࿑ ལེགས་བཤད་དགའ་ཚལ་གླིང་གི་འཕྲིན་སྟེགས་ནི་བོད་མི་རིགས་ཀྱི་ཆོས་ལུགས་དང་རིག་གནས། ཁ་འདོན་དང་དགེ་སྐུལ། འཚོ་བའི་རྒྱུན་ཤེས། གསར་འགྱུར། ཆོས་ཁྲིད་སོགས་བརྩམས་ཆོས་སྣ་མང་ཞིག་སྤེལ་བཞིན་ཡོད་པས་ཀློག་པ་པོ་ཡོངས་ཀྱིས་རྒྱབ་སྐྱོར་གྱི་ཚུལ་དུ་རང་གི་ཡིད་ལ་འཐད་པའི་བརྩམས་ཆོས་དག་གཞན་ལ་ངོ་སྤྲོད་དམ་བརྒྱུད་སྤེལ་རེ་གནང་བར་ཐུགས་རྗེ་ཆེ། བཀྲ་ཤིས་བདེ་ལེགས།
༡མང་གཙོ། ༢ངོ་བོ། ༣འཛམ་གླིང་འཁྲུག་ཆེན་གསུམ་པ།
ཨ་རིའི་སྲིད་འཛིན་འོས་བསྡུ་ཆེན་མོའི་ཉི་མ་དངོས་གཞི་དེ་བསླེབས། ད་ལྟ་ཨ་རིའི་མངའ་སྡེ་དང་བྱེ་བྲག་ས་ཁུལ་དག་ཏུ་འོས་བླུག་བཞིན་པའི་མཚམས། སྲིད་འཛིན་འོས་མི་གཉིས་ཀྱི་ཕྱོགས་ནས་སྲིད་དོན་ཁྱབ་སྒྲོག་ཤུགས་ཆེན་བྱས་པའི་་གྲུབ་འབྲས་སུ། ད་ལྟ་མི་མང་པོའི་སྣང་ངོར་འོས་བསྡུ་འདི་ནི་དཀར་ཕྱོགས་དང་ནག་ཕྱོགས་ཀྱི་མཐའ་མའི་རྒྱལ་ཕམ་རྩོད་པའི་གཡུལ་འགྱེད་ལྟ་བུ་ཞིག་ཏུ་ཆགས་ཟིན་ལ།དེའི་མཇུག་འབྲས་སུ་ད་ལྟ་ནི་ཕན་ཚུན་ལ་སྡང་སེམས་དང་། འོས་བསྡུའི་མཇུག་འབྲས་ཐད་དངངས་འཚབ་ཀྱིས་བསྟུམ་པའི་དུས་ཡུན་ཉེན་ཁ་ཅན་ཞིག་ཏུ་གྱུར།
ཀཱ་མ་ལ་ཧ་རེ་སི།
ཀཱ་མ་ལ་ཧ་རེ་སི་ཡིས། སྒྲོ་ནལ་ཁྲི་རམ་ཕུ་སྲིད་འཛིན་དུ་བསླེབས་ཚེ།དེ་ནི་ཤེས་བཞིན་དུ་ཨ་རིའི་མང་གཙོ་མཇུག་བསྡུས་པ་དང་། ཨ་རི་དེ་སྒེར་གཅོད་ཀྱི་ལམ་དུ་བརྫངས་པ་ཡིན་པ་དང་། སྒྲོ་ནལ་ཁྲི་རམ་ཕུ་ནི་ཕུ་ཀྲན་དང་ཞེ་ཅེན་ཕིན་སོགས་སྒེར་གཅོད་པ་གཞན་དག་ལ་དགའ་བོ་ཡོད།སྨོན་པ་འཆོར། ཡིད་རང་བྱེད། བསྔགས་པ་བརྗོད་མཁན་ཞིག་ཡིན་པས། རང་ཉིད་ཀྱང་ཁོ་ཚོ་ལྟར་ཆགས་འདོད་མཁན་ཞིག་ཡིན་པ་སྒྲོག་བཞིན་ཡོད་ལ།དེ་དང་ལྷན་ཀཱ་མ་ལ་ཧ་རེ་སི་རང་ཉིད་ནི་ཨ་རིའི་མང་གཙོ་སྲུང་སྐྱོབ་མཁན་གྱི་རང་དབང་ལྷ་མོ་མཐའ་མ་ལྟ་བུ་ཞིག་ཡིན་པ་སྒྲོག་བཞིན་ཡོད།
ཕྱི་ལོ་ 2020 ལོའི་སྲིད་འཛིན་འོས་བསྡུའི་སྐབས།སྒྲོ་ནལ་ཁྲི་རམ་ཕུས་འོས་བསྡུའི་ཁྲོད་ཁོ་རང་ཉིད་ཕམ་ཟིན་པ་ངོས་མ་བླངས་པའི་མཇུག་འབྲས་སུ། ལོ་དེའི་ཕྱི་ཟླ་ 1 ཚེས་ 6 ཉིན་ཁོའི་རྒྱབ་སྐྱོར་བ་ཚོས།ཨ་རིའི་རྒྱལ་སའི་གྲོས་ཚོགས་ཁང་སོགས་སུ་ངོ་རྒོལ་དང་། དྲག་ཟིང་།གཞུང་གི་ཁང་བརྩེགས་ནང་དུ་འཛུལ་བའི་ལོ་རྒྱུས་ཀྱི་དོན་རྐྱེན་ངན་པ་དེ་དང་།ད་ལྟ་ཀཱ་མ་ལས་ཤོད་ཀྱིན་པ་གཉིས་མི་རྣམས་ཀྱི་སེམས་སུ་མཉམ་དུ་བསྒྲེས་ནས་ཡོད་པས།སྒྲོ་ནལ་ཁྲི་རམ་ཕུ་ནི་དོན་དངོས་སུ་ཨ་རིའི་མང་གཙོའི་དགྲ་ཞིག་ཏུ་མཐོང་བཞིན་ཡོད།
དེ་དང་ལྷན། སྒྲོ་ནལ་ཁྲི་རམ་ཕུས་གོང་གི་སྐད་ཆ་འདི་དག་གི་ལན་དུ།ཨ་རིའི་གསར་ཁང་དག་གིས་ཁོ་ལ་དྲང་པོ་མ་བྱས་པ་ཞིགཨ་རིའི་ལོ་རྒྱུས་ནང་སྲིད་འཛིན་གཞན་སུ་ལའང་བྱུང་མེད་པ་དང་། ཨ་རིའི་ཆབ་སྲིད་པ་ཚོས་ཁོ་ལ་སྡང་སེམས་དང་། བསམ་ངན།སྦྱོར་ངན་བརྩམས་པའི་ཚུལ་འདི་འདྲ་ཞིག་སྔར་སུ་ལའང་མ་བྱུང་བ་ཞིག་ཡིན་པས།དེ་དག་རེ་རེ་ནི་དོན་ལ་ཁོ་ལ་མ་དགའ་བ་ཙམ་ཞིག་མ་ཡིན་པར། ཨ་རིའི་མི་དམངས་ལ་དོན་བཟང་སྒྲུབ་མཁན་ཞིག་བྱུང་ན་དེ་ལ་མི་དགའ་བ་ཡིན་པས།རང་ཉིད་ནི་ཨ་རི་སྐྱོབ་པའི་མཐའ་མའི་རེ་བ་དེ་ཡིན་པ་དང་། ཕྱོགས་ཕ་རོལ་བོ་ནི་དེ་ལ་བར་ཆད་བྱེད་མཁན་ལྟ་བུ་ཞིག་ཏུ་སྒྲོག་བཞིན་ཡོད།
སྒྲོ་ནལ་ཁྲི་རམ་ཕུ།
སྒྲོ་ནལ་ཁྲི་རམ་ཕུས། ཀཱ་མ་ལ་ཧ་རེ་སི་ནི་དཔལ་འབྱོར་གྱི་ཆ་ནས་དམར་ཤོག་པ་ཞིག་ཡིན་པ་དེས། མ་རྩ་རིང་ལུགས་ལས་བྱུང་བའི་ཨ་རིའི་དཔལ་འབྱོར་དར་རྒྱས་འདིའི་སྲོག་རྩ་གཅོད་རྒྱུ་ཡིན་པ་དང་། ལྷག་པར་བྷ་ཀྲན་གྱི་དུས་ཡུན་ཏེ། ཀཱ་མ་ལ་སྲིད་འཛིན་གཞོན་པ་ཡིན་སྐབས། ཨ་རིའི་ལྷོ་ཕྱོགས་རྒྱལ་མཚམས་གཙོས།མདོར་ན་ཨ་རིའི་རྒྱལ་ནང་ལ་ཡིག་ཆ་རྫུན་མ་དང་། ཡིག་ཆ་མེད་པར་འཛུལ་བའི་ཁྲིམས་འགལ་སྐྱབས་བཅོལ་བ་ས་ཡ་ 20 བསླེབས་ཟིན་པ་དང་། མོ་ནི་སེམས་གཏིང་ནས་ཨ་རིར་ཤ་ཞེན་མེད་མཁན་ཞིག་ཡིན་པས། མཐའ་ན་ལྷོ་ཕྱོགས་རྒྱལ་མཚམས་ལ་ལྟ་སྐོར་ཙམ་ཡང་འགྲོ་མ་མྱོང་བ་བཤད། གལ་སྲིད་མོ་བསྐྱར་དུ་སྲིད་སྟེགས་སུ་བསླེབས་ཚེ།མུ་མཐུད་ཁྲིམས་འགལ་སྐྱབས་བཅོལ་བ་ས་ཡ་མང་པོ་ཡོང་དུ་འཇུག་རྒྱུ་དང་། སྔར་རྒྱལ་ནང་དུ་འཛུལ་ཟིན་པ་དག་ལ་ཁྲིམས་མཐུན་ཡིག་ཆ་སྤྲད་རྒྱུ་ཡིན་པ་སོགས་ཤོད་ཀྱིན་ཡོད།
འདི་ནི་མི་མང་པོ་ཞིག་ལ་མཚོན་ན་ཧ་ཅང་སེམས་པ་སྒུལ་ནུས་པའི་སྐད་ཆ་ཞིག་ཏུ་གྱུར་ཟིན་ཡོད་ལ། མི་གྲངས་འཕེལ་འགྱུར་འདི་ལ་མང་པོ་ཞིག་སེམས་གཏིང་ནས་སྡང་སེམས་སྐྱེ་ཡོད་པ་མ་ཟད། དགོས་མཁོ་བྱུང་ན་ལག་པར་གོ་ལག་འཛིན་དགོས་ཀྱང་འཛིན་རིན་ཡོད་པ་ཞིག་ཏུ་འདོད་མཁན་ཉུང་ངུ་ཞིག་མིན་པ་ཤེས་དགོས། རྒྱལ་ཁབ་ཀྱི་སྲོལ་རྒྱུན་ངོ་བོ་སྲུང་སྐྱོབ་ཆེད། དགོས་མཁོ་བྱུང་ན་མང་གཙོ་ཟུར་དུ་བཞག་ནས་རེ་ཞིག་སྒེར་གཅོད་པ་ཞིག་གི་འོག་ཏུ་འགྲོ་དགོས་ཀྱང་།དེ་ནི་ལུགས་དང་མཐུན་པའི་ལམ་ཀ་ཞིག་ཏུ་དྲན་མཁན་ཡོད་པ་དོན་དངོས་རེད། ད་ལྟ་མང་གཙོ་མུན་པའི་ཁྲོད་འཆི་བཞིན་ཡོད་( ཝ་ཤིན་ཀྲོན་གསར་ཤོག་གིས་ཕྱི་ལོ་ 2017 ལོ་ནས་རང་གི་སྒྲོག་ཚིག་ཏུ་སྤྱད་ཡོད) ཅེས་ཤོད་ཀྱིན་པའི་རྩ་བ་འདིར་ཐུག
མདོར་ན། ཁྲི་རམ་ཕུས་རང་གི་རྒྱབ་སྐྱོར་བ་ཚོའི་སྣང་ངོར།ཀཱ་མ་ལ་ནི་སྲོལ་རྒྱུན་གྱི་ཨ་རིའི་ངོ་བོ་རྩ་གཏོར་གཏོང་མཁན་ཞིག་ཡིན་པའི་སྣང་བརྙན་བསྐྲུན་ཟིན། དེའི་སྟེང་སྒྲོ་ནལ་ཁྲི་རམ་ཕུས།ཀཱ་མ་ལ་ལ་རཱ་ཡུའི་དམག་འཁྲུག་མཚམས་འཇོག་ཏུ་འཇུག་ཐུབ་པའི་ནུས་པ་དང་། དཀྱིལ་ཤར་གྱི་དཀའ་ངལ་སེལ་རྒྱུའི་ཐབས་ལམ་གང་ཡང་མེད་ཅིང་། རྒྱལ་སྤྱིའི་སྤྱི་ཚོགས་ཀྱི་འགོ་འཁྲིད་པའི་ནུས་པ་མེད་པས།གལ་སྲིད་མོ་སྲིད་འཛིན་དུ་བདམས་ཚེ་དེ་ནི་འཛམ་གླིང་འཁྲུག་ཆེན་གསུམ་པ་ཤེས་བཞིན་དུ་མདུན་ལ་བསུས་པ་དང་ཁྱད་མེད་དུ་སྒྲོག་བཞིན་ཡོད་ལ། ཕྱི་སྲིད་ཀྱི་ཐད་ལ་བསླེབས་དུས།ཀཱ་མ་ལ་ལས་སྒྲོ་ནལ་ཁྲི་རམ་ཕུ་ལ་ནུས་པ་ཆེ་བ་འདོད་མཁན་མང་པོ་ཡོད་པས།སྒྲོ་ནལ་ཁྲི་རམ་ཕུས་བཤད་པའི་འཛམ་གླིང་འཁྲུག་ཆེན་གསུམ་པའང་། འོས་བླུག་མཁན་མང་པོས་སྣང་མེད་དང་། ལས་སླ་བོར་ཟུར་དུ་འཇོག་ཐུབ་པ་ཞིག་ཡིན་མི་སྲིད།
༡མང་གཙོ། ༢ངོ་བོ། ༣འཛམ་གླིང་འཁྲུག་ཆེན་གསུམ་པ།
ཨ་རིའི་སྲིད་འཛིན་འོས་བསྡུ་ཆེན་མོའི་ཉི་མ་དངོས་གཞི་དེ་བསླེབས། ད་ལྟ་ཨ་རིའི་མངའ་སྡེ་དང་བྱེ་བྲག་ས་ཁུལ་དག་ཏུ་འོས་བླུག་བཞིན་པའི་མཚམས། སྲིད་འཛིན་འོས་མི་གཉིས་ཀྱི་ཕྱོགས་ནས་སྲིད་དོན་ཁྱབ་སྒྲོག་ཤུགས་ཆེན་བྱས་པའི་་གྲུབ་འབྲས་སུ། ད་ལྟ་མི་མང་པོའི་སྣང་ངོར་འོས་བསྡུ་འདི་ནི་དཀར་ཕྱོགས་དང་ནག་ཕྱོགས་ཀྱི་མཐའ་མའི་རྒྱལ་ཕམ་རྩོད་པའི་གཡུལ་འགྱེད་ལྟ་བུ་ཞིག་ཏུ་ཆགས་ཟིན་ལ། དེའི་མཇུག་འབྲས་སུ་ད་ལྟ་ནི་ཕན་ཚུན་ལ་སྡང་སེམས་དང་། འོས་བསྡུའི་མཇུག་འབྲས་ཐད་དངངས་འཚབ་ཀྱིས་བསྟུམ་པའི་དུས་ཡུན་ཉེན་ཁ་ཅན་ཞིག་ཏུ་གྱུར།
ཀཱ་མ་ལ་ཧ་རེ་སི།
ཀཱ་མ་ལ་ཧ་རེ་སི་ཡིས།སྒྲོ་ནལ་ཁྲི་རམ་ཕུ་སྲིད་འཛིན་དུ་བསླེབས་ཚེ། དེ་ནི་ཤེས་བཞིན་དུ་ཨ་རིའི་མང་གཙོ་མཇུག་བསྡུས་པ་དང་། ཨ་རི་དེ་སྒེར་གཅོད་ཀྱི་ལམ་དུ་བརྫངས་པ་ཡིན་པ་དང་། སྒྲོ་ནལ་ཁྲི་རམ་ཕུ་ནི་ཕུ་ཀྲན་དང་ཞེ་ཅེན་ཕིན་སོགས་སྒེར་གཅོད་པ་གཞན་དག་ལ་དགའ་བོ་ཡོད། སྨོན་པ་འཆོར།ཡིད་རང་བྱེད།བསྔགས་པ་བརྗོད་མཁན་ཞིག་ཡིན་པས། རང་ཉིད་ཀྱང་ཁོ་ཚོ་ལྟར་ཆགས་འདོད་མཁན་ཞིག་ཡིན་པ་སྒྲོག་བཞིན་ཡོད་ལ། དེ་དང་ལྷན་ཀཱ་མ་ལ་ཧ་རེ་སི་རང་ཉིད་ནི་ཨ་རིའི་མང་གཙོ་སྲུང་སྐྱོབ་མཁན་གྱི་རང་དབང་ལྷ་མོ་མཐའ་མ་ལྟ་བུ་ཞིག་ཡིན་པ་སྒྲོག་བཞིན་ཡོད།
ཕྱི་ལོ་ 2020 ལོའི་སྲིད་འཛིན་འོས་བསྡུའི་སྐབས། སྒྲོ་ནལ་ཁྲི་རམ་ཕུས་འོས་བསྡུའི་ཁྲོད་ཁོ་རང་ཉིད་ཕམ་ཟིན་པ་ངོས་མ་བླངས་པའི་མཇུག་འབྲས་སུ། ལོ་དེའི་ཕྱི་ཟླ་ 1 ཚེས་ 6 ཉིན་ཁོའི་རྒྱབ་སྐྱོར་བ་ཚོས། ཨ་རིའི་རྒྱལ་སའི་གྲོས་ཚོགས་ཁང་སོགས་སུ་ངོ་རྒོལ་དང་། དྲག་ཟིང་།གཞུང་གི་ཁང་བརྩེགས་ནང་དུ་འཛུལ་བའི་ལོ་རྒྱུས་ཀྱི་དོན་རྐྱེན་ངན་པ་དེ་དང་། ད་ལྟ་ཀཱ་མ་ལས་ཤོད་ཀྱིན་པ་གཉིས་མི་རྣམས་ཀྱི་སེམས་སུ་མཉམ་དུ་བསྒྲེས་ནས་ཡོད་པས། སྒྲོ་ནལ་ཁྲི་རམ་ཕུ་ནི་དོན་དངོས་སུ་ཨ་རིའི་མང་གཙོའི་དགྲ་ཞིག་ཏུ་མཐོང་བཞིན་ཡོད།
དེ་དང་ལྷན། སྒྲོ་ནལ་ཁྲི་རམ་ཕུས་གོང་གི་སྐད་ཆ་འདི་དག་གི་ལན་དུ། ཨ་རིའི་གསར་ཁང་དག་གིས་ཁོ་ལ་དྲང་པོ་མ་བྱས་པ་ཞིགཨ་རིའི་ལོ་རྒྱུས་ནང་སྲིད་འཛིན་གཞན་སུ་ལའང་བྱུང་མེད་པ་དང་། ཨ་རིའི་ཆབ་སྲིད་པ་ཚོས་ཁོ་ལ་སྡང་སེམས་དང་། བསམ་ངན། སྦྱོར་ངན་བརྩམས་པའི་ཚུལ་འདི་འདྲ་ཞིག་སྔར་སུ་ལའང་མ་བྱུང་བ་ཞིག་ཡིན་པས། དེ་དག་རེ་རེ་ནི་དོན་ལ་ཁོ་ལ་མ་དགའ་བ་ཙམ་ཞིག་མ་ཡིན་པར།ཨ་རིའི་མི་དམངས་ལ་དོན་བཟང་སྒྲུབ་མཁན་ཞིག་བྱུང་ན་དེ་ལ་མི་དགའ་བ་ཡིན་པས། རང་ཉིད་ནི་ཨ་རི་སྐྱོབ་པའི་མཐའ་མའི་རེ་བ་དེ་ཡིན་པ་དང་། ཕྱོགས་ཕ་རོལ་བོ་ནི་དེ་ལ་བར་ཆད་བྱེད་མཁན་ལྟ་བུ་ཞིག་ཏུ་སྒྲོག་བཞིན་ཡོད།
སྒྲོ་ནལ་ཁྲི་རམ་ཕུ།
སྒྲོ་ནལ་ཁྲི་རམ་ཕུས།ཀཱ་མ་ལ་ཧ་རེ་སི་ནི་དཔལ་འབྱོར་གྱི་ཆ་ནས་དམར་ཤོག་པ་ཞིག་ཡིན་པ་དེས། མ་རྩ་རིང་ལུགས་ལས་བྱུང་བའི་ཨ་རིའི་དཔལ་འབྱོར་དར་རྒྱས་འདིའི་སྲོག་རྩ་གཅོད་རྒྱུ་ཡིན་པ་དང་། ལྷག་པར་བྷ་ཀྲན་གྱི་དུས་ཡུན་ཏེ། ཀཱ་མ་ལ་སྲིད་འཛིན་གཞོན་པ་ཡིན་སྐབས། ཨ་རིའི་ལྷོ་ཕྱོགས་རྒྱལ་མཚམས་གཙོས། མདོར་ན་ཨ་རིའི་རྒྱལ་ནང་ལ་ཡིག་ཆ་རྫུན་མ་དང་། ཡིག་ཆ་མེད་པར་འཛུལ་བའི་ཁྲིམས་འགལ་སྐྱབས་བཅོལ་བ་ས་ཡ་ 20 བསླེབས་ཟིན་པ་དང་། མོ་ནི་སེམས་གཏིང་ནས་ཨ་རིར་ཤ་ཞེན་མེད་མཁན་ཞིག་ཡིན་པས། མཐའ་ན་ལྷོ་ཕྱོགས་རྒྱལ་མཚམས་ལ་ལྟ་སྐོར་ཙམ་ཡང་འགྲོ་མ་མྱོང་བ་བཤད། གལ་སྲིད་མོ་བསྐྱར་དུ་སྲིད་སྟེགས་སུ་བསླེབས་ཚེ། མུ་མཐུད་ཁྲིམས་འགལ་སྐྱབས་བཅོལ་བ་ས་ཡ་མང་པོ་ཡོང་དུ་འཇུག་རྒྱུ་དང་། སྔར་རྒྱལ་ནང་དུ་འཛུལ་ཟིན་པ་དག་ལ་ཁྲིམས་མཐུན་ཡིག་ཆ་སྤྲད་རྒྱུ་ཡིན་པ་སོགས་ཤོད་ཀྱིན་ཡོད།
འདི་ནི་མི་མང་པོ་ཞིག་ལ་མཚོན་ན་ཧ་ཅང་སེམས་པ་སྒུལ་ནུས་པའི་སྐད་ཆ་ཞིག་ཏུ་གྱུར་ཟིན་ཡོད་ལ། མི་གྲངས་འཕེལ་འགྱུར་འདི་ལ་མང་པོ་ཞིག་སེམས་གཏིང་ནས་སྡང་སེམས་སྐྱེ་ཡོད་པ་མ་ཟད། དགོས་མཁོ་བྱུང་ན་ལག་པར་གོ་ལག་འཛིན་དགོས་ཀྱང་འཛིན་རིན་ཡོད་པ་ཞིག་ཏུ་འདོད་མཁན་ཉུང་ངུ་ཞིག་མིན་པ་ཤེས་དགོས། རྒྱལ་ཁབ་ཀྱི་སྲོལ་རྒྱུན་ངོ་བོ་སྲུང་སྐྱོབ་ཆེད། དགོས་མཁོ་བྱུང་ན་མང་གཙོ་ཟུར་དུ་བཞག་ནས་རེ་ཞིག་སྒེར་གཅོད་པ་ཞིག་གི་འོག་ཏུ་འགྲོ་དགོས་ཀྱང་། དེ་ནི་ལུགས་དང་མཐུན་པའི་ལམ་ཀ་ཞིག་ཏུ་དྲན་མཁན་ཡོད་པ་དོན་དངོས་རེད། ད་ལྟ་མང་གཙོ་མུན་པའི་ཁྲོད་འཆི་བཞིན་ཡོད་( ཝ་ཤིན་ཀྲོན་གསར་ཤོག་གིས་ཕྱི་ལོ་ 2017 ལོ་ནས་རང་གི་སྒྲོག་ཚིག་ཏུ་སྤྱད་ཡོད) ཅེས་ཤོད་ཀྱིན་པའི་རྩ་བ་འདིར་ཐུག
མདོར་ན། ཁྲི་རམ་ཕུས་རང་གི་རྒྱབ་སྐྱོར་བ་ཚོའི་སྣང་ངོར། ཀཱ་མ་ལ་ནི་སྲོལ་རྒྱུན་གྱི་ཨ་རིའི་ངོ་བོ་རྩ་གཏོར་གཏོང་མཁན་ཞིག་ཡིན་པའི་སྣང་བརྙན་བསྐྲུན་ཟིན། དེའི་སྟེང་སྒྲོ་ནལ་ཁྲི་རམ་ཕུས།ཀཱ་མ་ལ་ལ་རཱ་ཡུའི་དམག་འཁྲུག་མཚམས་འཇོག་ཏུ་འཇུག་ཐུབ་པའི་ནུས་པ་དང་། དཀྱིལ་ཤར་གྱི་དཀའ་ངལ་སེལ་རྒྱུའི་ཐབས་ལམ་གང་ཡང་མེད་ཅིང་། རྒྱལ་སྤྱིའི་སྤྱི་ཚོགས་ཀྱི་འགོ་འཁྲིད་པའི་ནུས་པ་མེད་པས། གལ་སྲིད་མོ་སྲིད་འཛིན་དུ་བདམས་ཚེ་དེ་ནི་འཛམ་གླིང་འཁྲུག་ཆེན་གསུམ་པ་ཤེས་བཞིན་དུ་མདུན་ལ་བསུས་པ་དང་ཁྱད་མེད་དུ་སྒྲོག་བཞིན་ཡོད་ལ། ཕྱི་སྲིད་ཀྱི་ཐད་ལ་བསླེབས་དུས།ཀཱ་མ་ལ་ལས་སྒྲོ་ནལ་ཁྲི་རམ་ཕུ་ལ་ནུས་པ་ཆེ་བ་འདོད་མཁན་མང་པོ་ཡོད་པས།སྒྲོ་ནལ་ཁྲི་རམ་ཕུས་བཤད་པའི་འཛམ་གླིང་འཁྲུག་ཆེན་གསུམ་པའང་། འོས་བླུག་མཁན་མང་པོས་སྣང་མེད་དང་། ལས་སླ་བོར་ཟུར་དུ་འཇོག་ཐུབ་པ་ཞིག་ཡིན་མི་སྲིད།
