༄༅། །མཁན་སྤྲུལ་རིན་པོ་ཆེ་དཀོན་མཆོག་བསྟན་འཛིན་མཆོག་གི་ཞབས་བརྟན་བཞུགས་སོ།།
དཀོ༵ན་མཆོ༵ག་རྩ་གསུམ་ཚེ་ལྷའི་ཚོགས་བཅས་ཀྱིས། །
དཀོན་མཆོག་བསྟན་ལ་ཚུལ་གནས་གསན་བསམ་སྒོམ། །
དཀོན་མཆོག་རྒྱལ་བསྟ༵ན་བཤད་སྒྲུབ་འཛི༵ན་བཟོད་པས། །
དཀོན་མཆོག་མཚན་ཅན་བཤེས་གཉེན་ཞབས་བརྟན་གསོལ། །
ཁྱད་པར་ཚེ་སྦྱིན་ཡིད་བཞིན་འཁོར་ལོ་དང་། །
འཆི་མེད་ཚེ་དབང་རིག་འཛིན་ཚོགས་བཅས་ཀྱིས། །
བསྟན་འགྲོར་སྨིན་མཛད་བཤེས་གཉེན་བར་ཆད་སོལ། །
ཞབས་པད་ཡུན་བརྟན་བྱིན་སྣང་རྩལ་དུ་གསོལ། །
བསྟན་དང་དེ་འཛིན་དབུ་འཕངས་དགུང་དུ་བསྟོད། །
སྐྱེ་དགུ་ཀུན་ཀྱང་ནད་མེད་ཚེ་དཔལ་དང་། །
དངོས་རྒྱུད་ཕན་བདེའི་དགེ་མཚན་སྣང་བ་རྒྱས། །
ས་གསུམ་བཀྲ་ཤིས་དཔལ་གྱིས་འབྱོར་གྱུར་ཅིག །
ཅེས་པའང་བཤེས་གཉེན་གང་གི་ཉེ་གནས་རིག་འཛིན་འགྱུར་མེད་བཀྲ་ཤིས་ཀྱིས་བསྐུལ་ངོར་རབ་འབྱམས་སྤྲུལ་མིང་ནས་ལྕགས་བྱི་ས་ག་ཟླ་བའི་འཕེལ་ཚེས་༦གཟའ་སྐར་དགེ་བའི་ཉིན་བུམ་ཐང་སྐུ་རྗེས་ལ་བྲིས་པའོ། །
