张卫健“型到跌渣”深入民心 终身无子:冇遗憾

体娱   2024-11-19 10:45   广东  

日前,随着国产电玩游戏《黑神话:悟空》推出,掀起热议嘅同时,早年凭电视剧《西游记》、《齐天大圣孙悟空》中“孙悟空”一角爆红嘅艺人张卫健,剧中嘅口头禅:“型到跌渣!”更系深入观众心,一度掀起模仿热潮。

而当年张卫健为咗演出孙悟空一角,每次化妆都耗时几个钟,喺2020年张卫健、黎耀祥及麦长青曾喺节目上重谈当年拍剧嘅辛苦,成日拍到凌晨3、4点先收工,朝早6点又要继续拍外景,因此每日剩系瞓得两个钟,完全冇时间卸妆嘅佢哋,更成日要化住妆瞓觉,回想番根本系不可能嘅任务外,如果要佢再出演一次西游记相关作品,张卫健更表示希望出演“猪八戒”,可以有更多发挥空间之馀,仲唔使好似沙悟净咁要抬木箱,算系一个比较快乐嘅角色。

此外,2004年同细9岁张茜结婚嘅张卫健,多年嚟2人都膝下无子,对此张卫健则透露2008年张茜一度怀孕,但不幸小产,至于冇小朋友会唔会感到终身遗憾,张卫健则巧妙道:“未必,如果生一个会气死我的小孩不就糟糕了?

看港剧
娱乐资讯,讲东讲西!
 最新文章