ཧ་ལས་སི་སི།
བུཚ་་་་་་་་ཡར་སུམ་རྩེན་ལྷ་ཡི་བུཚུ་ཚུ་ཡང་།།
ནཱ་འཇིག་རྟེན་འཛམ་བུ་གླིང་ནང་ལུ།།
བུམོ་ཁྱོད་ཀྱི་ངོ་རིས་ཧ་ལས་ཏེ།།
ཡར་ལྷ་ཡི་ཡིད་འཕྲོག་བུམོ་ཚུ་ཡང་།།
བཀོ་བཞག་སྟེ་འོང་ནིའི་ལོ་རྒྱུས་མས།།
ཁྱོད་གཞན་ལུ་ཤོར་བའི་ཚ་གྱང་ང་།།
བུམོ་་་་་་་བུཚ་ཁྱོད་ཀྱི་གཏམ་བཟང་དེ་བཟུམ་འདི།།
སྔོན་སྙན་ངག་མཁས་པའི་མཁས་མཆོག་གིས།།
གསུངས་བཞག་པའི་དཔེ་དེབ་ནང་ལུ་འདུག།
ངེའི་རྣ་བར་ཧན་སྦེ་གོ་བའི་ཚེ།།
ཁྱོད་སླབ་པའི་གཏམ་འདི་ཧན་མི་ཧན།།
དེ་བཟུམ་མའི་ཧན་གཏམ་གོ་མ་སྨྱོང་།།
བུཚ་་་་་་སྔོན་དྲི་ཟའི་ཡིད་འཕྲོག་ལྷ་མོ་གིས།།
མོ་དམ་ཚིག་བསྟེན་པའི་ལོ་རྒྱུས་མས།།
ངེའི་སེམས་ཀྱི་རྒྱན་ཆ་ཡིད་འཕྲོག་གིས།།
དཔྱེ་བཏུབ་པའི་དམ་ཚིག་བསྟེན་མི་ལུ།།
ཧ་ལས་པའི་ལོ་རྒྱུས་འབྲུག་བཟུམ་ལྡིར།།
ཁྱོད་སྨན་ཆུང་མང་གི་དཔེ་བཟང་མས།།
བུམོ་་་་་་ངེའི་དམ་ཚིག་ཅན་གྱི་སྟག་ཤར་ཡང་།།
སྔོན་དུས་ལུ་བྱོན་པའི་ནོར་བཟང་བཟུམ།།
བུམོ་ང་ལུ་དགའ་བའི་དགའ་ཐངས་བལྟ།།
བུམོ་ང་ལུ་བརྩེ་བའི་བརྩེ་ཐངས་བལྟ།།
ཧ་ལས་པའི་ལོ་རྒྱུས་སྟོང་གསུམ་ཁྱབ།།
ཁྱོད་སྟག་ཤར་མང་གི་དཔེ་བཟང་མས།།
བུཚ་དང་བུམོ་་་་དུས་ད་རེས་འཛོམས་པའི་ང་ཅས་གཉིས།
བརྩེ་མིག་གཞི་མཐུན་པའི་དགའ་རོགས་ཨིན།།
ལས་གནམ་བསྐོས་དབང་གིས་ཅིག་ཁར་འཛོམས།།
དུས་ད་རེས་འཛོམས་པ་དགའ་མི་དགའ།།
ད་འབྲེལ་བ་མེད་པའི་སྨོན་ལམ་གཅིག།
ཡར་དཀོན་མཆོག་གསུམ་ལུ་བཏབ་བཞག་གེ།།
