༄༅།། ཚིག་སྦྱོར་ཕུན་སུམ་ཚོགས་པའི་སྙན་ངག་གི་ལམ་ནས་དྲངས་པའི་བློ་སྦྱོང་བཞུགས་སོ།།
༈ ན་མོ་གུ་རུ་མཉྫུ་གྷོ་ཥཱ་ཡ། རྒྱལ་བ་སྲས་དང་བཅས་ལ་ཕྱག་འཚལ་ལོ།། རྒྱལ་ཁམས་སེམས་ཅན་ཐམས་ཅད་བདེ་གྱུར་ཅིག། རྒྱལ་སྲས་རྣམས་ཀྱི་སྙན་ངག་སྒྲ་རྒྱན་དང་།། རྒྱལ་བའི་གསུང་རབ་ཆོས་ཀྱི་དགའ་སྟོན་བྱ།།
༈ སློབ་ཚན་འདི་ཡི་ནང་དོན་གནད་བསྡུས།
འཇམ་མགོན་བླ་མ་ཙོང་ཁ་པ་ཆེན་པོས་མཛད་པའི་སྙན་ངག་བློ་སྦྱོང་ཞུ་བའི་ཞལ་གདམས་འདི་ནི། རྗེ་བདག་ཉིད་ཆེན་པོས་ཚིག་སྦྱོར་ཕུན་སུམ་ཚོགས་པ་སྙན་ངག་ལེའུ་བར་པའི་སྒྲ་རྒྱན་གྱི་ལམ་ནས་ཐེག་པ་ཆེ་ཆུང་གི་ཉམས་ལེན་གྱི་གནད་ཐམས་ཅད་ཁ་གསལ་གོ་བདེར་གསུངས་པའི་ཞལ་གདམས་ཡིད་བཞིན་གྱི་ནོར་བུ་ཞིག་ཡིན། འདི་ལ་སྦྱང་བརྩོན་ལེགས་པར་མཛད་ན། ཐེག་པ་ཆེ་ཆུང་གི་བློ་སྦྱོང་ལམ་རིམ་གྱི་གོ་བ་ཡང་དག་པ་ཞིག་ཆགས་རྒྱུར་ཕན་པ་ངེས་ཅན་ཐོབ་རྒྱུར་ཐེ་ཚོམ་སྤུ་རྩེ་ཙམ་ཡང་མེད་པས་སྐལ་ལྡན་དོན་གཉེར་ཀུན་གྱི་ཐུགས་དབྱིངས་སུ་འཇགས་པར་འཚལ།། །།
