ཆོས་རྒྱལ་འཕཊ་པ་སོཊ་ཀྱི་བླ་ཆེན་བཞིའི་དགོངས་རྫོཊ། རྣམ་ཐར་སྒྲ་བཞི།

དེ་རིང་ནི། དུས་གསུམ་རྒྱལ་བའི་རང་གཟུགས། རིགས་གསུམ་སེམས་དཔའི་རྣམ་སྤྲུལ། ཐེག་གསུམ་ཆོས་ཀྱི་འབྱུང་གནས། སྲིད་གསུམ་འགྲོ་བའི་བླ་མ། ཁམས་གསུམ་ཆོས་ཀྱི་རྒྱལ་པོ། ཆོལ་གསུམ་གངས་རིའི་སྲོལ་འཛིན། མཚན་མཆོག་སུམ་ལྡན་གྱི་གདུང་རྒྱུད་དུ་བྱོན་པ། ༧མི་འཕྲོག་པའི་མཁྱེན་རབ་དང་ཐུགས་རྗེ་ལྡན་པ། རྩོད་དུས་ཀྱི་ཐམས་ཅད་མཁྱེན་པ། འཛམ་གླིང་བསྟན་པའི་བདག་པོ། ༧ཁམས་གསུམ་ཆོས་ཀྱི་རྒྱལ་པོ་འགྲོ་བའི་མགོན་པོ་འཕགས་པ་རིན་པོ་ཆེ་མཆོག་ནི།
དེ་ཡང་བདག་ཅག་གི་སྟོན་པ་བཀའ་དྲིན་ཅན་གྱིས་འཇམ་དཔལ་རྩ་བའི་རྒྱུད་ལས། ཡི་གེ་དྷཱིཿམིང་སྡོམ་བརྩོན་ཉིད། །སྟོན་པའི་བསྟན་པ་གསལ་བར་བྱེད། །ཅེས་དང་། རྒྱལ་ཆེན་གྱི་ཞུས་པའི་མདོ་ལས། དམར་སེར་པད་དཀར་ལག་ན་ཀུན་ཏུ་བཟང་། །སྲིད་ཞིའི་འོད་ཟེར་གཅིག་བསྡུས་འཕགས་པ་གྲགས། །རྒྱ་བོད་ཁྲི་སྐོར་བཅུ་གསུམ་བདག་བྱེད་འབྱུང་། །རྒྱལ་བ་ཉིད་ལྟར་འཛམ་གླིང་ཆོས་སྒྲས་གང་། །ཞེས་ལན་གཅིག་མ་ཡིན་པ་རྒྱལ་བས་ལུང་གིས་བསྔགས་པའི་གོ་ལའི་ཁྱོན་འདིར་མཚན་ཉི་ཟླ་ལྟར་གྲགས་པའི་སྐྱེས་བུ་ཆེན་པོ། ཁམས་གསུམ་འགྲོ་བའི་མགོན་པོ་ཆོས་ཀྱི་རྒྱལ་པོ་འཕགས་རིན་པོ་ཆེ་ཞེས་བྱ་བ་དེ་ཉིད་བོད་ཟླ་༡༡/པའི་ཚེས་༢༢/ཉིན་མོར་དགོངས་པ་ཆོས་དབྱིངས་སུ་ཐིམ་པའི་དུས་མཆོད་ཁྱད་པར་ཅན་ཞིག་ཡིན་པས་ཚང་མས་དེ་རིང་གི་ཉིན་མོར་འདི་ལ་དགེ་སྒྲུབ་སྡིག་སྤོང་སོགས་ཚུལ་བཞིན་བྱེད་རྒྱུ་དང་། 
འཕགས་པ་རིན་པོ་ཆེའི་སྐུ་བསྟོད། གྲགས་ལྡན་ཀུན་ཏུ་བཟང་པོའི་རྣམ་པར་འཕྲུལ། །རྩོད་པའི་དུས་འདིར་ཐམས་ཅད་མཁྱེན་པར་གྲགས། །འཛམ་གླིང་བསྟན་པའི་བདག་པོ་མངའ་གསོལ་བའི། །ཆོས་རྒྱལ་འཕགས་པའི་ཞབས་ལ་གསོལ་བ་འདེབས། །ཞེས་པའི་སྐུ་བསྟོད་འདི་ངག་ཐོག་ནས་འདོན་བཞིན་ཚོགས་བསགས་སྒྲིབ་སྦྱོང་གི་བྱ་བ་ལ་འཇུག་པ་ཡིན་ན་དེ་ལྟ་བུའི་དགེ་བའི་ཕན་ཡོན་དེས་ཚེ་འདིའི་ནད་གདོན་བར་ཆད་ཐམས་ཅད་ཞི་ཞིང་ཕྱི་མར་མངོན་མཐོ་དང་ངེས་ལེགས་བརྒྱུད་རྫོགས་བྱང་ཐོབ་བྱེད་ཀྱི་རྒྱུ་རུ་འགྲོ་བ་དང་མདོར་ན་དགེ་བའི་ཕན་ཡོན་བསམ་གྱིས་མི་ཁྱབ་པར་རང་རྒྱུད་ལ་རླབས་ཆེན་ཞིག་འབྱུང་ངེས་ཡིན་པས་ཚང་མས་ཉིིན་མོ་འདིར་ཕྱག་དང་མཆོད་པར། མར་མེ་འབུལ་པ། སྲོག་བླུ། བསྐོར་བ་སོགས་ཀྱི་གྲ་སྒྲིག་རྒྱ་མ་ཆུང་བ་ཞིག་གནང་བར་ཞུ་ཞུ། ཞུ།།

ཞེས་མཁྱམས་པོ་བཤད་སྒྲུབ་དེས་རྣམ་རྒྱལ་ཆུ་སྦྲུལ་ལོའི་བོད་༡༡/པའི་ཚེས་༢༢/ཀྱི་ཞོགས་པའི་ཆ་ལ་གནས་མཆོག་རྡོ་རྗེ་གདན་བྷོ་དྷི་ག་ཡའི་ཉེ་ཞོལ་དུ་བྲིས་པ་ལ། སླར་ཆུ་ཡོས་ལོའི་ཟླ་༡༡/ པའི་ཚེས་༢༢/ ཀྱི་ཞོགས་པ་ལ་ཕུལ་བ་དགེ་ཞིང་བཀྲ་ཤིས།། །།

༄༅། །འགྲོ་བའི་མགོན་པོ་ཆོས་རྒྱལ་འཕགས་པ་ལ་གཙང་ནགས་ཕུག་པས་བསྟོད་པ་བཞུགས་སོ། །

ཨོཾ་སྭསྟི། སངས་རྒྱས་ཀུན་གྱི་ཐུགས་རྗེ་གཅིག་བསྡུས་པ། །རྡོརྗེ་འཆང་ཆེན་དཔལ་ལྡན་འཇམ་པའི་དབྱངས། །ཀུན་མཁྱེན་བསྟན་པའི་སྒྲོན་མེ་སྐྱེ་རྒུའི་མགོན། །དཔལ་ལྡན་བླ་མའི་ཞབས་ལ་མགོས་ཕྱག་འཚལ། །སྔོན་སྦྱངས་སྟོབས་ཀྱིས་བླ྄ོ༵་གྲ྄ོ༵ས་མཚུངས་མེད་ཅིང་། །མཁྱེན་བརྩེའི་རྒྱ྄༵ལ་མཚ྄༵ན་སྐྱེ་རྒུ་ཀུན་གྱི་དཔ྄༵ལ། །བཟ྄༵ང་པ྄ོ༵འི་སྤྱོད་པ་མཛད་པ་ཁྱོད་ཉིད་ལ། །གུས་པས་བསྟོད་དོ་བདག་རྒྱུད་བྱིན་གྱིས་ོབས། །དགེ་ཚོགས་ལྷུན་པོའི་སྤོ་ལ་བརྟན་བཞུགས་ཤིང་། །དལ་འབྱོར་སྐུ་བརྗིད་བསླབ་གསུམ་རྒྱན་ཕྲེང་ཅན། །བློ་གྲོས་སྤྱན་སྟོང་རྟོགས་པའི་རྡོ་རྗེ་ཡིས། །ལོག་རྟོག་ལྷ་མིན་དཔུང་རྣམས་འཇོམས་ལ་འདུད། །མཁྱེན་པའི་སྤྲིན་ཚོགས་རྣམ་དཔྱོད་མཁའ་ལ་འཁྲིགས། །སྤོབས་པའི་གློག་ཕྲེང་སྙན་པའི་འབྲུག་སྒྲ་ཅན། །དྲི་མེད་ལེགས་བཤད་བདུད་རྩིའི་ཆར་རྒྱུན་གྱིས། །བློ་གྲོས་ལོ་ཏོག་རྒྱས་པར་མཛད་ལ་འདུད། །ཆོས་ཁྲིམས་ཆབ་སྲིད་འཛིན་པ་སྐྱེ་རྒུའི་མགོན། །གདུལ་བྱ་བློ་གསལ་དཔའ་བོའི་བུ་སྟོང་དང་། །དད་སོགས་འཕགས་ནོར་རིན་ཆེན་བདུན་ལྡན་པའི། །བདུད་ཀྱི་དཔུང་རྣམས་འཇོམས་པར་མཛད་ལ་འདུད། །བློ་གྲོས་དཀྱིལ་འཁོར་དྲི་མེད་མདངས་མཛེས་ཤིང་། །འཆད་རྩོད་རྩོམ་པའི་འོད་ཟེར་བྱེ་བས་བརྒྱན། །འགྲོ་བློའི་མུན་སེལ་གདུལ་བྱའི་དགེ་ཚོགས་ཀྱི། །ཆུ་སྐྱེས་ཚལ་རྣམས་རྒྱས་པར་མཛད་ལ་འདུད། །ཆོས་རྗེ་ཉི་མ་འདས་རྗེས་མཚུངས་མེད་ཅིང་། །ལྷག་བསམ་དཀར་པོའི་ཆ་ཤས་ཡོངས་རྫོགས་ལ། །ལེགས་བཤད་གསུང་གི་བསིལ་ཟེར་སྟོང་འཕྲོ་བས། །སྐྱེ་རྒུའི་བློ་མིག་ལེགས་པར་སྦྱོང་ལ་འདུད། །སྡེ་བདུན་གངས་རིའི་ཁྲོད་དུ་ལེགས་གནས་ཤིང་། །རྣམ་དཔྱོད་སྟོབས་ཆེ་ལུང་རིགས་མཆེ་སྡེར་ཅན། །སྒྲ་དང་སྙན་ངག་སྡེབ་སྦྱོར་ཚིག་གིརྒྱན། །རལ་པའི་ཚོགས་རབ་དུ་མས་མཛེས་ལ་འདུད། །ཚད་མེད་ལུས་བརྗིད་བྱང་ཆུབ་སེམས་སྟོབས་ཆེ། །བསྡུ་དངོས་གསེར་གྱི་དྲ་བས་རབ་སྤྲས་པ། །ཕ་རོལ་ཕྱིན་དྲུག་སྤྱོད་པའི་མཆེ་རྣོ་ཞིང་། །ཉེས་སྤྱོད་འདམ་བུའི་ཚལ་རྣམས་འཇོམས་ལ་འདུད། །རྒྱུད་སྡེ་རྒྱ་མཚོར་དམ་ཚིག་པད་སྡོང་གཏམས། །བསྐྱེད་རྫོགས་འདབ་རྒྱས་ཏིང་འཛིན་མདངས་གསལ་ཞིང་། །གདམས་པའི་ཟེའུ་འབྲུར་ཕྲིན་ལས་དྲི་བསུང་ཅན། །གདུལ་བྱའི་བུང་བས་ལེགས་པར་བསྟེན་ལ་འདུད། །དེ་ལྟར་ལྷ་དབང་ཀླུ་རྒྱལ་འཁོར་ལོས་སྒྱུར། །རྟ་བདུན་རི་བོང་ཅན་དང་རི་དྭགས་དགྲ། །གླང་པོ་ཆུ་སྐྱེས་ཚལ་འདྲའི་བླ་མ་ལ། །གུས་པས་ཐལ་སྦྱར་དད་པས་གསོལ་བ་འདེབས། །བླ་ཆེན་ཆོས་ཀྱི་རྒྱལ་པོ་འཕགས་པ་ལ། །ཤུགས་ཆེན་དད་པས་གསོལ་བ་བཏབ་པའི་མཐུས། །རྒྱ་ཆེན་བདེ་བར་གཤེགས་པའི་གསུང་རབ་ལ། །རླབས་ཆེན་བློ་གྲོས་དཀྱིལ་འཁོར་རྒྱས་པར་ཤོག །ཅེས་པ་འདི་ནི་འཕགས་པ་རིན་པོ་ཆེ་ལ་གཙང་ནགས་ཕུག་པ་འཇམ་དབྱངས་ཤེས་རབ་འོད་ཟེར་གྱིས་བསྟོད་པའོ། །གྲགས་ལྡན་ཀུན་ཏུ་བཟང་པོའིརྣམ་པར་འཕྲུལ། །རྩོད་པའི་དུས་འདིར་ཐམས་ཅད་མཁྱེན་པར་གྲགས། །འཛམ་གླིང་བསྟན་པའི་བདག་པོར་མངའ་གསོལ་བའི། །ཆ྄ོ༵ས་རྒྱ྄༵ལ་འཕ྄༵གས་པ྄༵འི་ཞབས་ལ་གསོལ་བ་འདེབས། །

དཔལ་ས་སྐྱའི་འཇིགས་བྲལ་བདག་ཆེན་ངག་དབང་ཀུན་དགའ་བསོད་ནམས་དཔལ་བཟང་པོ་མཆོག་གི་རྣམ་ཐར

དཔེ་ཝར་རྡོ་རྗེ་འཆང་གི་གདུང་འབོད།

༸ཀླུ་ལྡིང་མཁན་ཆེན་གསུང་། དགེ་འདུན་པའི་བཅའ་ཡིག་ལ་མྱུར་དུ་གཟིགས།

࿐ལྷ་རྒྱལ་མཆོག་སྤྲུལ་ངག་དབང་མཁས་གྲུབ་འཁྲུངས་སྐར་བསུ།

ལྷ་བབས་དུས་ཆེན་དང་དགེ་འདུན་ཡར་འཕེལ་འདས་མཆོད་བསུ།

ལྷ་རྒྱལ་སྲང་གི་ཆོས་སྡེའི་མཁས་དབང་སྡེ་དགེའི་ཤར་བླའི་རྣམ་བསྡུས།

འཇམ་དབྱངས་ཆོས་ཀྱི་ཉི་མ་རིན་པོ་ཆེ།

སྡེ་དགེའི་ནུབ་བླ་མ་འཇམ་དབྱངས་མཁྱེན་རབ་མཐའ་ཡས།

ལྷ་རྒྱལ་སྲང་གི་ཆོས་སྡེའི་རྡོར་འཛིན་ཨ་འཛི་ངག་དབང་བཟང་པོ

ཡིད་ལྷུང་ལྷ་རྒྱལ་དགོན་གྱི་གྲུབ་པའི་དབང་ཕྱུག་ངག་དབང་རིན་ཆེན་མཆོག

ཡིད་ལྷུང་ལྷ་རྒྱལ་དགོན་གྱི་དགུ་ཆེན་སྐབས་ཀྱི་འདྲ་པར་ཁག་གཅིག །

མ་ཧཱ་པཎྜི་ཏ་ཨ་འཛི་ནོར་བུ་དབང་རྒྱལ་རྗེས་དྲན་ཞུ། ལྷ་རྒྱལ་སྲང་།

བླ་མ་དགེ་འདུན་ཡར་འཕེལ་གྱི་རྣམ་ཐར།

མཁྱེན་རབ་མཐའ་ཡས་གསོལ་འདེབས།

མཁན་ཆེན་ཐུབ་བསྟན་མཁས་གྲུབ་མཆོག་གི་འདས་མཆོད།

གྲུབ་ཆེན་བརྒྱད་བཅུའི་སྐུ་པར་ཆ་ཚང་བཞུགས་སོ། །

མཁྱེན་བརྩེ་ཆོས་ཀྱི་བློ་གྲོས་ལ་གེ་སར་གྱི་ལུང་བསྟན་བྱུང་ཚུལ།

འཇམ་མགོན་གུ་ནའི་མཛད་པའི་འཇམ་དབྱངས་མཁྱེན་བརྩེའི་རྣམ་ཐར།

ས་ཟླའི་དུས་ཆེན་ལ་ས་སྐྱ་གོང་མ། 萨噶月萨迦法王念诵 ཞལ་འདོན་སྒྲ་སྒམ།1

ས་ཟླའི་དུས་ཆེན་ལ་ས་སྐྱ་གོང་མ། 萨噶月萨迦法王念诵 ཞལ་འདོན་སྒྲ་སྒམ།2

རི་མོའི་ལམ་ནས་རྫོང་སར་རིན་པོ་ཆེའི་རྣམ་ཐར་མཇལ་བ། 宗萨仁波切传记

བཀའ་སློབ་དུས་ཐོག་ཆར་པ། འཁོན་གདུང་ཨ་བྷི་ཀིརྟ། 法王子无变金刚教言•及时甘霖

རྒྱལ་སྲས་ལག་ལེན་གྱི་དཔེ་རིས། 珍贵的佛子行三十七颂的图纸

སྐྱབས་མགོན་གོང་མ་ཁྲི་ཆེན་མཛད་རྣམ་དགུ་ཐང་། དྷཱི་ཕུ་མཁན་ཆེན།

༄༅། །གདམས་པ་རིན་ཆེན་ཕྲེང་མཛེས་ཞེས་བྱ་བ། 美丽璎珞：心之建言

༸ཀླུ་ལྡིང་མཁན་རྒན་གྱིས་ཁྲིད། སྒྲོལ་དཀར་ཚེ་སྒྲུབ་སྐོར། ཚན་པ་1-2-3

མར་མེའི་སྨོན་ལམ【供灯愿文】

སྒྲོལ་མ་ཉེར་གཅིག་གི་ཆོས་དབྱངས་གསར་པ། ལེན་མཁན་ཀུན་བཟང་རྡོ་རྗེ།
རྫོང་སར་༸མཁྱེན་བརྩེས་ཞལ་བཀོད་མཛད་པའི་སྒྲོལ་མ་ཉེར་གཅིག 二十一度母
བསྟོད་པའི་རྒྱལ་པོའི་རྒྱུད་ཕྱག་འཚལ་ཉེར་གཅིག་གི་བསྟོད། 二十一度母赞文
སངས་རྒྱས་སྨན་བླའི་དུས་ཆེན། 药师佛吉日
པཎ་ཆེན་ཤཱཀྱ་མཆོག་ལྡན་དང་རྗེ་བཙུན་ཆོས་ཀྱི་རྒྱལ་མཚན་གཉིས་ཀྱི་རྩོད་པ་རྩོད་ལན་ཁག་གཅིག
གྲུབ་ཆེན་བརྒྱད་བཅུའི་སྐུ་པར་ཆ་ཚང་བཞུགས་སོ། །
བོད་ཀྱི་བཙུན་མ་ཐོག་མ་སུ་ཡིན་ནམ
སྔོ་ཚོད་དང་སིལ་ཏོག་གི་ཕན་ནུས།
སྡུག་བསྔལ་གྱི་ཡོན་ཏན་ལྔ། 痛苦具有五种功德

དཔེ་ཝར་རྡོ་རྗེ་འཆང་གི་ཞལ་གསུང་བྱིན་ལྡན།白雅仁波切亲述祈请加持

༸སྐྱབས་རྗེ་དཔེ་ཝར་མཆོག་སྤྲུལ་རིན་པོ་ཆེའི་གསོལ་འདེབས།

༄༅། །དཔེ་ཝར་དང་རྫོང་སར་གཉིས་ལ་མཉམ་དུ་ཤར་བའི་ངོ་མཚར་བའི་འཇའ་ཚོ།

དཔེ་ཝར་རིན་པོ་ཆེ་གདུང་སེམས་མཉམ་བསྐྱེད་ཀྱི་ཞུ་འཕྲིན།

དཔེ་ཝར་རིན་པོ་མྱུར་བྱོན་གསོལ་འདེབས། གཟན་དཀར་རིན་པོ་ཆེ།

དཔེ་ཝར་རིན་པོ་མྱུར་བྱོན་གྱི་གསོལ་འདེབས།白雅仁波切速速转世祈请文

དཔེ་ཝར་མཆོག་སྤྲུལ་གྱི་བཞེངས་གསོལ་བསྐུལ་བ།
དཔེ་ཝར་རྡོ་རྗེ་འཆང་གི་རྣམ་ཐར་གསོལ་འདེབས། རབ་བརྟན་མཁན་དགེ་ལེགས།
དེ་རིང་མཁན་ཆེན་ཐུབ་བསྟན་མཁས་གྲུབ་མཆོག་གི་འདས་མཆོད།

རྩོམ་ཁུངས། 

འཕྲིན་སྟེགས།

དཔལ་ས་སྐྱའི་གཞན་ཕན་ཕུན་ཚོགས་གླིང་། 

སྒྲིག་སྦྱོར།

དཔལ་ས་སྐྱའི་གཞན་ཕན་ཕུན་ཚོགས་གླིང་རྩོམ་སྒྲིག་ཁང་། 

སྤེལ་གཏོང་འགན་འཛིན་པ།

བྱང་ཆུབ་ཀུན་དགའ་བསྟན་པ།