艺人萧正楠(阿萧)的太太黄翠如日前宣布有喜，阿萧今日出席台庆，不少圈中好友都送上祝福，他坦言每日心情如坐过山车般，因为自己不时都会关心BB健康，“佢静咗两、三小时我就会好担心，但系又要扮冇嘢，怕翠如有压力，翠如好叻女，好少呕，对我嘅态度更加尊重，我依家系香港男佣，任劳任怨，(有冇焦虑?)我依家无时无刻都𥄫住佢有咩需要，就去帮佢，平时会煮啲有营养嘅食物畀佢，但我唔识煲汤，呢样要靠外母同妈咪。”
问翠如怀孕多少个月时，他没有正面回应，她指翠如如果有工作都会做，但一切以安全为主，公司都很爱锡翠如，想她有多点时间休息，“出年先啦！希望一切顺顺利利。”他又指BB跟他一样是蛇年，问是否已走出之前翠如小产的阴霾时，阿萧谓：“其实我哋一直都冇去提，因为呢件系好伤心嘅事，用咗好长时间先走出嚟，我同肚里面BB讲：‘你想唔想爸爸妈妈公布呢件事?’点知佢喺肚皮踢咗一下好大力，佢都肯同大家讲，我咪讲啰！”而他表示日前翠如PO出的片，当中她手拿一张BB超声波的相，那张正是之前走了的BB，当时是2019年，现时虽然自己一步一惊心，但都提自己心理平衡一点，不要太大压力。
