【點新聞報道】地鐵的座椅有多骯髒？英國一名清潔工近日清洗倫敦地鐵站的4個座位，吸出滿滿一桶「黑水」，嚇壞一班移英港人，有人更圍爐講起倫敦地鐵有幾污糟邋遢，話「一到夜晚，大把人周圍屙」。
英國一間清潔公司近日發出一段深度清潔倫敦地鐵北線的列車座椅的影片，結果吸出是滿滿的黑色污水。移英港人「回流英國後的花生爆谷」發文話，「選擇住倫敦又同時要依賴公共交通嘅人，其實真係冇乜條件講『自己有潔癖』」。
影片引來不少移英網民留言批評倫敦地鐵污糟邋遢，「一到夜晚，大把人係tube(地鐵) 周圍屙，污糟係正常吧，你唔坐落去咪得」、「其實London Underground啲空氣都有毒」。有人提到以前的地鐵更嘔心，「而家已經乾淨咗啦，以前十幾年前我讀中學嗰陣係好鬼多老鼠。我哋成日攞啲一P銀仔掟路軌上面啲老鼠㗎」。
不過，條路自己揀，不少人惟有死頂咁話眼不見為乾淨，「睇唔到，唔好望，唔好諗」、「我仲見到有香港人仲隨身酒精搓手液，搽到佢手都爛」。
（原文來源：點新聞）
(圖片轉自網絡)
覺得不錯，就點「在看」哦! ! ↓ ↓
