يزرايل مەملەكەت قورعانىس ارمياسى وتكەن 72 ساعات ىشىندە گازا وڭىرىنە 94 رەت شابۋىل جاساپ، بومبىلادى
ءوز حابارىمىز. گازا وڭىرىندەگى مەديا كەڭسەسى 1-ايدىڭ 4-كۇنى مالىمدەمە جاريالاپ بىلاي دەدى: يزرايل مەملەكەت قورعانىس ارمياسى وتكەن 72 ساعات ىشىندە گازا وڭىرىنە 94 رەت شابۋىل جاساپ جانە بومبىلاپ، 184 ادامدى ءولتىرىپ، نەشە ونداعان ادامدى جارالادى. جەرگىلىكتى ادامگەرشىلىك داعدارىس اسقىندى. يزرايل ارمياسى جەرگىلىكتى ۋاقىت 1-ايدىڭ 4-كۇنى مالىمدەمە جاريالاپ بىلاي دەدى: يزرايل ارمياسى گازانىڭ سولتۇستىك بولەگىندەگى ءبىر رايونعا باعىتتاعان اسكەري ارەكەتىن اياقتاتتى، بۇل رايوندى پالەستين ءىسىلام قارسىلىق قوزعالىسى حاماس جوعارى دارەجەلى قولباسشىلارىنىڭ جاسىرىناتىن ورنى جانە قيمىل ورتالىعى ەتكەن. گازا وڭىرىندەگى دەنساۋلىق ساقتاۋ تاراۋى 1-ايدىڭ 4-كۇنى مالىمدەمە جاريالاپ بىلاي دەدى: يزرايل ارمياسىنىڭ شابۋىلىنا ۇشىراعاندىقتان، گازا ءوڭىرىنىڭ سولتۇستىگىندەگى جەباليە جەرىندەگى يندونەزيا شيپاحاناسى ناۋقاستارعا نەمەسە جارالىلارعا ەندىگارى ەشقانداي قىزمەت وتەي المايدى، قازىرگە دەيىن گازا ءوڭىرىنىڭ سولتۇستىگىندەگى ءۇش ۇكىمەت دوحتىرحاناسى يزرايل ارمياسىنىڭ شابۋىلى سالدارىنان جۇمىس توقتاتۋعا ءماجبۇر بولدى. ا ق ش-تىڭ كوپتەگەن مەدياسىنىڭ حابارىنا قاراعاندا، ا ق ش مەملەكەتتىك كەڭەسى 1-ايدىڭ 3-كۇنى بايدەن ۇكىمەتىنىڭ يزرايلعا قۇنى 8 ميلليارد امەريكا دوللارىندىق قارۋ-جاراق ساتۋدى جوسپارلاعاندىعىن پارلامەنتتىڭ كەڭەس پالاتاسى مەن قاۋىم پالاتاسىنا حابارلاعان. ساناققا قاراعاندا، 2023-جىلى 10-ايدا پالەستين مەن يزرايل جاڭا كەزەكتى قاقتىعىسقاننان بەرى، بايدەن ۇكىمەتى يزرايلعا كەمىندە 17 ميلليارد 900 ميلليون امەريكا دوللارىندىق اسكەري كومەك بەرگەن.
