ཚིག །བདེ་ཆེན་ལྷ་མོ།
དབྱངས། ངག་དབང་བཀྲ་ཤིས།
ལེན་མཁན། བདེ་ཆེན་ལྷ་མོ།
བརྩེ་བའི་མིག་མདའ་འཕེན་ས་ཆུང་འདྲིས་བྱམས་པ། །
དུང་བའི་སྙིང་གཏམ་བཤད་ས་ཆུང་འདྲིས་བྱམས་པ། །
ཁ་མིན་སྙིང་ནས་བརྩེ་བའི་ཆུང་འདྲིས་བྱམས་པ། །
སེམས་མཐུན་ཡིད་ཀྱི་ཁེན་ས་ཆུང་འདྲིས་བྱམས་པ། །
ཆུང་འདྲིས་ཡ་ཆུང་འདྲིས། ངའི་ཆུང་འདྲིས་བྱམས་པ།
དགའ་དུས་སྐྱིད་གླུ་ལེན་རོགས་ཆུང་འདྲིས་བྱམས་པ། །
སྡུག་དུས་རང་སེམས་གསོ་རོགས་ཆུང་འདྲིས་བྱམས་པ། །
སྙན་པའི་གླུ་ཞིག་བླངས་ན་ཆུང་འདྲིས་བྱམས་པ། །
ལྡེམ་མྱུར་བྲོ་ཞིག་འཁྲབ་ན་ཆུང་འདྲིས་བྱམས་པ། །
ཆུང་འདྲིས་ཡ་ཆུང་འདྲིས། ངའི་ཆུང་འདྲིས་བྱམས་པ།
ཕར་བཤད་གཏམ་གྱི་བརྗོད་བྱ་ཆུང་འདྲིས་བྱམས་པ། །
ཚུར་གཏམ་ཚིག་གི་འབྲས་བུ་ཆུང་འདྲིས་བྱམས་པ། །
སྔ་མའི་ལས་ཀྱི་བཀོས་པ་ཆུང་འདྲིས་བྱམས་པ། །
ད་ལྟའི་གཏན་གྱི་ཚེ་རོགས་ཆུང་འདྲིས་བྱམས་པ། །
ཆུང་འདྲིས་ཡ་ཆུང་འདྲིས། ངའི་ཆུང་འདྲིས་བྱམས་པ
