3位港姐冠军冯盈盈、庄子璇及黄嘉雯（19日）齐齐行台庆红地毡，早前盈盈与庄子璇同为母校拍访问片，两人以英语对答，然而，盈盈被批生硬做作，被师妹庄子璇比下去，今次两人再度同场交手，盈盈以黑色交叉形设计的晚装上阵，大晒波边及波底，连纤腰及玉背亦一览无遗，性感爆灯，挥低超低V的庄子璇以及谷尽汤碗胸的黄嘉雯，拍照期间盈盈更自动波转身好让大家饱览其美背，认真识做，抢尽身边两人风头，总算挽回面子威番次。
盈盈被问到是否挑战性感极限时？她笑着否认：“唔系，系挑战我去做运动，因为条裙大露背，所以我之前要狂操背肌，但唔需要刻意减肥，因为作为艺人一直有做身材管理，呢几日食嘢清淡啲唔落盐，咁就可以去咗水肿。”讲到昨日（18日）缺席台庆彩排，她澄清并非病倒，而是家中有事要处理，她后来有问庄子璇表演上有否改动，以确保不会出错。
对于被批讲英文作状，她解释说：“我有个同学同我讲，佢话我讲英文个Tone同十年前一样，我觉得系十年如一，呢个系我自己讲嘢嘅风格，会继续保持，我觉得舒服，唔需要去改变，教授话估唔到节目出街回响咁大，咁多人睇。”庄子璇即搭讪力撑对方英文好又有气质。至于好友麦明诗有喜，她坦言只是早大家一点知道，又指早看出端倪：“围内朋友都估到，但冇问佢，等佢自己揭晓，当然想做BB契妈，但都要睇麦明诗意愿，睇吓有冇呢个缘分。”
庄子璇打扮性感，她透露原选了另一条花花裙，但被妈妈弹“唔好睇又娘”，她又说：“我冇刻意谷胸，自然美。（唔够师姐靓？）又唔使斗靓，自己舒服就得。”
至于邵初亦玩中门大开，只有两块布遮住胸前两点，全大裸背任睇，疑似真空上阵，一步一牙烟。
邵初受访时谈到超性感打扮即笑说：“公司生日嘛，重要过自己生日，自己生日只系匿埋喺屋企着睡衣咋。呢条裙系我朋友设计嘅，所以冇得拣，不过好安全，两条带入面有垫㗎。（最性感嘅一次？）可能有下次呢，因为我身材唔澎湃，所以想试吓High Fashion，如果要澎湃下世再努力嘞。（冻唔冻？）估唔到咁样，但可以嘅，热血沸腾呀。”
