مالىمەتتە كورسەتىلۋىنشە، 2024-جىلى 12-ايدىڭ 30-كۇنى تۇننەن 2025-جىلى 1-ايدىڭ 1-كۇنىنە دەيىن، سولتۇستىك شينجياڭنىڭ باتىسى مەن سولتۇستىك بولەگى، تيانشان تاۋىنىڭ سولتۇستىك باۋرايى، قۇمىل قالاسى قاتارلى جەرلەردە از قار جاۋادى؛ مۇنىڭ ىشىندە سولتۇستىك شينجياڭنىڭ سولتۇستىگى مەن سانجى وبلىسىنىڭ شىعىسىنداعى تاۋلى وڭىرلەردىڭ ءبىر ءبولىم رايوندارىندا ورتاشا نەمەسە قالىڭ قار جاۋادى، جەل وتتەرىندەگى جەل كۇشى 8 دە 9 بالعا جەتەدى، ءىشىنارا جەرلەردە قارلى بوران سوعادى. جاڭا جىل مەرەكەسى كەزىندە، بۇكىل شينجياڭنىڭ باسىم كوپ ساندى رايوندارىندا نەگىزىنەن كۇن اشىق بولىپ، كەيدە كۇن بۇلتتايدى؛ سولتۇستىك شينجياڭنىڭ باتىسى مەن سولتۇستىگىندە، وڭتۇستىك شينجياڭنىڭ باتىسىنداعى تاۋلى وڭىرلەردە جانە قۇمىل قالاسىنىڭ سولتۇستىگىندە از قار جاۋادى. تارباعاتاي ايماعىنىڭ سولتۇستىگى مەن التاي ايماعىنىڭ سولتۇستىگىندەگى تاۋلى وڭىرلەردىڭ ءىشىنارا جەرلەرىندە ورتاشا نەمەسە قالىڭ قار جاۋادى، جەل وتتەرىندە باتىس سولتۇستىكتەن 8 دە 9 بال جەل سوعادى.1-ايدىڭ 1-كۇنىنەن 5-كۇنىنە دەيىن، وڭتۇستىك شينجياڭنىڭ باتىسىنداعى تاۋلى وڭىرلەر مەن بايىنعولين وبلىسىنىڭ وڭتۇستىگىندەگى تاۋلى وڭىرلەردە از قار جاۋادى؛ مۇنىڭ ىشىندە قاشقار ايماعىنىڭ وڭتۇستىگىندەگى تاۋلى وڭىرلەر مەن قىزىلسۋ وبلىسىنىڭ وڭتۇستىگىندەگى تاۋلى وڭىرلەردە ورتاشا نەمەسە قالىڭ قار جاۋادى؛ جەل وتتەرىندەگى جەل كۇشى 11 دە 12 بالعا جەتەدى، ءىشىنارا جەرلەردە قارلى بوران سوعادى.1-ايدىڭ 2-كۇنىنەن 3-كۇنىنە دەيىن، تارباعاتاي ايماعىنىڭ سولتۇستىگىندە جانە التاي ايماعىندا از قار جاۋادى، ءىشىنارا جەرلەردە ورتاشا نەمەسە قالىڭ قار جاۋادى. شينجياڭ اۋا رايى ستانسياسى مىنانى ەسكەرتتى: 12-ايدىڭ 30-كۇنىنەن 31-كۇنىنە دەيىن جانە 2025-جىلى 1-ايدىڭ 2-كۇنىنەن 5-كۇنىنە دەيىن تيانشان تاۋىنىڭ سولتۇستىك باۋرايىنداعى ءىشىنارا وڭىرلەر مەن اقسۋ ايماعى، بايىنعولين وبلىسىنىڭ سولتۇستىگى سياقتى جەرلەردىڭ ءىشىنارا رايوندارىندا ارا-تۇرا تۇماندى نەمەسە قارلى اۋا رايى بولادى.
