མཁའ་
དབྱིངས་
ཀྱི་
སྤྲིན་
དཀར།
空丨中丨云丨彩
ས་གནས་དེ་གའི་དུས་ཚོད་ཟླ་7པའི་ཚེས་3ཉིན། མཉམ་འབྲེལ་རྒྱལ་ཚོགས་བྱིས་པའི་ཐེབས་རྩ་ལྷན་ཚོགས་དབུས་ཤར་ས་ཁུལ་དང་ཨ་ཧྥེ་རི་ཁ་བྱང་མའི་ས་ཁོངས་ཀྱི་ཀྲུའུ་རེན་ཨ་ཏེའར·ཁོའོ་ཏེའར་གྱིས་སྤྱི་ཚོགས་འབྲེལ་བའི་སྨྱན་སྦྱོར་ཐོག་རྩོམ་ཡིག་ཅིག་སྤེལ་ནས་བསྟན་དོན། སྨྱན་སྦྱོར་གྱིས་སྤེལ་བའི་གནས་ཚུལ་ལ་གཞིགས་ན། སུའུ་ཏན་ནུབ་རྒྱུད་ཀྱི་ཏའར་ཧྥུའར་བྱང་མ་མངའ་སྡེའི་ལྟེ་བའི་གྲོང་ཁྱེར་ཧྥ་ཞིའར་གྲོང་ཁྱེར་གྱི་དབྱི་སི་ལན་གྱི་ཆོས་ཁང་ཞིག་ལ་ཚེས་1ཉིན་མི་མེད་གནམ་གྲུས་མཁའ་ཐོག་འཇབ་རྒོལ་བྱས་ནས། ཉུང་མཐར་ཡང་ཟླ་བ་18ཅན་གྱི་ཕྲུ་གུ་དམར་འབྱར་གཅིག་ཚུད་པའི་བྱིས་པ་8རྐྱེན་ལམ་དུ་ཤོར་བ་དང་། གཞན་ཡང་བྱིས་པ་9ལ་རྨས་སྐྱོན་ཕོག་ཡོད་པ་རེད། དབྱི་སི་ལན་གྱི་ཆོས་ཁང་དེ་སྡེ་ཁུལ་གྱི་ཐབ་ཚང་ཡིན་པའི་ངོས་ནས་ས་གནས་དེ་གའི་བྱིས་པ་དང་ཁོང་ཚོའི་ཁྱིམ་ཚང་ལ་བཟའ་བཅའ་མཁོ་འདོན་བྱེད་ཀྱི་ཡོད།
ད་ལོའི་ཟླ་5པར་ཧྥ་ཞིའར་གྲོང་ཁྱེར་དུ་རེས་སྐོར་གསར་པའི་གདོང་ཐུག་ཐོན་པ་ནས་བཟུང་། ས་གནས་དེ་གའི་བྱིས་པ་400ལྷག་ཙམ་ལ་རྨས་སྐྱོན་ཕོག་པའམ་ཡང་ན་རྐྱེན་ལམ་དུ་ཤོར་ཡོད། ཁོའོ་ཏེའར་གྱིས་ངེས་པར་དུ་བྱིས་པར་གནོད་འཚེ་གཏོང་མཚམས་འཇོག་དགོས་པ་དང་། སུའུ་ཏན་གྱི་གདོང་ཐུག་ཕྱོགས་ཁག་གིས་སྤྱོད་གོ་ཆོད་པའི་བྱེད་ཐབས་སྤྱད་དེ། འཕྲལ་མར་བྱིས་པར་སྲུང་སྐྱོང་བྱེད་པ་དང་མང་ཚོགས་དང་མང་ཚོགས་ཀྱི་ཁང་ཁྱིམ། དེ་བཞིན་མི་འབོར་རུབ་འདུས་ཆེ་བའི་ས་ཁོངས་བཅས་ལ་འཇབ་རྒོལ་བྱེད་མཚམས་འཇོག་དགོས་པའི་རེ་འབོད་བྱས་པ་རེད།
དེའི་གོང་སུའུ་ཏན་སྨྱན་སྦྱོར་གྱིས་གནས་ཚུལ་སྤེལ་བར་གཞིགས་ན། ཚེས་1ཉིན་མགྱོགས་མྱུར་རོགས་སྐྱོར་དཔུང་སྡེས་མི་མེད་གནམ་གྲུ་བཏང་ནས་ཧྥ་ཞིའར་གྲོང་ཁྱེར་དབུས་རྒྱུད་ཀྱི་དབྱི་སི་ལན་གྱི་ཆོས་ཁང་ཞིག་ལ་འཇབ་རྒོལ་བྱས་པའི་རྐྱེན་གྱིས་བྱིས་པ་ཚུད་པའི་མི་8རྐྱེན་ལམ་དུ་ཤོར་བ་དང་མི་12ལ་རྨས་སྐྱོན་ཕོག་ཡོད་པ་རེད།
ཟླ་5པའི་ཚེས་10ཉིན་ནས་བཟུང་། སུའུ་ཏན་གྱི་མགྱོགས་མྱུར་རོགས་སྐྱོར་དཔུང་སྡེས་ཏའར་ཧྥུའར་བྱང་མ་མངའ་སྡེའི་ལྟེ་བའི་གྲོང་ཁྱེར་ཧྥ་ཞིའར་ལ་སྐོར་རྒོལ་བྱེད་འགོ་ཚུགས་པ་དང་། སུའུ་ཏན་དྲག་ཆས་དཔུང་སྡེས་ས་གནས་དེ་གའི་མནའ་འབྲེལ་གྱི་ས་གནས་དྲག་ཆས་དང་མཉམ་འབྲེལ་བྱས་ནས་ཕར་རྒོལ་བྱས་པ་རེད། ཟླ་བ་གཅིག་ལྷག་གི་རིང་ལ། ཧྥ་ཞིའར་གྲོང་ཁྱེར་གྱི་གནས་བབ་མུ་མཐུད་ཇེ་སྡུག་ཏུ་ཕྱིན་པ་རེད།
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་བོད་སྐད་རླུང་འཕྲིན།
སྐྱེ་བ་ཀུན་ཏུ་ཡང་དག་བླ་མ་དང་།།
愿我生生相遇明上师
འབྲལ་མེད་ཆོས་ཀྱི་དཔལ་ལ་ལོངས་སྤྱོད་ཅིང་།།
饱尝妙法常食甘露味
ས་དང་ལམ་གྱི་ཡོན་ཏན་རབ་རྫོགས་ནས།།
十地五道善识功德满
རྡོ་རྗེ་འཆང་གི་གོ་འཕང་མྱུར་ཐོབ་ཤོག།
速疾证得金刚持乘位
1.དེ་ནས་ཡིན་ན་དུས་དང་རྣམས་པ་ཀུན་དུ་ངེད་དྲ་ཐོག་རླུང་འཕྲིན་དོ་ཁུར་དང་རྒྱབ་སྐྱོར་གནང་མཁན་གྱི་གྲོགས་གྲོགས་མོ་ཡོངས་ལ་སྙིང་དབུས་ནས་བཀའ་དྲིན་ཆེ་ཞུ་རྒྱུ་ཡིན་ལ་ཁྱེད་རྣམས་ཀྱི་བསམ་འཆར་དང་མཛུབ་སྟོན་ནི་ང་ཚོ་ཡར་རྒྱས་ཀྱི་སྣེ་ཤན་པ་དང་མཚུངས་པའི་རེ་བར་མུ་མཐུད་ནས་བསམ་འཆར་དང་མཛུབ་སྟོན་གང་མང་གནང་རྒྱུའི་མདུན་པ་བཅངས་བཞིན་ཡོད་ལ་མཇུག་དུ་ངེད་མཁའ་དབྱིངས་སྤྲིན་དཀར་དྲ་ཐོག་རླུང་འཕྲིན་གྱི་ནང་དོན་དང་དབྱངས་སྒྲར་དེར་ནོར་འཁྲུལ་སམ་སྐྱོན་ཆ་ཡོད་ཚེ་ཐེངས་དང་པོར་ང་ཚོ་དང་འབྲེལ་བ་གནང་རོགས་ཞུ།། བཀྲིས་བདེཊ།
2.在这里要感谢一如既往地支持和帮助我们的听众朋友们，您的意见和指导是我们前进的脚步，对于我们空中云彩网络电台存在的不足以及需要改进的地方，也求要求您能在第一时间向我们提出宝贵的意见，扎西德勒！
藏语版夜听 | 故事与妈妈宝贝 | 朗诵 · ©空中云彩之音
藏语版夜听创始
好看是鼓励，转发是帮助。
