འཚོ་བའི་ཁྲོད་གློག་དང་མེ་རྒྱུན་དུ་བཀོལ་བཞིན་ཡོད་མོད། བཀོལ་སྤྱོད་བྱེད་སྟངས་མ་འགྲིག་ཚེ་མེ་སྐྱོན་འབྱུང་ཞིང་། རྒྱུ་ནོར་ལ་གྱོང་གུད་ཐེབས་པ་དང་ཐ་ན་ཚེ་སྲོག་ལའང་ཉེན་ཁ་འབྱུང་སྲིད། དགུན་དུས་གློག་དང་མེ་སྤྱོད་མང་ཤོས་ཀྱི་དུས་སུ་སླེབས་པ་དང་གཞིས་ཀ་རྩེའང་དེ་ལས་མ་འདས།
ཐེངས་འདིའི་《ཁྲིམས་སྐྱོང་གཞིས་ཀ་རྩེ་》ཞེས་པའི་ལེ་ཚན་ནས་ཤེས་རྟོགས་བྱུང་བར། གཞིས་ཀ་རྩེ་གྲོང་ཁྱེར་དུ་མེ་དང་གློག་བེད་སྤྱོད་ཡག་པོ་མ་བྱུང་བའི་རྐྱེན་གྱིས་མེ་སྐྱོན་ཡང་སེ་ཐོན་ཡོད། 2024ལོར་གྲོང་ཁྱེར་ཡོངས་སུ་མེ་དང་གློག་ཡང་དག་མ་སྤྱད་པའི་རྐྱེན་གྱིས་མེ་སྐྱོན་ལས་འཛོལ་ཐེངས་65ཐོན་པ་དང་། སྟབས་ལེགས་པ་ཞིག་ལ་མི་ཤི་རྨས་བྱུང་མེད་པ་རེད།
སློབ་གྲྭ་དང་རླངས་འཁོར་འབབ་ཚུགས། རོལ་རྩེད་ཁང་། སྤྱི་པའི་ཁོར་ཡུག་སོགས་སུ་སྒེར་གྱིས་གློག་སྐུད་གང་བྱུང་དུ་འཐེན་པ་དང་། མེ་གསོད་སྒྲིག་བཀོད་སྲུང་སྐྱོང་ཡག་པོ་མ་བྱུང་བ། ཁ་གྲམ་བགྲོད་ལམ་བཟུང་སྤྱོད་བྱས་པ་སོགས་ཀྱི་གནད་དོན་ཡོད།
དགོན་སྡེ་དང་རིག་དངོས་ཁང་སོགས་སྐྲུན་དངོས་ལ་འབར་སླ་བའི་རྒྱུ་ཆ་ལྡན་པས་མེ་སྐྱོན་གྱི་ཉེན་ཁ་ཆེན་པོ་ཡོད། གཞན་ཡང་མཆོད་ཁང་ནང་གི་མཆོད་མེ་དང་འབར་སླ་བའི་ཅ་དངོས་ཐག་ཉེ་དྲགས་པ། མེ་བཀོལ་སྤྱོད་ཀྱི་དོ་དམ་ནན་པོ་མེད་པ་སོགས་ཀྱིས་ཀྱང་མེ་སྐྱོན་ཐོན་སླ་པོ་ཡོད།
1.ཁྱིམ་གྱི་བསྒར་ཁུང་ལ་དུས་བཀག་ལྟར་ཞིབ་བཤེར་བྱེད་པ་དང་། བདེ་འཇགས་ལྡན་པའི་གློག་ཆས་བེད་སྤྱོད་བྱ་དགོས།
2.གནས་ཡུལ་ཁག་གི་སྒྲིག་ལམ་ལ་བརྩི་སྲུང་བྱེད་པ་དང་། གློག་གི་ཐེག་ཚད་ལས་བརྒལ་བའི་གློག་ཆས་བེད་སྤྱོད་མི་བྱེད་པ།
3.མེ་ཤོར་ན་གློག་ཁུངས་གཅོད་དགོས། མེ་ཤོར་ཙམ་ཡིན་དུས་ལམ་སེང་མེ་གསོད་དགོས་པ་དང་དེ་ནས་ཕྱིར་འཐེན་བྱེད་པ་གང་ཞིག་མྱུར་སྐྱོབ་ཁ་པར་རྒྱག་དགོས།
4.གློག་དྲོད་སྒྲིག་ཆས་བདེ་འཇགས་ཡིན་དགོས་ཤིང་། དུས་ཡུན་རིང་པོ་སྣང་མེད་དུ་འཇོག་རྒྱུ་མེད་པ།
བསྐྱར་ཞུས། རྒྱལ་མཚན།
ཞུ་དག བཀྲ་ཤིས་ཚེ་རིང་།
རྩོམ་སྒྲིག་པ། ཚེ་རིང་སྒྲོལ་མ།
ཡིག་སྒྱུར། ཚེ་རིང་སྒྲོལ་མ།
སྒྲ་འཇུག ཚེ་རིང་རྒྱ་མཚོ།
ཡོང་ཁུངས། ཇོ་རིའི་འཕྲིན་སྟེགས།
ཡིག་སྒམ་ཨང་གྲངས།
གལ་སྲིད་ཁྱེད་ལ་ཁུངས་བཙན་གྱི་གསར་འགྱུར་རམ་ཆ་འཕྲིན་ཆོབ་ཚ་པོ་དེ་འདྲ་ཡོད་ཚེ་ང་ཚོར་བསྐུར་རོགས་གནང་།
ང་ཚོའི་ཡིག་སྒམ་ནི་1132875981@qq.comཡིན།
རྩོམ་ཡིག་གཞིས་ཀ་རྩེའི་ཚགས་པར་ལས་ཁུངས་ཀྱི་ཡིག་སྒམ་rkzbszw@163.comལ་བསྐུར་རོགས་གནང་།
ང་ཚོའི་བརྙན་ཐུང་རྟགས་ཅན་日喀则广播电视台ཟེར་བར་དོ་ཁུར་གནང་ནས་ངོ་མཚར་ལྟད་མོར་གཟིགས་དང་།
