TVB台庆引发不少话题，证明大台始终系大台，地位无法动摇。好啦，除咗一众囡囡抛胸卖奶，令好色之徒欲罢不能，亦不能不提，仍然有女艺人拒绝加入倒奶战团，宁愿以脱俗气质取胜。睇匀全晚，严选3位仙气代表，唔知啱唔啱看官心水呢？
第一个就系万千男士心中女神张曦雯！Kelly当晚率领一众小花表演舞蹈，虽然舞衣系小背心加热裤，但毫无低俗感觉，反而仙气逼人，尤其一条结实小蛮腰、一双逆天大长腿，再配以一头瀑布般的长发，载歌载舞令人赏心悦目。靓到咁，真系好犯规啰！
第二位仙气人物，就系被网民誉为TVB最美花旦嘅蔡洁！佢以裸色入膊晚装行红地毡，半条线头都唔露，主打一双白滑美腿，头上缀以长绸缎，犹如古装剧里仙气飘飘嘅仙子！不过更令人欣赏还在后头，伊人临尾抽中电动车大奖，当时换上一袭白色长裙，胸前以打交叉作设计，同样系波光不露，却将胜雪肌肤及秾纤合度嘅曼妙身材表露无遗。
最后一位仙女，就系纯过蒸馏水、以A0著称的郭柏妍啦。尽管其白色晚装裙系Deep V设计，但小妮子没有刻意谷胸营造波涛汹涌效果，显得非常自然，仲好配合佢纯纯兔嘅形象，一样令观众眼前一亮。
所以话啫，唔系露得多就等于好睇，有时太过暴露，反而唔矜贵兼唔值钱。讲到尾，穿衣都系要配合场合同个人气质。咁当然，作为奉旨免费𥄫嘢嘅麻甩仔，囡囡卖奶，梗系多多益善啦。毕竟，囡囡太多，仙女太少，唔系人人可以唔行性感都出到位㗎！
