དཀར་མཛེས་ཁུལ་གཏོང་སྦྱོར་ལྟེ་གནས་ཀྱིས་ཇུས་འགོད་དང་སྒྲིག་བཟོ་བྱས་པའི་དཀར་མཛེས་ཁུལ་གྱི་གསར་རྩོམ་རིག་གནས་ཡུལ་སྐོར་གར་ཕྲན་ཐོག་མ《ཤུལ་ལུས་ཞིང་ཁམས》ཞེས་པ་བརྒྱད་ཟིལ་རྫོང་དུ་བརྙན་ཕབ་འགོ་བརྩམས།
གར་ཕྲན《ཤུལ་ལུས་ཞིང་ཁམས》ཞེས་པ་འདི་ལ་ལེའུ18དང་འཁྲབ་ཚན180ཡོད་ལ། ལེའུ་རེ་རེར་རྫོང་སོ་སོའི་ཁྱད་ཆོས་མངོན་པ་དང་། བརྙན་ཕབ་ཡུལ་ཡང་རྫོང་དང་གྲོང་ཁྱེར18ལ་ཁྱབ་ཡོད་པ་རེད། ངོ་མཚར་དང་དོན་དངོས་མཉམ་འདྲེས་ཀྱི་གཏམ་རྒྱུད་བརྒྱུད་ལྟད་མོ་བར་དཀར་མཛེས་ཁུལ་གྱི་ཚབ་འཇུག་འདུ་ཤེས་འཚོལ་ཞིབ་བྱ་རྒྱུ་ཡིན་པ་རེད། དམིགས་བསལ་གྱི་བཟོ་སྐྲུན་དང་། དམངས་སྲོལ་བྱེད་སྒོ། ཟས་མཆོག། རང་བྱུང་ལྗོངས་ཁུལ་སོགས་འགྲེམ་སྟོན་བྱ་རྒྱུ་ཡིན་ཞིང་། གར་ཕྲན་གྱི་ནང་དོན་བརྒྱུད་ལྟད་མོ་བ་ཚོར་དཀར་མཛེས་ཁུལ་ལ་རྒྱུས་ལོན་དང་འཚོལ་ཞིབ་གཏིང་ཟབ་བྱ་རྒྱུའི་རྒྱུ་ཆ་མཁོ་འདོན་བྱས་པ་རེད།
གར་ཕྲན་དེར་དམིགས་བསལ་གྱི་ཁྱད་ཆོས་ཤིག་ཡོད་པ་ནི་འཁྲབ་ཚན་ཧྲིལ་པོའི་གསར་རྩོམ་ཚོགས་པ་རང་ཁུལ་གྱི་ཡིན་ལ། དཀར་མཛེས་ཁུལ་དུ་སྐྱོད་ཅེས་པ་དེ་རྨང་གཞིར་བྱས་ཏེ་འཁྲབ་སྟོན་པ་ཚང་མ་ནི་རང་ཁུལ་གྱི་ཡིན་ཞིང་། ལྗོངས་ཁུལ་བརྙན་ཕབ་བྱ་ཡུལ་ཧྲིལ་པོ་ཡང་དཀར་མཛེས་ཁུལ་ཡིན། གཙོ་བོ་དཀར་མཛེས་ཁུལ་གྱི་གཏམ་རྒྱུད་འཆད་པ་དང་རིག་གནས་ཁྱབ་གདལ་གཏང་རྒྱུ་དེ་རེད།
《ཤུལ་ལུས་ཞིང་ཁམས》བརྒྱུད་བསྒྲགས་བྱས་པ་དེས་དཀར་མཛེས་ཁུལ་གྱི་རིག་གནས་ཡུལ་སྐོར་ཐོན་ལས་ལ་གསོན་ཤུགས་གསར་པ་བསྣན་ནས་ས་གནས་ཀྱི་ཡུལ་སྐོར་དཔལ་འབྱོར་འཕེལ་རྒྱས་དང་། རིག་གནས་དང་དཔལ་འབྱོར་མཉམ་འདྲེས་གཏིང་ཟབ་ཡོང་བར་སྐུལ་འདེད་བཏང་སྟེ། མཐར་དཀར་མཛེས་ཁུལ་གྱི་ཐུན་མོང་མ་ཡིན་པའི་རིག་གནས་ཡུལ་སྐོར་སྤུས་རྟགས་ཀྱི་ཕན་འབྲས་ཐོན་རྒྱུ་ཡིན་པ་རེད།
གར་ཕྲན་འདི2025ལོའི་ཟླ3པར་ལྟད་མོ་བའི་མིག་གི་ལོངས་སྤྱོད་དུ་བསྩལ་ཐུབ་རྒྱུ་རེད།
来源：康巴传媒藏文
编辑：华尔让
校对：华尔让
二审：梅朵
三审：白玛曲吉
监制：彭刚
