཀྱི་སྐོར། 4
གཤིན་པོའི་འདས་མཆོད་ཀྱི་སྐོར། 5
གཤིན་པོའི་འདས་མཆོད་ཀྱི་སྐོར། 6
གཤིན་པོའི་འདས་མཆོད་ཀྱི་སྐོར། 7
