演出：工布江达县朱拉乡波村
གླུ་གཞས། ཕ་རིའི་རི་དེ་བྲག་རི་རེད།
འཁྲབ་ལེན། ཀོང་པོ་རྒྱ་མདའ་རྫོང་འབྲུ་ལ་ཤང་གོ་གྲོང་ཚོ།
ཕ་རིའི་རི་དེ་བྲག་རི་རེད།
བྲག་རི་ལ་བྲག་དཀར་གཡོན་འཁྱིལ།
བྲག་རི་བྲག་དཀར་གཡོན་འཁྱིལ་ལ།
ཐང་དཀར་བརྒྱ་ཡི་རྟེན་ས།
ཐང་དཀར་ཐང་ཕྲུག་ཁྲིད་ཅིང་།
བྲག་རི་ལ་གཡས་བསྐོར་བརྒྱབ་ཤོག
བྲག་རི་ལ་གཡོན་བསྐོར་བརྒྱབ་ཤོག
གཡས་རིའི་རི་དེ་ཤུག་རི་རེད།
ཤུག་རི་ལ་ཤུག་མོ་གཡོན་འཁྱིལ་ལ།
ཤུག་རི་ཤུག་མོ་གཡོན་འཁྱིལ་ལ།
ཁུ་ཡུག་བརྒྱ་ཡི་རྟེན་ས།
ཁུ་ཡུག་གསུང་སྐད་སྒྲག་ཅིང་།
ཤུག་རི་གཡས་བསྐོར་བརྒྱབ་ཤོག
ཤུག་རི་གཡོན་བསྐོར་བརྒྱབ་ཤོག
འདབ་རིའི་རི་དེ་མཚོ་རི་རེད།
མཚོ་རི་ལ་མཚོ་མོ་གཡང་འཁྱིལ།
མཚོ་རི་མཚོ་མོ་གཡང་འཁྱིལ་ལ།
ཉ་ཆུང་གསེར་གཤོག་བརྒྱ་ཡི་རྟེན་ས།
ཉ་ཆུང་གསེར་གཤོག་རྒྱས་ཤིང་།
མཚོ་རི་གཡས་བསྐོར་བརྒྱབ་ཤོག
མཚོ་རི་གཡོན་བསྐོར་བརྒྱབ་ཤོག
审核 | 洛桑次旦
编辑 | 扎囊·欧珠罗布
东日·扎西达杰
主办 | 工布江达县文化和旅游局
图文及视频 | 图文及视频版权归原作者所有
