སྤྱི་ཟླ11པའི་ཚེས13ཉིན། སི་ཁྲོན་ཞིང་ཆེན་སྲིད་གཞུང་རྒྱུན་ལས་ཚོགས་འདུ་ཐེངས37པའི་ཐོག་དམངས་སྲིད་ཐིང་སོགས་སྡེ་ཚན་ལྔས2024ལོའི་ཞིང་ཆེན་ཡོངས་གྲོང་ཡུལ་གཞིས་མིའི་མ་མཐའི་འཚོ་བའི་འགན་ལེན་དང་དམིགས་བསལ་དཀའ་ངལ་ཡོད་པའི་མི་སྣའི་གཞི་རྩའི་འཚོ་བའི་ཚད་གཞི་དམའ་ཤོས་ཡོངས་བསྒྲགས་བྱས།
གྲོང་ཁྱེར་གཞིས་མིའི་མ་མཐའི་འཚོ་བ་འགན་ལེན་གྱི་ཚད་གཞི་དམའ་ཤོས་ཟླ་རེར་སྒོར788ཡིན་པ་དང་ཞིང་སྡེ་གཞིས་མིའི་མ་མཐའི་འཚོ་བ་འགན་ལེན་གྱི་ཚད་གཞི་དམའ་ཤོས་ཟླ་རེར་སྒོར580ཡིན། གྲོང་ཁྱེར་གྱི་དམིགས་བསལ་དཀའ་ངལ་ཡོད་པའི་མི་སྣའི་གཞི་རྩའི་འཚོ་བའི་ཚད་གཞི་དམའ་ཤོས་ཟླ་རེར་སྒོར1025ཡིན་པ་དང་ཞིང་སྡེའི་དམིགས་བསལ་དཀའ་ངལ་ཡོད་པའི་མི་སྣའི་གཞི་རྩའི་འཚོ་བའི་ཚད་གཞི་དམའ་ཤོས་ཟླ་རེར་སྒོར754ཡིན་པ་རེད། གྲོང་ཁྱེར་དང་ཞིང་སྡེའི་མ་མཐའི་འཚོ་བ་འགན་ལེན་གྱི་ཚད་གཞི་དམའ་ཤོས་དེ་ལེགས་སྒྲིག་མ་བྱས་གོང་ལས་སོ་སོར་བརྒྱ་ཆ6.5དང་བརྒྱ་ཆ8.8འཕར་ཡོད་པ་རེད།
ཚད་གཞི་འདི་ནི2024ལོའི་ཟླ7པའི་ཚེས1ཉིན་ནས་ལག་བསྟར་བྱས་པ་རེད།
གྲོང་ཁྱེར（ཁུལ）ཁག་གི་སྲིད་གཞུང་གིས2024ལོའི་ས་གནས་དེ་གའི་གྲོང་ཡུལ་གཞིས་མིའི་མ་མཐའི་འཚོ་བ་འགན་ལེན་དང་དམིགས་བསལ་དཀའ་ངལ་ཡོད་པའི་མི་སྣའི་གཞི་རྩའི་འཚོ་བའི་ཚད་གཞི་དེ་གཞིར་བཟུང་ནས་ལེགས་སྒྲིག་བྱེད་དགོས། 2015ལོ་ནས་བཟུང་སི་ཁྲོན་ཞིང་ཆེན་གྱིས་བསྟུད་མར་ལོ10རིང་གྲོང་ཡུལ་གཞིས་མིའི་མ་མཐའི་འཚོ་བའི་འགན་ལེན་གྱི་ཚད་གཞི་དམའ་ཤོས་མཐོ་རུ་བཏང་བ་རེད། ཉེ་བའི་ལོ་ཤས་རིང་། ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གིས་དཀའ་ངལ་ཡོད་པའི་མང་ཚོགས་ལ་རོགས་སྐྱོབ་བྱེད་པའི་ལས་དོན་ལ་ཚད་མཐོའི་མཐོང་ཆེན་བྱས་པ་དང་ཞིང་ཆེན་རིམ་པའི་ནོར་སྲིད་ཀྱིས་དཀའ་ངལ་ཡོད་པའི་མང་ཚོགས་ལ་རོགས་སྐྱོབ་བྱེད་ཤུགས་ཆེ་རུ་གཏང་བ་རྒྱུན་བསྐྱངས་ནས་ཚད་མཐོའི་འགན་འཁྲི་འཁུར་སེམས་ཀྱི་ཐོག་ནས་ཞིང་ཆེན་ཡོངས་ཀྱི་དཀའ་ངལ་ཡོད་པའི་མང་ཚོགས་ཁྲི450ཡི་ཐོབ་སྣང་དང་སྐྱིད་སྣང་། བདེ་སྣང་བཅས་སྔར་ལས་ལྷག་ཏུ་ཕྱིན་པ་རེད།
来源：康巴传媒藏文
编辑：华尔让
校对：华尔让
二审：梅朵
三审：白玛曲吉
监制：彭刚
