王贤志本身是富三代，祖父为王氏港建主席兼创办人王华湘、父亲为王忠桐，他亦曾是王氏执行董事，据报家族资产30亿港元，因此他破产令外界非常震惊！不过曾被他暗恋的吴家乐，就对消息毫不愕然。吴家乐昨晚（16日）主持网台节目《娱乐好好玩》时，先讚对方是很出色的主持，某几年TVB九成主持都由他担任，“我喺TVB咁多年嚟讲，王贤志係其中一个我好欣赏嘅主持，记性好、讲嘢嘅节奏好。佢稳阵，又有压台感。”
退居幕后一段时间，近两年王贤志首担任节目监制，先后在TVB制作《仔仔一堂》及ViuTV《Boyscation Too》，是香港首个男同性恋者配对真人骚，而这个节目亦投资了很多钱，江美仪说：“佢投资咗好多钱，有啲报道都话佢使咗四百万喺呢个show，而家第二季，喺ViuTV播，之前喺TVB。佢讲四百万，佢争人钱係三百万，其实係咪真係要借钱做呢单嘢，定係点呢？”
接著吴家乐竟说：“我觉得呢单新闻出得迟。”他说自己与对方有些共同群组，疫情后已略有听闻王贤志欠下街数，“原来佢出面都有啲街数，我觉得唔奇嘅，因为佢靠自己，但嗰时我都谂，呢度出得咁嘅声明，呢度又话有街数，嗰度又话有街数，一单半单我都当听吓，但係我感觉就係有冇搞错呀？成个王氏，又有爸爸，几百万，买少架跑车都喺度啦係咪先？我一睇到呢单新闻嘅时候，我冇愕然，我知道几年前佢爸爸已经唔再帮佢找数。”此时江美仪都表现得非常震惊！
吴家乐相信对方搞节目都十分吃力，估计对方不止欠下3、400万，“我谂起码两年前都知佢有好多街数，所以依家要入禀破产，一定唔係300万咁细嘅数目，大家睇到呢单新闻，经济亦都真係差，希望佢尽快过咗呢个寒冬。”
说回二人的绯闻，前年王贤志宣传《仔仔一堂》时，曾自爆初入行时暗恋过吴家乐，觉得对方都一定Feel到，吴家乐就再三撇清关係，强调只是认识二十多年的同事，叫大家别将关係拉得太乱。他直言：“我真係嬲！”觉得对方摆自己上枱做新闻，透露当时访问刊出前一日，王贤志突然不断WhatsApp自己，他心知不妙：“係咁搵我话有嘢要同我倾，正所谓无事不登三宝殿，一定有阴谋！我当然唔听住，听咗电话我就唔知点回应，佢话有嘢想同我商量，我嗰日自然反应怯一怯。”
他说翌日就见到报道出街，收到很多记者讯息：“好多传媒朋友唔係问我呢单嘢，係话好笑，拉埋你落水，哈！佢哋见到都话摆明唔係你想搞事，係有人想宣传自己节目。”吴家乐指传媒都知他从不搞新闻，无端端被人“送一程”，他说：“咁多人唔讲，讲吴家乐！吴家乐都冇乜新闻价值，你攞我嚟讲。呢单嘢之后我觉得係几好笑，但係我真係嬲！我觉得你做完访问你先同我讲，再加上就係，我点会sense到你锺意我？”
他又斥对方很夹硬，叫王贤志要作新闻都搵梁思浩，表示：“你作新闻都搵梁思浩呀，入得顺啲，你搞着我，大家都唔顺。就算你係要宣传，同我夹一夹，冇所谓，我no，你咪搵第二个囉，大把人锺意夹新闻！”似乎动真火。
今日推荐短剧
↓↓↓↓↓↓↓↓↓
若阁下觉得内容精彩
请点击右下角【在看】以表支持
我们将继续努力，谢谢
