مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن ۇزدىكسىز العا ىلگەرىلەتەيىك —— ءتوراعا شي جينپيڭنىڭ 2025-جىلعى جاڭا جىلدى قۇتتىقتاۋ ءسوزى قالىڭ كادرلار مەن بۇقارانى جاڭا جورىقتا جاۋاپكەرشىلىكتى باتىلدىقپەن ارقالاپ، ۇدەرە العا تارتۋعا شابىتتاندىردى
ءوز حابارىمىز. جاڭا جىل قارساڭىندا، ءتوراعا شي جينپيڭ 2025-جىلعى جاڭا جىلدى قۇتتىقتاۋ ءسوزىن جاريالاپ، وتكەن ءبىر جىلداعى كۇرەس بارىسى مەن شۇعىلالى تابىستاردى تەرەڭ سۇيىسپەنشىلىكپەن ەسكە الىپ، جاڭا ءبىر جىلدا بوران-شاشىننان تايسالماي تاعى دا ساپارعا اتتانۋدىڭ كۇرەس دابىلىن قاعىپ، سانسىز حالىقتىڭ جۇڭگو ۇلگىسىندەگى وسىزامانداندىرۋدىڭ جاڭا جورىعىندا ەكپىندەي ىلگەرىلەيتىن كۇش-قۋاتىن تاسقىنداتتى.قالىڭ كادرلار مەن بۇقارا راديو، تەلەۆيزيا، ينتەرنەت ارقىلى ءتوراعا شي جينپيڭنىڭ جاڭا جىلدى قۇتتىقتاۋ ءسوزىن مۇقيات تىڭدادى، كوپشىلىك بىلاي دەدى: جاڭا جىلدى قۇتتىقتاۋ سوزىنەن ەكپىندەي ىلگەرىلەيتىن كۇش-قۋات الىپ، مۇرات-سەنىمدى بەكەمدەپ، تولقىن جارا العا ىلگەرىلەپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن ۇزدىكسىز العا ىلگەرىلەتەمىز!ءتوراعا شي جينپيڭ جاڭا جىلدى قۇتتىقتاۋ سوزىندە بىلاي دەدى: 2024-جىلى ءبىز كوكتەم، جاز، كۇز، قىستى بىرلىكتە وتكەرىپ، بوران-شاشىندى جانە ارايلى كۇندەردى بىرگە باسىپ وتتىك. وسىناۋ ءاربىر ساتتەر وسى ەرەكشە جىلدا ايشىقتالىپ جازىلىپ، ادام جانىن تەبىرەنتىپ، ۇمتىلماس ساتتەرگە اينالدى. جاڭا جىلدى قۇتتىقتاۋ سوزىندە ايتىلعان «ءبىز جەرگىلىكتى جاعدايعا قاراي جاڭا ساپالى وندىرگىش كۇشتەردى جەتىلدىردىك، جاڭا كاسىپ سالاسى، جاڭا كاسىپ كۇيى، جاڭا ۇلگى ىركەس-تىركەس جارىققا شىقتى» دەگەن ءسوز بەيجيڭ قالاسى حايديان رايونىنىڭ باستىعى، جۇڭگۋانسۇن عىلىم باقشاسىن باسقارۋ كوميتەتىنىڭ مەڭگەرۋشىسى لي جۇنجيەنى تەرەڭ اسەرلەندىردى. ول بىلاي دەدى: 2024-جىلى ءبىز عىلىم-تەحنيكادا جاڭالىق اشۋ ارقىلى كاسىپ سالاسىندا جاڭالىق اشۋعا جەتەكشىلىك ەتتىك، بەيجيڭ ساندى مالىمەت نەگىزدىك ءتۇزىمىن الدىمەن اتقارۋ رايونىنىڭ باسىمدىلىعى العاشقى ادىمدا كورنەكتىلەندى. 2025-جىل − «14-بەسجىلدىق» جوبا اياقتالاتىن جىل، ءبىز عىلىم-تەحنيكادا جاڭالىق اشۋدىڭ قاينار يقۋاتى مەن كاسىپ سالاسىنىڭ جەتەكشىلىك يقۋاتىن تولىق ساۋلەلەندىرىپ، دارىندى، قارجى، ساندى مالىمەت، تاۋار سياقتى ءتۇرلى فاكتورلاردىڭ جالپى بۋىنىنداعى رەفورمانى ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ ۇلى جوباسىن جۇزەگە اسىرۋعا عىلىم-تەحنيكادا جاڭالىق اشۋدىڭ سارقىلماس كۇشىن ازىرلەيمىز.ءتوراعا شي جينپيڭ جاڭا جىلدى قۇتتىقتاۋ سوزىندە: 2024-جىلى جەرگىلىكتى ورىندارعا بارىپ قىزمەت تەكسەرگەندە، كوپشىلىكتىڭ تۇرمىستارىنىڭ باي مازمۇندى ەكەندىگىن كوردىم، -دەدى. جاڭا جىلدىڭ ءبىرىنشى كۇنى تيانجين بايىرعى مادەنيەت كوشەسىندە جۇرتشىلىق ءيىن تىرەسىپ، جۇزگە جۋىق بەيزاتتىق مادەنيەت مۇرالار دۇكەنى رەتىمەن ءتىزىلىپ، ۇلتتىق سالت-سانا ويىندارى وسى ارانى دۋمانعا بولەدى. تيانجين بايىرعى مادەنيەت كوشەسىن باسقارۋ كوميتەتىنىڭ مەڭگەرۋشىسى جاڭ حۇڭپىڭ بىلاي دەدى: ءبىز «قورعاۋ بارىسىندا اشۋ، اشۋ بارىسىندا قورعاۋ» سىندى دامۋ تانىمىنا تاباندى بولىپ، ءداستۇرلى مادەنيەت پەن وسىزامان ءبىر-بىرىنە ساي كەلەتىن كوشە رايونىن قۇلشىنا قۇرامىز. جاڭا ءبىر جىلدا، ءبىز تاريحي كوشەلەردىڭ باستاماشىلدىق رولىن اناعۇرلىم تولىق ساۋلەلەندىرىپ، اناعۇرلىم ساپالى قالا جۇمساق ورتاسىن قالىپتاستىرۋ ارقىلى بۇقارانىڭ تۇرمىس ساپاسىن جوعارىلاتىپ، كوپشىلىككە كوڭىلدى، جايلى ورتا جاراتامىز.گانسۋ ولكەسى تيانشۇي قالاسى ماجي رايونى نانشان حۋانيۋ الما بازاسىنىڭ ەگىنشىسى ۋ جىڭچۋان بىلاي دەدى: ءتوراعا شي جينپيڭ جاڭا جىلدى قۇتتىقتاۋ سوزىندە «تيانشۇيدىڭ حۋانيۋ الماسى ءارى ۇلكەن، ءارى قىزىل» دەگەندى اۋىزعا الدى، ءبىز ەگىنشىلەر بۇعان ەرەكشە تەبىرەندىك، 2024-جىلى حۋانيۋ الماسى جاقسى ءوسىپ، ءونىمى جوعارى بولدى، ءبىز ءداستۇرلى ساتىلىم ءتاسىلى، ەلەكتروندىق ساۋدا تۇعىرى ارقىلى بۇكىل ەلدىڭ جەر-جەرىنە ساتتىق. جاڭا ءبىر جىلدا حۋانيۋ الماسى كاسىبىن ءتىپتى دە ۇلكەيتىپ، كۇشەيتىپ، قالىڭ جەمىس ەگەتىن ديقانداردى كىرىستى ارتتىرىپ، اۋقاتتانۋعا باستايمىز. فۋجيان ولكەسى جاڭجوۋ قالاسى دۇڭشان اۋدانى اۋجياۋ قىستاعى پارتكومىنىڭ شۋجيى لين حۋاجۇڭ بىلاي دەدى: باس شۋجي شي جينپيڭ «دۇڭشاننىڭ اۋجياۋ قىستاعىندا بالىقتان مول ءونىم الىندى» دەگەن كەزدە، بۇكىل قىستاقتاعى اۋىلداستار ەرەكشە اسەرلەندى، بولاشاقتا ءبىز، ءسوزسىز، تەڭىزدە بالىق اۋلاۋ، تەڭىز سۋى باعىمشىلىعى، تەڭىز ونىمدەرىن مانەرلەۋ، تەڭىز ونىمدەرى ەلەكتروندى ساۋداسى جانە اۋىل-قىستاق ساياحاتى سىندى 5 جاقتى ارقاۋ ەتىپ، جەرگىلىكتى ەرەكشە كاسىپتەردى زورايتىپ، كۇشەيتىپ، ەكولوگياسى كورىكتى جاڭا اۋجياۋدى قۇرۋ جولىندا قاجىماي-تالماي قۇلشىنامىز.ءتوراعا شي جينپيڭ جاڭا جىلدى قۇتتىقتاۋ سوزىندە بىلاي دەدى: سان-ساناقسىز ەڭبەكشىلەر، قۇرىلىسشىلار، كاسىپ جاراتۋشىلار بارلىعى ارمان جولىندا ايانباي كۇرەس جاساۋدا. 2025-جىلدان باستاپ، چيڭداۋ پورتى چيانۋان تيەۋىش قوراپتى كەمەجايىندا تاعى دا ەڭ جاڭا ۇلگىدەگى ەكى كران پايدالانۋعا بەرىلدى، «حالىق شەبەرى» مەملەكەتتىك داڭق اتاعىنىڭ يەگەرى شۇي جىنچاۋ ۇيىرمەمەن بىرگە كەمەجايدا قاربالاس جۇمىس ىستەۋدە، ول بىلاي دەدى: بۇل ءتوراعا شي جينپيڭنىڭ بارلىق ەڭبەكشىلەرگە دەگەن ەڭ زور شابىتتاندىرۋى! مەملەكەتتىڭ دامۋى ەڭبەكشىلەرگە ءوز دارىنىن ايگىلەيتىن ساحنا ازىرلەپ بەردى، ءبىز ەڭبەك وزاتتارى رۋحىن، ەڭبەك رۋحىن، شەبەرلەر رۋحىن بارىنشا ساۋلەلەندىرىپ، ەڭبەك وزاتتارى مەن شەبەرلەردىڭ ۇلگىلىك، جەتەكشىلىك رولىن ويداعىداي ساۋلەلەندىرىپ، قاجىرلى ەڭبەك، ادال ەڭبەك، جاسامپازدىق ەڭبەك بارىسىندا ارمانعا قول جەتكىزەمىز.جۇڭگو ۇلگىسىندەگى وسىزامانداندىرۋدا حالىق تۇرمىسى زور ءىس. ءتوراعا شي جينپيڭ جاڭا جىلدى قۇتتىقتاۋ سوزىندە بىلاي دەدى: كوپشىلىك كوڭىل ءبولىپ وتىرعان جۇمىستاندىرۋ، كىرىستى ارتتىرۋ، «قارتتار مەن بالالار»، وقۋ-اعارتۋ، ەمدەۋ سياقتى ماسەلەلەردى مەن ەشقاشان كوكەيىمنەن شىعارعان ەمەسپىن. تەرەڭ سۇيىسپەنشىلىك جانە قامقورلىق ءىرى پارتيا، ءىرى ەل كوسەمىنىڭ حالىق ءۇشىن ىستەيتىن سۇيىسپەنشىلىگىن ايگىلەدى. جياڭسۋ ولكەلىك حالىق ىستەرى مەڭگەرمەسى زەينەتكەرلىككە قىزمەت وتەۋ باسقارماسىنىڭ ورىنباسار باستىعى يە شياڭيۇي جاۋاپكەرشىلىكتىڭ اۋىر ەكەنىن تەرەڭ سەزىندى. ول بىلاي دەدى: بۇكىل ولكەدەگى زەينەتكەرلىككە قىزمەت وتەۋ شەبى نازاردى قالىڭ قارتتاردىڭ مۇڭ-مۇقتاجىن، ۋايىمداعان، اڭساعان، شۇعىل ماسەلەلەرىن شەشۋگە شوعىرلاندىرىپ، زەينەتكەرلىككە قىزمەت وتەۋمەن قامداۋ قۇرىلىمىن ۇزدىكسىز ساپالاندىرىپ، كوپ ساتىلى، الۋان ءتۇرلى قىزمەت وتەۋ جۇيەسىن ورناتىپ، كاسىپتىك دارىندىلار قوسىنىن زورايتىپ، قارتتار ەكونوميكاسىنىڭ جاڭا قوزعاۋشى كۇشىن تاسقىنداتىپ، قارتتارعا قىزمەت وتەۋدىڭ حاۋىپسىزدىك تومەنگى شەگىن بەرىك ساقتاپ، زەينەتكەرلىك قىزمەت وتەۋىنىڭ دامۋىندا تىڭ تابىستارعا قول جەتكىزۋدى ۇزدىكسىز ىلگەرىلەتەدى.حۋبەي ولكەسى ۋحان قالاسى دۇڭحۋ شينچىڭ الەۋمەتتىك اۋماعى پارتكومىنىڭ شۋجيى تاۋ جيۋدي بىلاي دەدى: جاڭا جىلعا نازار سالساق، الەۋمەتتىك اۋماقتاعى ءاربىر «كىشكەنە ءىستى» الەۋمەتتىك اۋماق قۇرىلىسىنىڭ «ۇلكەن ىسىمەن» توعىستىرىپ، بارلىق ادام بەرەكەلى الەۋمەتتىك اۋماق امبەباپ تۇلعاسىن قۇرۋ جونىندە ىزدەنىس جاساپ، باس شۋجي شي جينپيڭنىڭ الەۋمەتتىك اۋماق پەن تۇرعىندار بۇقاراسىنا دەگەن قامقورلىعى مەن تەرەڭ سۇيىسپەنشىلىگىن بۇقارانىڭ جۇرەگىنە ۇيالاتىپ، الەۋمەتتىك اۋماق تۇرعىندارىنىڭ تابىس سەزىمىن، باقىت سەزىمىن، حاۋىپسىزدىك سەزىمىن اناعۇرلىم كۇشەيتۋ كەرەك.
