يزرايل ارمياسى 12-ايدا گازاعا 1400 رەتتەن استام اۋە شابۋىلىن قوزعادى، يزرايل مەملەكەت قورعانىس ارمياسىنىڭ بۇرىنعى باستىعى گاللانت پارلامەنت مۇشەلىك مىندەتىنەن شەگىنەتىندىگىن جاريالادى
ءوز حابارىمىز. يزرايل اۋە ارمياسى جەرلىك ۋاقىت 1-ايدىڭ 1-كۇنى مىنانى حابارلاندىردى: بىلتىر 12-ايدا قۇرلىق اسكەري ءبولىمنىڭ سايكەسۋىندە، يزرايل اۋە ارمياسى سوعىس ايروپلانى، تىك ۇشار ايروپلان جانە ۇشقىشسىز ايروپلان شىعارىپ، گازا وڭىرىنە 1400 رەتتەن استام اۋە شابۋىلىن قوزعادى. سوعىستا قارۋلىلار بەكىنىسى، جەر استى جولى جانە جەر استى تىك قۇدىعى، قۇرال جاراق قامباسى جانە قاراۋىل ورنى قاتارلىلار نىسانا ەتىلگەن.پالەستين دەنساۋلىق ساقتاۋ تاراۋى 1-ايدىڭ 1-كۇنى بىلاي دەدى: يزرايلدىڭ تاڭ سارىدەن بەرگى گازا وڭىرىندەگى كوپتەگەن رايوندارعا جاساعان شابۋىلىندا 21 ادام قازا بولدى. يزرايل مەملەكەت قورعانىسىنىڭ بۇرىنعى مينيسترى، يزرايلداعى نەگىزگى بيلىك باسىنداعى پارتيانىڭ ءبىرى ليكۋد توبىنىڭ مۇشەسى گاللانت 1-ايدىڭ 1-كۇنى كەشتە كەسكىن ءسوزىن سويلەپ: يزرايل پارلامەنتتىنىڭ مۇشەلىك مىندەتىنەن شەگىنەتىندىگىن، ءبىراق ليكۇد توبىنان كەتپەيتىندىگىن جاريالادى.گاللانت: يزرايلدىڭ مەملەكەت پەن ارميانىڭ حاۋىپسىزدىك قاجەتىنە ۇيلەسپەيتىن اسكەر الۋ زاڭىن جەدەل جاساپ جاتقانىن قابىلداي المايمىن دەدى. يزرايلدىڭ زۇڭلي نەتانياحۋ بىلتىر 11-ايدا گاللانتتىڭ مەملەكەت قورعانىس مينيسترى مىندەتىنەن قالدىرىلعاندىعىن جاريالادى. ەكەۋى گازادا سوعىس توقتاتۋ ماسەلەسى، يزرايل ارمياسىنىڭ اسكەر الۋ ماسەلەسى سياقتى كوپتەگەن ساياساتتاردا قايشىلىعى كۇشەيىپ اۋىز بىرلىگىنە كەلە الماعان.
