无綫台庆近年都会有一个环节去表扬入行一段时间但仍籍籍无名的艺人，今年亦不例外，更加设全台力撑潜质男女艺人奖项，由张振朗及谭俊彦负责颁发。
谭俊彦介绍得奖男艺人时表示两人曾合作拍剧：“我哋演同一个角色，佢演我年轻版，当时我哋答应对方，我拍戏时你陪住我，你拍戏时我陪住你，其中一场系医院场景，讲我哋阿爸病咗，佢演得好好，事后佢话我爸爸真系病咗，就嚟唔得。”他续指相信所有人都会见到他的努力，包括他已故的爸爸，而得奖者就是今年5月逝的前无綫艺人廖骏雄的儿子廖家爵。
廖家爵全程爆喊，谭俊彦揽实对方谓：“大个仔，乖，唔好喊。”廖家爵发表感言时边哭边说：“我唔知讲乜，多谢公司，今次系我攞第一个奖，虽然老窦唔喺度，但我知你睇到，每位新人都想得到大家认同。”之后呆站原地，要谭俊彦出手揽走他。
轮到张振朗宣布得奖女艺人，他称跟对方在剧集中合作，大赞对方非常勤力，但知道因对方外形及年纪跟角色不相符，以致剧集出街后受到外间不少抨击：“有人问系咪佢识边个，又或者读过北京学院就可以有角色，佳导（钟澍佳）话面试咗十几个女仔，得佢读晒成个剧本，同好有自己睇法，感觉到佢好用心，个角色系佢凭自己力量得到，佢话爸爸走咗，我话你可以当我系你半个阿哥，今日你大个女喇！”并宣布得奖者是在《反黑英雄》饰演学生妹的曾文心，曾文心哽咽谓：“我都系冇谂过得到呢个奖，多谢所有人，多谢屋企人以及所有合作过嘅前辈，多谢自己，好锺意同你哋开工，以后开多啲工。”
