发生咩事？
有时候，一只有力量嘅粤语歌，可能比一粒药，仲要有效好多。
听歌可以止痛，正因为唔知个世界发生咩事，我哋先至需要不断Repeat《到底发生过什么事》：“要哭够一百零一次，先有气力再度脱胎来开始，来年无人能拖垮你……”
喺虎年同兔年嘅交替之际，我哋呢一个关于2022年嘅“年度之歌”粤语歌讲座，就特登将个主题定为“虎中作乐”。即将过去嘅虎年，我哋每一个人，可以话係都过得相当之唔容易。但係无论几咁艰难，我哋都唔可以放弃个希望。
有时候，睇住身边嘅人好似堂吉诃德、西西弗斯咁，不断去挑战一件几乎注定係会失败嘅不可能任务，佢哋嘅呢一种有赌未为输嘅精神，就会好感染到我哋继续前行。
係啊，咁难得可以虎口脱险，一定要记得虎中作乐，及时行乐。
一个人嘅战争
我会觉得，2022年就好似一场自己同自己嘅“一个人嘅战争”咁样——我哋每个人都同自己打紧仗，同跌宕起伏嘅际遇打紧仗，同变幻莫测嘅形势打紧仗。上一秒仲囤紧菜，下一秒就开始囤药，我哋已经越来越适应变化，拥抱变化。
所以，呢个星期六（1月14号）嘅晏奏两点正（14：00），我会响越秀区中华广场较场东路15号嘅“谈启·中古·Bar”，同本地炙手可热嘅粤语填词人九时用茶、以及“月与歌”嘅发起人晴朗老师一齐，同大家分享今年帮我哋止痛嘅“年度之歌”。
讲开“年度之歌”呢样嘢，有人会Pick林家谦嘅《某种老朋友》，有人会Pick陈奕迅嘅《人啊人》，亦都有人会Pick镜团嘅团歌……每个人嘅选择，都可以完全唔一样。而呢啲“唔一样”，正係最宝贵嘅一样嘢，我哋最珍惜嘅就係呢啲“唔一样”。
係真·王左中右啊！
而呢个讲座最正嘅一点係，我哋居然搵到大师级嘅创意字设计师王左中右老师，帮我哋嘅“虎中作乐”讲座题词！
今匀，真係碌爆人情卡啦。唔讲你唔知，王左中右虽然唔係粤语人，但佢其实都係一位广东歌狂迷，佢甚至仲好中意王家卫嘅电影添！
所以，王左中右嘅呢一个Case话畀我哋知，无论你係边度人，饮住边度嘅奶水长大，你都可以喺任何唔同嘅时刻，爱上粤语歌，令粤语歌成为你生命嘅一部分。用广东话唱出嚟嘅音乐，有时候就係有一种咁神奇嘅魔力。
送门飞，睇呢度
为咗同更多嘅人分享我哋心爱嘅广东歌，我哋希望可以将呢一场讲座嘅部分门票，拎出嚟送畀真心热爱粤语歌嘅朋友。
只要你扫描呢个二维码、添加客服小姐姐Luna为好友，分享一首2022年嘅年度之歌，再讲一下自己点解会拣呢首歌嘅原因，就有机会获得讲座门飞一张。
关于送门飞嘅details，月与歌音乐工作室嘅客服小姐姐Luna会Keep住联络你，话畀你知领取讲座门飞嘅具体细节，所以呢几日，记得时刻check住你个WeChat私信吖。
希望你都有兴趣亲身嚟到现场，同我哋呢班粤语歌fans一齐，share你心目中嘅“年度之歌”啦！
买飞撑，睇呢度
当然，如果你想买飞参与“虎中作乐”粤语歌讲座，我哋亦都无任欢迎。你可以点击“阅读原文”（拉到这篇文章最下方的购票链接），支持呢一个都几难得嘅讲座。今时今日，仲有机会畀我哋用广东话去分享自己中意嘅粤语歌，一定要感恩㗎。
1月14号同一日晚上嘅八点（20:00），大阵象粤语合唱团亦都会喺荔湾湖嘅“不大空间”，举办“虎口脱险”粤语音乐会（我会客串声演，几秒钟，咁囖！）。
下昼睇粤语歌讲座，晚黑听粤语歌Live，好似都係一个唔错嘅选择（扫描海报右下角二维码，进入小程序买飞）。
（睇唔明以上呢一段广东话文字嘅朋友，可以搵身边嘅大湾区frd翻译一下！）
点击 阅读原文
购买 粤语歌讲座+Live门票
郑秀文 郑欣宜 陈蕾 黄妍
江美琪 周蕙 JS 路嘉欣
冯允谦 陈健安 C AllStar
和你一起亲历 豁达音乐时代
商务合作 & 采访邀约
微信：51147493
全网平台同步推送
微博：@王击凡
豁乐榜官微：@豁达音乐时代榜
豆瓣 | 知乎
今日头条 | 百度百家号
TME QQ音乐扑通社区
网易云音乐 | 哔哩哔哩
快手 | 抖音 | 小红书
原创文章，未经授权谢绝转载
扫码加入乐迷交流群
暗号：我爱豁达
