胡定欣、陈自瑶（YoYo）、袁伟豪一家三口、马诗慧及胡枫等，（17日）到启德出席名媛胡曦文（前名：胡敏珊）首饰精品店开幕，吸引大批途人围观，场面相当热闹。由于好友黄翠如宣布怀孕，YoYo到场即成焦点，面对记者追访，她起初不欲多言，并笑说：“佢公布咗？今朝我赶住准备嚟呢度，冇留意社交平台呀！”
记者即向她“派定心丸”，YoYo即掩面直指自己已知道翠如怀孕一段日子，且表示开心到想喊：“不过咁重要嘅事，应该等佢觉得适合嘅日子同时间，自己公开比较适合。（佢发文公开咗自己曾经小产。）呢啲事我都知，我哋一齐走过高山低谷，但再深入就留番畀佢讲啦。（你会做契妈？）契妈只系一个虚名，真心戥佢开心。（会特别照顾佢起居饮食？）我怀孕已经隔得太耐，个女都10几岁，Shiga（连诗雅）近啲，等佢传授啦，至于小朋友成长嗰啲嘢我就可以畀啲可以意见。”
问翠如决心当妈妈，是否受到Shiga与她的感染，YoYo即谓：“翠如同萧正楠其实都好锺意小朋友，今次系上天赐畀佢哋嘅礼物。（同Shiga都系生女，翠如又会不会呀？）我真系唔知，佢哋非常神秘，呢啲小秘密留畀佢哋自己，我冇追问亦冇八卦，无论男女都好，最紧要系健康同顺利。”
至于是否再多花点时间陪翠如？YoYo表示：“之前我哋都有约出嚟食饭，不过佢依家需要休息。（佢有妊娠反应？）个个准妈妈都会有啲，得闲我哋都会陪佢，佢又有老公陪。（谂咗买咩礼物畀BB未？）依家开始谂啦。”
