དེ་ཡང་བོད་རབ་རྒྱན་ཁྲོ་མོ་ཤིང་འབྲུག་ལོའི་དབྱུ་གུ་ཟླ་བའི་ཚེས་གསུམ་སྟེ། ཀུན་མཁྱེན་རིག་འཛིན་འཇིགས་མེད་གླིང་པའི་གཟུགས་སྐུའི་སྤྲོས་པ་གདོད་མའི་གཞི་དབྱིངས་སུ་ཉེ་བར་བསྡུས་ནས་བགྲང་བྱ་ཉིས་བརྒྱ་ཉེར་དྲུག་ལོན་པའི་རྗེས་དྲན་གྱི་དུས་ཚེས་ཁྱད་པར་ཅན་དང་འབྲེལ། སྔ་འགྱུར་རྙིང་མའི་དྲྭ་ཚོམས་སུ་བོད་ཟླ་དགུ་པའི་ཚེས་གཅིག་ནས་ཚེས་ལྔའི་ཉིན་བར་རྗེས་དྲན་གསུང་བཤད་བཀོད་སྒྲིག་ཞུ་བའི་རིམ་པ་ནི།
ཉིན་དང་པོར་རྫ་རྒྱལ་དགོན་གྱི་མཁན་པོ་ཕུར་བ་འཕྲིན་ལས་ལགས་ཀྱིས༼རིག་འཛིན་འཇིགས་མེད་གླིང་པའི་འདས་མཆོད་དང་འབྲེལ་བའི་གཏམ།༽ཞེས་པའི་གསུང་བཤད་གནང་རྒྱུ།
ཉིན་གཉིས་པར་དཔལ་ཡུལ་མཁན་པོ་ཚེ་རིང་བློ་ལྡན་ལགས་ཀྱིས༼རིག་འཛིན་འཇིགས་མེད་གླིང་པའི་རྣམ་ཐར་ཉུང་བསྡུས་ཙམ་བརྗོད་པ།༽ཞེས་པའི་གསུང་བཤད་གནང་རྒྱུ།
ཉིན་གསུམ་པར་ཡ་ཆེན་མཁན་པོ་ཡེ་ཤེས་དོན་རྟོགས་ལགས་ཀྱིས༼རིག་འཛིན་འཇིགས་མེད་གླིང་བའི་མཛད་རྗེས་གླེང་བ།༽ཞེས་པའི་གསུང་བཤད་གནང་རྒྱུ།
ཉིན་བཞི་པར་ཀཿ ཐོག་མཁན་པོ་པདྨ་མཁྱེན་རབ་ལགས་ཀྱིས༼ཡོན་ཏན་མཛོད།༽ཅེས་པའི་གསུང་བཤད་གནང་རྒྱུ།
སྤྱི་སྟེགས་གསལ་བཤད།
འཕྲིན་སྟེགས་འདི་རུ་སྔ་འགྱུར་རྙིང་མའི་མཁས་གྲུབ་སྐྱེས་ཆེན་གསེར་རིའི་ཕྲེང་བ་ལྟ་བུ་རྣམས་ཀྱིས་གསུངས་པའི་ཆོས་ཚན་ཁག་དང་། སྔ་འགྱུར་ཞབས་ཞུ་ཚན་ཆུང་གི་ལས་རིམ། དེ་བཞིན་ཚན་ཆུང་གིས་ཆེད་ཞུས་མཁས་དབང་གང་མང་གི་གསུང་བཤད། སྔ་འགྱུར་རང་ལུགས་ཀྱི་གཞུང་ཆེན་ཁག་དང་ལྟ་གྲུབ་འཛིན་མཚམས་སོགས་ལས་འཕྲོས་པའི་དཔྱད་རྩོམ་དང་། དེ་བཞིན་རིག་འཛིན་གོང་མ་རྣམས་ཀྱི་རྣམ་ཐར་རྗེས་དྲན་སོགས་ཆེད་སྤེལ་བྱེད་སྤེལ་ཞུས་ཡོད་པས་གསན་གཟིགས་གནང་བར་མཆོག་ཏུ་དགེའོ་ཞུ། གཞན་ཡང་འདིར་བཀོད་པའི་གསུང་བཤད་དང་དཔྱད་རྩོམ་སོགས་ཀྱི་ནང་དོན་རྣམས། རྩོམ་པ་པོ་དང་གསུང་བཤད་གནང་མཁན་མི་སྒེར་གྱི་ལྟ་བ་ཡིན་པ་ལས། ངེད་སྔ་འགྱུར་ཞབས་ཞུ་ཚན་ཆུང་གི་ལྟ་བ་ཡིན་པའི་ངེས་པ་མེད་ཞུ།
བདེན་གསུང་བཀའ་ཡི་རྒྱ་མཚོ་ཆེན་པོ་ལ།།
ཟབ་མོའི་ཆོས་གཏེར་ནོར་བུས་མངོན་པར་མཛེས།།
མདོ་དང་སྔགས་ཀྱི་ལམ་བཟང་ཟུང་དུ་འབྲེལ།།
མཚོ་སྐྱེས་རྒྱལ་བའི་བསྟན་པ་རྒྱས་གྱུར་ཅིག།
