مەملەكەتتىك ساياسي كەڭەس جاڭا جىل بايلانىسىمەن شاي ءماجىلىس وتكىزدى، شي جينپيڭ ماڭىزدى ءسوز سويلەدى، لي چياڭ، جاۋ لىجي، ساي چي، ديڭ شۋەشياڭ، لي شي، حان جىڭ قاتىناستى، ۋاڭ حۋنيڭ باسقاردى
ءوز حابارىمىز. جۇڭگو حالىق ساياسي ءماسليحات كەڭەسى مەملەكەتتىك كوميتەتى 2024-جىلى 12-ايدىڭ 31-كۇنى تۇستەن بۇرىن مەملەكەتتىك ساياسي كەڭەستىڭ زالىندا جاڭا جىل شاي ءماجىلىسىن وتكىزدى. پارتيا مەن مەملەكەت باسشىلارىنان شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار ءار قايسى دەموكراتيالىق پارتيا-توپتاردىڭ ورتالىق كوميتەتتەرىنىڭ، مەملەكەتتىك ونەركاسىپ-ساۋدا بىرلەستىگىنىڭ جاۋاپتىلارىمەن جانە پارتيادا، توپتا جوق قايراتكەرلەردىڭ ۋاكىلدەرىمەن، ورتالىق پەن مەملەكەت ورگاندارىنىڭ قاتىستى جاقتارىنىڭ جاۋاپتىلارىمەن، سونداي-اق استاناداعى ءار ۇلت، ءار سالا قايراتكەرلەرىنىڭ ۋاكىلدەرىمەن ءبىر اراعا باس قوسىپ، 2025-جىلعى جاڭا جىلدى قارسى الدى.
ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى ءسوز سويلەدى. ول بىلاي دەپ باسا دارىپتەدى: جۇڭگو ۇلگىسىندەگى وسىزامانداندىرۋ بارىسىندا سامال سوعىپ، شۋاق توگىلۋمەن بىرگە، بوران-شاشىن، ءتىپتى اساۋ تولقىندار دا بولادى.ءبىز ستراتەگيالىق مىعىمدىقتى ساقتاپ، بارلىق جۇڭحۋا ۇلاندارىنىڭ ىنتىماقتاسا كۇرەس جۇرگىزۋ قۇدىرەتتى كۇش بىرلىگىن ۇيىستىرىپ، تولقىن جارا العا تارتىپ، مەملەكەتتى قۇدىرەتتەندىرۋ قۇرىلىسىن، ۇلتتى كوركەيتۋ ۇلى ءىسىن ۇزدىكسىز العا ىلگەرىلەتۋىمىز كەرەك.
شي جينپيڭ ج ك پ ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى اتىنان دەموكراتيالىق پارتيا-توپتارعا، ونەركاسىپ-ساۋدا بىرلەستىگىنە جانە پارتيادا، توپتا جوق قايراتكەرلەرگە، بۇكىل ەلدەگى ءار ۇلت حالقىنا، شياڭگاڭدىق، اۋمىندىق، تايۋاندىق باۋىرلاستارعا جانە شەتەلدەگى جۇڭگو قانداس باۋىرلاستارعا، جۇڭگونىڭ وسىزامانداندىرۋ قۇرىلىسىنا كوڭىل بولگەن جانە قولداۋ كورسەتكەن ءار ەلدەگى دوستارعا جاڭا جىل بايلانىسىمەن ىزگى تىلەك ءبىلدىردى.
شي جينپيڭ بىلاي دەپ انىق ايتتى: 2024–جىل «14-بەسجىلدىق» جوسپارداعى نىسانا-مىندەتتەردى جۇزەگە اسىرۋداعى شەشۋشى جىل. ءبىر جىلدان بەرى، ىشكى-سىرتقى جاعدايلار تۋدىرعان سىن-سايىستارعا قاراتا، ءبىز وزگەرىسكە سالماقتىلىقپەن توتەپ بەرىپ، كەشەندى شارالار قولدانىپ، تۇتاس جىلداعى ەكونوميكالىق، قوعامدىق دامۋدىڭ باستى نىسانا-مىندەتتەرىن ءساتتى ورىندالىپ، جۇڭگو ۇلگىسىندەگى وسىزامانداندىرۋدا تىڭ نىق قادام تاستالدى. ءبىر جىلدان بەرگى دامۋ بارىسى وتە ەرەكشە، ناتيجەسى ادامدى شابىتتاندىرارلىق بولىپ، جۇڭگو ۇلگىسىندەگى وسىزامانداندىرۋدى ىلگەرىلەتۋ بەكىمىمىز بەن سەنىمىمىز ونان ارى بەكەمدەلدى.
شي جينپيڭ بىلاي دەپ باسا دارىپتەدى: ءبىر جىلدان بەرى، حالىق ساياسي كەڭەسى جۇڭگو كوممۋنيستىك پارتياسى ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتى تياناقتاندىرىپ، وزەكتى مىندەتپەن تىعىز بايلانىستىرا وتىرىپ مىندەت اتقارىپ، جاۋاپكەرشىلىكتى ادا ەتىپ، ءوز قۇرىلىسىن كۇشەيتىپ، پارتيا مەن مەملەكەت ىستەرىنىڭ دامۋىنا تىڭ ۇلەس قوستى.
شي جينپيڭ بىلاي دەپ انىق ايتتى: 2025-جىل «14-بەسجىلدىق» جوسپار اياقتالاتىن جىل.ءبىز ورنىقتىلىق بارىسىندا ىلگەرىلەۋ سىندى قىزمەت نەگىزگى باعىتىنان كوز جازباي، جاڭا دامۋ تانىمىن تولىق، دۇرىس، جالپى بەتتىك دايەكتەندىرىپ، جاڭا دامۋ جاعدايىن جەدەل قالىپتاستىرىپ، جوعارى ساپالى دامۋدى تىڭعىلىقتى ىلگەرىلەتىپ، رەفورمانى ونان ارى جالپى بەتتىك تەرەڭدەتىپ، جوعارى دەڭگەيدە سىرتقا ەسىك اشۋدى كەڭەيتىپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، اناعۇرلىم بەلسەندى، ۇتىمدى ماكرولىق ساياسات اتقارىپ، ەكونوميكانىڭ ۇزدىكسىز جاقسارۋىن ىلگەرىلەتىپ، حالىقتىڭ تۇرمىس دەڭگەيىن ۇزدىكسىز جوعارىلاتىپ، قوعامنىڭ جاراسىمدىلىعىن، ورنىقتىلىعىن ساقتاپ، «14-بەسجىلدىق» جوسپارداعى نىسانا-مىندەتتەردى جوعارى ساپامەن ورىنداپ، «15-بەسجىلدىقتا» تاماشا باستامانى جۇزەگە اسىرۋعا بەرىك نەگىز قالاۋىمىز كەرەك.
شي جينپيڭ مىنالاردى باسا دارىپتەدى: حالىق ساياسي كەڭەسى پارتيانىڭ باسشىلىعىن، بىرلىكساپتى، كەڭەستىك دەموكراتيانى ورگانيكالى ۇشتاستىرۋعا تاباندى بولىپ، وزەكتى توڭىرەكتەپ، جالپى جاعدايعا قىزمەت ەتىپ، ارناۋلى كەڭەس قۇرىلىمىنىڭ رولىن تولىق ساۋلەلەندىرىپ، يدەيالىق-ساياسي جەتەكشىلىكتى كۇشەيتىپ، ۇكىمەت ءىسىن بەلسەنە كەڭەسىپ، اقىل-كەڭەس بەرىپ، جۇرت تىلەگىن، ورتاق تانىمدى، اقىل-پاراساتتى، كۇش-قۋاتتى اناعۇرلىم كەڭ كولەمدە ۇيىستىرۋ كەرەك.
شاي ءماجىلىستى ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ باسقاردى. ول مىنالاردى انىق ايتتى: باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتەندىرىپ، جۇڭگو كوممۋنيستىك پارتياسىنىڭ جالپى بەتتىك باسشىلىعىنا بۇلجىماي تاباندى بولىپ، حالىق ساياسي كەڭەسىنىڭ سيپاتى مەن دەڭگەيىن مىقتى يگەرىپ، وزەكتى توڭىرەكتەۋگە، جالپى جاعدايعا قىزمەت ەتۋگە تاباندى بولىپ، رەفورما جاساۋ-جاڭالىق جاراتۋ رۋحىمەن مىندەت اتقارۋ قابىلەتى قۇرىلىسىن ىلگەرىلەتىپ، سەنىمدى بەكەمدەپ، ىنتىماقتاسا العا ۇمتىلىپ، 2025-جىلعى ەلىمىزدىڭ ەكونوميكالىق، قوعامدىق دامۋ نىسانا مىندەتتەرىن جالپى بەتتىك ورىنداۋ ءۇشىن، زەيىن-زەردە، كۇش-قۋاتتى كەڭ كولەمدە شوعىرلاندىرىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى كوركەيتۋ ۇلى ءىسىن جالپى بەتتىك ىلگەرىلەتۋ جولىندا قاجىماي-تالماي كۇرەس جۇرگىزۋ كەرەك.
جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ءتوراعاسى حاۋ ميڭجين دەموكراتيالىق پارتيا-توپتاردىڭ ورتالىق كوميتەتتەرى، مەملەكەتتىك ونەركاسىپ-ساۋدا بىرلەستىگى جانە پارتيادا، توپتا جوق قايراتكەرلەر اتىنان ءسوز سويلەپ بىلاي دەدى: شي جينپيڭ جولداستى ۇيتقى ەتكەن ج ك پ ورتالىق كوميتەتىنىڭ توڭىرەگىنە اناعۇرلىم تىعىز ۇيىسىپ، ءبىر نيەت، ءبىر تىلەكتە بولىپ، ىنتىماقتاسا كۇرەس جۇرگىزىپ، مەملەكەتتى قۇدىرەتتەندىرۋ قۇرىلىسى، ۇلتتى كوركەيتۋ ۇلى نىساناسىنا قاراي تاباندىلىقپەن ەرلىكپەن العا باسۋ كەرەك.
شاي ماجىلىستە شي جينپيڭ قاتارلىلار ءار سالا قايراتكەرلەرىنىڭ اراسىنا كەلىپ، كوپشىلىكپەن ىقىلاسپەن قول الىسىپ، ءوزارا سالەمدەستى. مەملەكەتتىك ساياسي كەڭەستىڭ مۇشەلەرى مەن ادەبيەت-كوركەمونەر قىزمەتكەرلەرى تارتىمدى كونسەرت قويدى. سوڭىندا بۇكىل زالداعىلار ورىندارىنان تۇرىپ «ىنتىماق-كۇش» ءانىن اسقاقتاتا شىرقادى. ءماجىلىس زالى شات-شادىمان مەرەيگە شومدى.
بەيجيڭدەگى ج ك پ ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك كەڭەستەگى ءبىر ءبولىم باسشى جولداستار، مەملەكەتتىك ساياسي كەڭەستەگى باسشى جولداستار جانە كەزىندە مەملەكەتتىك ساياسي كەڭەستىڭ ورىنباسار ءتوراعاسى بولعان بەيجيڭدەگى ساقا جولداستار شاي ماجىلىسكە قاتىناستى.
