今朝没事体来简单谈谈繁花格只王家卫拍额电视剧，可能讲得勿全面，且第一次沪语写作，大家多多担待。
首先，跟剧中上海演员一样，上海观众看沪语版《繁花》，听觉浪肯定是觉着适宜额，搿是阿拉母语，尤其我搿种年纪额人，从小实际上是除脱语文课没讲过普通话的直到进大学。
演员基本浪侪来勒讲正宗现代上海言话，搿点要表扬额，必过作为对吴语及沪语文学稍微有眼研究额作者，有辰光还是要稍微掰掰错头的。
具体内容就勿讲了，内容和原著区别老大额，我个人勿是老欢喜额，而且台词编写相当混乱，情节东一段西一段又好像啥也么讲，节奏慢、废话多，有辰光叽叽喳喳老烦额。
原作推荐拨大家：半吴半国，用词相当考究，又有市井气息，跟王家卫格个实际上是香港长大的人相比老辣考究精准很多，勿是一只水准。
王家卫的摄影美学风格，对我来讲也是相当过时额，看看格个几年额好莱坞电影就懂了，勿多批评。
格部电视剧额优点，拨我感觉是有诚意额，上头额人想用名导演来带动方言创作做城市名片，可以理解。爱乡土才能爱国家。沪语或者吴语呒没官方语言额地位，阿拉勿用勿讲下趟就灭绝了，2400万人勿会家乡语言也是老罪过额。
格末最后来推荐吴语区朋友，实际浪侪有专业人士研究阿拉额文字额，汉字勿是官话专用额文字，七大语区大家一道可以用额。吴语及沪语（特指上海言话）汉字侪有比较标准额用法，我搿得还是70%根据发音自家瞎写额，下趟考究点，一个个查好再来写。
