གལ་ཏེ་ཁྱེད་ཀྱི་ནང་ལ་ཕན་མི་ཐོགས་པའི་ཐབ་ཆས་རྙིང་པ་ཡོད་ཚེ། ད་ལྟ་བོད་ཀྱི་ས་ཆ་ཁག་ཏུ་སྤེལ་བཞིན་པའི་ས་མཐོའི་ནུས་མང་ཐབ་ཆས་གསར་རྙིང་བརྗེ་བའི་བྱེད་སྒོར་ཞུགས་ཆོག་གི་འདུག
རང་སྐྱོང་ལྗོངས་ཆ་འཕྲིན་ཐིང་གི་འབྲེལ་ཡོད་འགན་འཁུར་བའི་ངོ་སྤྲོད་ལྟར་ན། ཐབ་ཆས་རྙིང་པར་རིན་གོང་མཐོ་ཤོས་སྒོར་200སྤྲོད་ཀྱི་ཡོད། ཐབ་ཆས་དེ་དག་ནང་དབུགས་རྡིག་རྙིང་པ་དང་། ཀོག་ཧྥེའི་འཕྲུལ་ཆས་རྙིང་པ། སྲན་ཁུའི་འཕྲུལ་ཆས་རྙིང་པ། རླབས་ཐབ་རྙིང་པ། གློག་གི་ཆུ་བསྐོལ་ཆས་རྙིང་པ། གློག་ཐབ་རྙིང་པ། ཤིང་འབྲས་གཙག་ཆས་རྙིང་པ། མདོང་མོ་རྙིང་པ། གློག་གི་བག་སླང་རྙིང་པ། གློག་གི་རྒྱ་ཁོག་བཟོ་སྣོད་རྙིང་པ། གློག་ཕྲུ་རྙིང་པ། ཚལ་སླང་རྙིང་པ། འོ་མ་བསྐོལ་ཆས་རྙིང་པ་སོགས་ཚུད་ཡོད།
ངོ་སྤྲོད་བྱས་པར་གཞིགས་ན། ཐབ་ཆས་གསར་པ་བརྗེ་སྐབས། སྔོན་ལ་ཉེ་འགྲམ་གྱི་ཚོང་ཁང་དུ་ཐབ་ཆས་རྙིང་པ་ཁྱེར་ནས་གོང་ག་ཚོད་ཁུག་མིན་ལྟ་བར་འགྲོ་དགོས་པ་དང་། རིན་གོང་བློ་ལ་བབས་རྗེས་ཁ་པར་ནས“ཅ་ཧུའེ་ཏུའོ་ཏུའོ”（嘉惠多多）ཞེས་པའི་བྱ་རིམ་ཆུང་གྲས་ནས་གློག་རྡུལ་འཛད་སྤྱོད་འཛིན་ཤོག་བླངས་ཏེ་ཐབ་ཆས་གསར་པ་ཉོ་ཆོག ཐབ་ཆས་གསར་པ་ཉོ་སྐབས་སྒོར་300ལོན་ཚེ་སྒོར་60གཅོག་པ་དང་། སྒོར་500ལོན་ཚེ་སྒོར་100གཅོག་པ། སྒོར་1000ལོན་ཚེ་སྒོར་200གཅོག་གི་ཡོད་པ་རེད། དེས་མ་ཚད། ད་དུང་ཚོང་ཁང་ནས་གཟིགས་སྐྱོང་རིན་གོང་30%ཡན་གཅོག་གི་ཡོད། འཛད་སྤྱོད་འཛིན་ཤོག་བླངས་རྗེས་ཉིན་བདུན་གོ་ཆོད་ཀྱི་ཡོད་པས། འཛིན་ཤོག་ལ་ཧབ་ཐོབ་རྒྱག་མི་དགོས་པར་རང་སོ་སོའི་དགོས་མཁོར་གཞིགས་ཏེ་དྲ་ཐོག་ནས་འཛད་སྤྱོད་འཛིན་ཤོག་ཐེངས་མང་ལེན་ཆོག་གི་ཡོད་པ་རེད། མང་ཚོགས་ལ་སྟབས་བདེ་ཡོང་ཆེད་ཚོང་པས་ས་གནས་ས་ཐོག་ཏུ་དྲ་ཐོག་གི་འཛད་སྤྱོད་འཛིན་ཤོག་ལེན་རོགས་བྱེད་ཀྱི་ཡོད།
བྱེད་སྒོ་མཇུག་སྒྲིལ་བའི་དུས་ཚོད་ནི་2024ལོའི་ཟླ་12ཚེས་31ཉིན་གྱི་དགོང་མོའི་ཆུ་ཚོད་12ཡིན་པས་དུས་ཚོད་ལ་དམ་འཛིན་གནང་རོགས།
བསྐྱར་ཞུས། རྒྱལ་མཚན།
ཞུ་དག བཀྲ་ཤིས་ཚེ་རིང་།
རྩོམ་སྒྲིག་པ། ཚེ་རིང་རྒྱ་མཚོ།
སྒྲ་འཇུག ཚེ་རིང་རྒྱ་མཚོ།
ཡོང་ཁུངས། བོད་ལྗོངས་ཉིན་རེའི་ཚགས་པར།
ཡིག་སྒམ་ཨང་གྲངས།
གལ་སྲིད་ཁྱེད་ལ་ཁུངས་བཙན་གྱི་གསར་འགྱུར་རམ་ཆ་འཕྲིན་ཆོབ་ཚ་པོ་དེ་འདྲ་ཡོད་ཚེ་ང་ཚོར་བསྐུར་རོགས་གནང་།
ང་ཚོའི་ཡིག་སྒམ་ནི་1132875981@qq.comཡིན།
རྩོམ་ཡིག་གཞིས་ཀ་རྩེའི་ཚགས་པར་ལས་ཁུངས་ཀྱི་ཡིག་སྒམ་rkzbszw@163.comལ་བསྐུར་རོགས་གནང་།
ང་ཚོའི་བརྙན་ཐུང་རྟགས་ཅན་日喀则广播电视台ཟེར་བར་དོ་ཁུར་གནང་ནས་ངོ་མཚར་ལྟད་མོར་གཟིགས་དང་།
