艺人庄思敏（Jacquelin）近日偕好友吴若希等一行7人到云南旅行，先后到了昆明、大理、丽江及香格里拉等地观光，不过就遇上劣质导游疑被呃钱。Jacquelin透露他们参加了当地旅行团，当中有3个导游，但有两个劲差：“佢哋连当地文化背景都讲错，又唔畀我哋足够时间去行街，有个导游仲闹我哋，同怀疑呃钱。当日我哋已经买咗氧气上雪山，但个导游坚持要喺山腰位置入去一间机构听讲解，导游话呢间系政府规定嘅指定机构，一入到去对方就猛叫我哋买氧气樽同保健品，全完唔似系政府机构，畀钱时嘅时系落销售员个名，而唔系公司机构名，我哋问点解，佢有十万个理由，最后因为我赶时间冇同佢拗。”
她称每朝都要早上8时起床，更由Chill团变为暴走团，虽然中间有点不愉快的小插曲，但整体而言大家都玩得十分开心：“真系好好玩又好多嘢睇，最主要系呢班朋友好好玩，每日都劲开心同超多笑料，云南好靓，求其一个位用手机影都超靓。（你有冇高山症？）大家都冇好严重高山反应，我上到香格里拉有啲头痛，但唔知系因为太攰定高山反应。”她大赞当地风光秀丽，望有机会再到访：“我哋今次太贪心，短时间去得太多地方，所以玩得唔够彻底，真系值得再去，我哋仲有好多少众景点未去。”
