ཀན་ལྷོ་ཁུལ་སྲིད་གཞུང་དང་ཞིང་ཆེན་འཕྲོད་བསྟེན་བདེ་ཐང་ཨུ་ཡོན་ལྷན་ཁང་གིས་འཐབ་ཇུས་མཉམ་ལས་ཀྱི་སྒྲོམ་གཞིའི་གྲོས་གཞིར་མིང་རྟགས་བཀོད།
ཟླ11པའི་ཚེས25ཉིན། ཀན་ལྷོ་ཁུལ་སྲིད་གཞུང་དང་ཞིང་ཆེན་འཕྲོད་བསྟེན་བདེ་ཐང་ཨུ་ཡོན་ལྷན་ཁང་གིས་ལན་ཇུ་གྲོང་ཁྱེར་དུ་འཐབ་ཇུས་མཉམ་ལས་ཀྱི་སྒྲོམ་གཞིའི་གྲོས་གཞིར་མིང་རྟགས་བཀོད། ཁུལ་ཨུའི་ཧྲུའུ་ཅི་ཧོ་མོའུ་པའོ་མིང་རྟགས་འགོད་པའི་མཛད་སྒོར་ཞུགས་པ་མ་ཟད་གཏམ་བཤད། ཁུལ་ཨུའི་ཧྲུའུ་ཅི་གཞོན་པའམ་ཁུལ་དཔོན་དབྱང་ཝུའུ་ཡིས་ཀན་ལྷོ་ཁུལ་གྱི་འཕྲོད་བསྟེན་བདེ་ཐང་བྱ་བའི་གནས་ཚུལ་མཚམས་སྦྱོར་བྱས། ཞིང་ཆེན་འཕྲོད་བསྟེན་བདེ་ཐང་ཨུ་ཡོན་ལྷན་ཁང་གི་ཏང་ཙུའུ་ཧྲུའུ་ཅིའམ་ཀྲུའུ་རེན་ཀྲང་ཧོ་ཡིས་མིང་རྟགས་འགོད་པའི་མཛད་སྒོར་མགོ་བཟུང་།
ཞིང་ཆེན་འཕྲོད་བསྟེན་བདེ་ཐང་ཨུ་ཡོན་ལྷན་ཁང་གི་ཏང་ཙུའུ་ཁོངས་མིའམ་ཀྲུའུ་རེན་གཞོན་པའི་འགན་གཅིག་ལྕོག་ཏུ་འཁུར་བ། ཞིང་ཆེན་ཀྲུང་སྨན་དོ་དམ་ཅུའུ་ཡི་ཏང་ཙུའུ་ཧྲུའུ་ཅིའམ་ཅུའུ་ཀྲང་ལིའུ་པོ་རུང་དང་། ཞིང་ཆེན་འཕྲོད་བསྟེན་བདེ་ཐང་ཨུ་ཡོན་ལྷན་ཁང་གི་ཏང་ཙུའུ་ཁོངས་མིའམ་ཀྲུའུ་རེན་གཞོན་པའི་འགན་གཅིག་ལྕོག་ཏུ་འཁུར་བ། ཞིང་ཆེན་རིམས་འགོག་ཚོད་འཛིན་ཅུའུ་ཡི་ཏང་ཙུའུ་ཧྲུའུ་ཅིའམ་ཅུའུ་ཀྲང་ཀན་ཞའོ་ཀྲུའུ། ཁུལ་ཨུའི་རྒྱུན་ཨུའམ་ཁུལ་ཨུའི་དྲུང་ཡིག་ཆེན་མོ་ཝང་གོ་ཅོན། ཁུལ་སྲིད་གཞུང་གི་དྲུང་ཡིག་ཆེན་མོ་རྟ་མགྲིན་སྐྱབས་བཅས་མཛད་སྒོར་ཞུགས།
ཀྲང་ཧོ་ཡིས་རྗེས་མར་སྲིད་ཇུས་དང་ལས་གཞི། མ་དངུལ་གྱི་ཐད་ནས་རྒྱབ་སྐྱོར་ཆེན་པོ་བྱས་ཏེ། ཀན་ལྷོའི་མི་དམངས་མང་ཚོགས་ཀྱི་འདོད་བློ་ཚིམ་ཚད་མུ་མཐུད་དུ་ཇེ་མཐོར་གཏང་རྒྱུའི་བསམ་ཚུལ་བསྟན།།
ལོ་ཙཱ་བ། སྐལ་བཟང་ཚེ་རིང་།
