艺人萧正楠与黄翠如于2018年结婚，踏入2025年将成为父母，在彩虹的祝福下，寄望新一年充满希望与美好。二人婚后一直恩爱，多年来屡传喜讯，但翠如不幸经历小产之痛，阿萧坦言年纪渐长，本已将做爸爸的心愿放在心底，打算与老婆享受二人世界，不过去年底突然收到天赐的“礼物”，令他们惊喜万分。
回想起知道快将做爸爸的一刻，阿萧笑言先是吓一跳，然后就忍不住爆喊：“係意料之内，亦係意料之外。讲真我都大，做爸爸嘅机会唔係咁大，亦唔想畀压力佢，缘分嚟有就有，冇就两个人开心，所以真係好突然。其实之前意外地喺垃圾桶见到测试棒，但唔係Positive。嗰日好奇怪，咁啱揸车经过吐露港公路见到双彩虹，一条深色、一条浅色，同我嗰朝见到嘅咁似样嘅，但我冇同佢讲，一直放喺心。”
喜欢周游列国的“冇脚雀仔”翠如，其实也放下了做妈妈的心愿，本来计划今年去非洲旅行，不过世事总是充满惊喜，突然就准备迎接新生命，她说：“过几日再做测试又好似係，但都唔知真定假，所以好混乱咁话畀老公听，佢就好混乱咁知道咗，之后再去做检查就真正确定，好开心亦都好惊！”她坦言当时的心情既惊且喜，相当複杂，但感恩每次产检都顺利过关：“我谂所有孕妇都係一关一关过，每逢睇医生前一晚就会焦虑，惊有唔好嘅消息，但係老公就好有信心。感恩到依家每一关、每次睇医生都好顺利，BB喺健康范围之内成长。”说到经历小产的不幸，再次怀孕可有压力？他们闻言即眼湿湿，不愿重提伤心事。
公布喜讯后，阿萧与翠如开始准备BB用品，阿萧说：“望见张BB床，幻想佢点郁，好多谂法喺度。好想快啲用BB车载住佢周围去，阿怡（杨茜尧）已经送咗孭带畀我。”翠如透露“二家姐”杨茜尧最早猜到她有喜：“佢好早估到，早到冇可能有人估到，佢见到啲相话觉得我有啲唔同咗。佢传讯息话唔使讲畀佢知有定冇，但依家开始唔好食蟹，之后就执定啲BB衫畀我。而连诗雅基本上係我老师，我咩都问佢，睇咩医生、买咩，佢用咩我就用咩，好幸运身边有好多有BB嘅朋友分享，唔使温咁多书。”
至于BB是仔还是女，翠如指听长辈话不能透露，但仔女也开心：“好坦白讲，有小朋友已经係我哋最大福气，所以仲点会强求？只要小朋友健康、开心就足够。”阿萧自言思想传统，过去想生仔，但想到如果有囡囡撒娇，感觉也很好。翠如讚老公改名很“专业”：“佢几日就谂一个名，初头话型啲，男女都叫‘萧洒’，隔一排就话彩虹送嚟嘅礼物叫‘萧虹’、‘萧虫工’、一时又话‘萧叉烧’、‘萧鱼’、‘萧鸡翼’，都唔想再畀反应佢！”对于新一年的展望，阿萧指凑B就是最大任务，首要学习做父母：“我哋会揿住唔做虎爸虎妈，读书叻唔叻係小事，最紧要做好一个人，要有同情心、孝顺、开心、健康就得。”
今日推荐短剧
↓↓↓↓↓↓↓↓↓
若阁下觉得内容精彩
请点击右下角【在看】以表支持
我们将继续努力，谢谢
