مەملەكەتتىك ۇلتتار ىنتىماعىنىڭ ۇلگىسى پاتيما
وقىتۋشى ادام جانىنىڭ ينجەنەرى، ولار ءداۋىردىڭ ءىزباسارلارى بولعان جەتكىنشەكتەردى قوعامنىڭ تىرەگى بولۋعا باۋليتىن ىزگى جاندار، بۇگىن سىزدەرگە جۇڭنان داشۋەسى وقۋشىلار قىزمەتى ءبولىمى ۇلتتىق وقۋشىلار ىستەرى كەڭسەسىنىڭ مەڭگەرۋشىسى، از ۇلت وقۋشىلاردىڭ ارناۋلى جەتەكشىسى، حۋنان ولكەلىك 13-كەزەكتى ساياسي كەڭەستىڭ مۇشەسى پاتيما قىزىريا قىزىمەن بولعان شاعىن كەڭەسىمىزدى ۇسىنامىز. پاتيما قىزىريا قىزى ىلگەرىندى-كەيىندى «2022-جىلعى مەملەكەتتىك جوعارى مەكتەپ جەتەكشىلەرىن باعالاۋداعى جىلدىق تۇلعا»، حۋنان ولكەلىك جوعارى مەكتەپتەردىڭ 2-كەزەكتى «ەڭ ارداقتى جەتەكشىسى»، مەملەكەتتىك جانە حۋنان ولكەلىك «ۇلتتار ىنتىماعى، العاباسارلىعىنداعى ۇلگىلى جەكە» بولىپ باعالانعان ۇستازداردىڭ ءبىرى.
قىزمەتكە قاتىناسقان 13 جىلدان بەرى، ول وقۋشىلارىنىڭ شىنايى قامقورى بولا ءبىلدى، ءاربىر وقۋشىعا قولىنان كەلگەن كومەگىن جاساپ، وقۋشىلارمەن 2000 رەتتەن استام اڭگىمەلەسىپ، وقۋشىلارعا 200 رەتتەن استام توپتىق جەتەكشىلىك ەتىپ، تاقىرىپتىق كلاس جيىن وتكىزۋ سىندى شىنايى ارەكەتتەرىمەن ءار وقۋشىنىڭ جۇرەگىنە جىلۋ ۇيالاتتى. ول قيىنشىلىعى بار وقۋشىلاردىڭ وتباسىنا بارىپ جاعدايىن ۇعىسىپ، مەملەكەتتىڭ ابزال ساياساتتارىن اتا-انالارعادا جەتكىزدى.مەكتەپتىڭ قولداۋىندا، «جۇڭحۋا ۇلتى ورتاق تۇلعا تانىمىن بەرىك ورناتۋدى» امالياتپەن توعىستىرىپ، «56 گرادۋس جۇڭنان» قىزمەت كەڭسەسىن قۇرىپ، ءار ۇلت وقۋشىلارىنىڭ مەكتەپ مادەنيەت تۇرمىسىندا ىشكەرىلەي ارالاسۋىنا، اۋىس كۇيىس جاساۋىنا مۇمكىندىك جاساپ، سەلبەسىمدى قوعامدىق قۇرىلىم مەن الەۋمەتتىك اۋماق ورتاسىن ورناتۋعا دەم بەرىپ، ۇلتتاردىڭ جان-جاقتى توعىسۋىنىڭ امالياتتىق جولىن ۇزدىكسىز كەڭەيتىپ، ۇلتتاردىڭ اناردىڭ دانىندەي تىعىز ۇيىسۋىنا ءبىر كىسىلىك ۇلەسىن قوستى.
