࿑ ལེགས་བཤད་དགའ་ཚལ་གླིང་གི་འཕྲིན་སྟེགས་ནི་བོད་མི་རིགས་ཀྱི་ཆོས་ལུགས་དང་རིག་གནས། ཁ་འདོན་དང་དགེ་སྐུལ། འཚོ་བའི་རྒྱུན་ཤེས། གསར་འགྱུར། ཆོས་ཁྲིད་སོགས་བརྩམས་ཆོས་སྣ་མང་ཞིག་སྤེལ་བཞིན་ཡོད་པས་ཀློག་པ་པོ་ཡོངས་ཀྱིས་རྒྱབ་སྐྱོར་གྱི་ཚུལ་དུ་རང་གི་ཡིད་ལ་འཐད་པའི་བརྩམས་ཆོས་དག་གཞན་ལ་ངོ་སྤྲོད་དམ་བརྒྱུད་སྤེལ་རེ་གནང་བར་ཐུགས་རྗེ་ཆེ། བཀྲ་ཤིས་བདེ་ལེགས།
ནང་ཆོས་ཀྱི་གཏམ་རྒྱུད་ཐུང་ངུ་ཞིག
ཡིག་སྒྱུར་བ། སྡེ་དགེའི་ཟླ་ཡག
ནང་ཆོས་ལ་མི་ཕྱེད་པའི་དད་པ་ཡོད་པའི་གྲྭ་བ་ཞིག་ཡོད། ཁོང་གིས་སེམས་ཅན་ལ་འཚེ་བའི་ལས་མི་བགྱི་ཞིང་། རྒྱུན་པར་བསོད་སྙོམས་བྱོན་པ་ལས་གཞན་ཅི་ཡང་མེད་པའི་གྲྭ་བ་གྲྭ་རྐྱང་ཞིག་ཡིན། ཐེངས་ཤིག་ཉིན་གསུམ་ཙམ་ལ་བསོད་སྙོམས་མ་བྱོན་ནས་ཉིན་ཞིག་བསོད་སྙོམས་སློང་དུ་ཁྱིམ་ཚང་ཞིག་ཏུ་སོང་། དེ་ཚང་གི་ཁྱིམ་བདག་བུད་མེད་དེས་མཐོང་བས་ཤ་ཚ་སྟེ་ཁོང་ལ་བཟའ་བཅའ་ཕུན་སུམ་ཚོགས་པས་སྣེ་ལེན་འཕེར་པོ་བྱས།
དེ་ཚང་གི་ཁྱིམ་བདག་སྐྱེས་པ་དེ་རིན་པོ་ཆེའི་ཚོང་ཁང་ནས་ཕྱིར་ཁྱིམ་དུ་ཐོན་ཏེ་རིན་པོ་ཆེ་རྩ་ཆེན་ཞིག་མདུན་ཅོག་སྟེང་དུ་བཞག་ནས་གྱོན་པ་བརྗེས། སྐབས་དེར་ནེ་ཙོ་ཞིག་ཁྱིམ་དུ་འཕུར་ནས་རིན་པོ་ཆེ་དེ་ཁ་གང་བྱས་ཏེ་ཁོག་ཏུ་མྱིད། ཁྱིམ་བདག་སྐྱེས་པ་དེས་གྱོན་པ་བརྗེས་རྗེས་རིན་པོ་ཆེ་མེད་པར་མཐོང་བས་དེ་མ་ཐག་གྲྭ་བ་ལ་རིན་པོ་ཆེ་ཨེ་རིག་དྲིས། གྲྭ་བས་མ་མཐོང་བའི་ཚུལ་ལན་ཕུལ།
གྲྭ་བས་ངའི་སྟོན་པ་ནི་བྱམས་དང་སྙིང་རྗེའི་བདག་ཉིད་ཅིག་ཡིན་པས་སྲོག་གཅོད་པའི་གནང་བ་བྱིན་མེད། མ་གཞི་ངས་ཁྱོད་ལ་བཤད་འདོད་ཡོད་ཀྱང་ནེ་ཙོའི་ཁོག་པ་གཤགས་རྒྱུ་རེད་འདོད་ནས་བཤད་པའི་འདུན་པ་ཡོད་མ་སོང་། ཡིན་ཡང་ད་ལྟ་གང་ལྟར་ནེ་ཙོ་ཤི་ཚར་བས་བཤད་ཀྱང་གནོད་པ་མི་འདུག་ཅེས་བཤད་པས་ཁྱིམ་བདག་ཤིན་ཏུ་ནས་རབ་ཏུ་འགྱོད། ཞི་དུལ་བག་ལྷོད་ཀྱིས་ཕྱུག་པའི་གྲྭ་བ་དེས་ད་དུང་ཐུགས་ཁྲོ་བའི་རྣམ་འགྱུར་སྤུ་ཙམ་ཡང་མ་མཛད་དོ།།
ང་ཚོ་ཆོས་ལུགས་པ་རྣམས་ཀྱིས་རང་གི་ཆོས་ལུགས་ལ་བློ་བརྟན་འགྱུར་མེད་ཀྱིས་དད་པ་དགོས་ཤིང་བཟོད་པ་དང་བཟོད་སེམས་ལ་སློབ་སྦྱོང་བྱ་དགོས། རྟག་ཏུ་གཞན་གྱིས་གང་སྒྲུབ་པ་དེ་འགྲིག་པ་དང་རང་གིས་གང་བྱས་པ་དེ་ནོར་བའི་འདུ་ཤེས་ཡག་པོ་ཞིག་ཆགས་ན། རང་ལ་དགྲ་བོ་དང་གནོད་ས་མེད་པར་ཆགས་ནས་རྟག་ཏུ་ལས་གནས་དང་འཚོ་བ་གང་ཡིན་རུང་གེགས་མེད་ལྷུན་གྲུབ་ཏུ་འབྱུང་ངེས་སོ།།
