སྤྱི་ལོ་2023ལོའི་ལོ་འཁོར་གྱི་གཞུང་ཁོངས་རྒྱུ་ནོར་དོ་དམ་གནས་ཚུལ་སྐོར་གྱི་རྒྱལ་སྲིད་སྤྱི་ཁྱབ་ཁང་གི་ཕྱོགས་བསྡུས་སྙན་ཞུ་དེ་སྤྱི་ཟླ་11ཚེས་5ཉིན་རྒྱལ་ཡོངས་མི་དམངས་འཐུས་ཚོགས་སྐབས་བཅུ་བཞི་པའི་རྒྱུན་ལས་ཨུ་ཡོན་ལྷན་ཁང་གི་ཚོགས་འདུ་ཐེངས་བཅུ་གཉིས་པའི་ཐོག་གྲོས་ཞིབ་བྱ་རྒྱུར་ཕུལ་ནས་གཞུང་ཁོངས་རྒྱུ་ནོར་གྱི་གནས་ཚུལ་གསར་ཤོས་ཁྱབ་བསྒྲགས་བྱས་པ་རེད།
དེ་ཡང་སྤྱི་ལོ་2023ལོའི་ལོ་མཇུག་བར་དུ་རྒྱལ་ཡོངས་ཀྱི་གཞུང་ཁོངས་ཁེ་ལས་ཀྱི་རྒྱུ་ནོར་བསྡོམས་འབོར་སྒོར་དུང་ཕྱུར་ཁྲི་371.9ཟིན་པ་དང་། གཞུང་ཁོངས་དངུལ་རྩའི་ཁེ་ལས་ཀྱི་མ་རྩ་བསྡོམས་འབོར་སྒོར་དུང་ཕྱུར་ཁྲི་445.1ཟིན་པ། སྲིད་འཛིན་བྱ་གཞག་རང་བཞིན་གྱི་རྒྱལ་ཁབ་ལ་དབང་བའི་རྒྱུ་ནོར་བསྡོམས་འབོར་སྒོར་དུང་ཕྱུར་ཁྲི་64.2ཟིན་པ། གཞུང་ཁོངས་ས་ཆའི་སྤྱིའི་རྒྱ་ཁྱོན་སྤྱི་ཆིང་ཁྲི་52371.4ཟིན་པ་དང་ལོ་ཧྲིལ་པོའི་ཆུའི་ཐོན་ཁུངས་བསྡོམས་འབོར་སྨི་རྒྱ་དཔངས་གྲུ་བཞི་མ་དུང་ཕྱུར་25782.5ཟིན་ཡོད། གཞན་ཡང་སྙན་ཞུའི་ནང་ལས་གསལ་བར་གཞིགས་ན། སྤྱི་ལོ་2023ལོར་གཞུང་ཁོངས་རྒྱུ་ནོར་དོ་དམ་དང་སྒྱུར་བཅོས་ལ་རྒྱུན་ཆད་མེད་པར་སྐུལ་འདེད་བཏང་བས་གཞུང་ཁོངས་རྒྱུ་ནོར་གྱི་རྨང་གཞི་དེ་བས་བརྟན་དུ་ཕྱིན་པ་བཅས་བྱུང་ཡོད། སླད་གོམ་སྟབས་རྗེས་མར་གཞུང་ཁོངས་ཁེ་ལས་སྒྱུར་བཅོས་མུ་མཐུད་གཏིང་ཟབ་ཏུ་བཏང་ནས་གཞུང་ཁོངས་དངུལ་རྩའི་མ་རྩའི་ཞབས་ཞུའི་འགན་ལེན་ནུས་པ་ཆེ་རུ་གཏོང་བ་དང་། སྲིད་འཛིན་བྱ་གཞག་རང་བཞིན་གྱི་གཞུང་ཁོངས་རྒྱུ་ནོར་གྱི་དོ་དམ་ཆུ་ཚད་མཐོ་རུ་གཏོང་བ། གཞུང་ཁོངས་རང་བྱུང་ཐོན་ཁུངས་ཀྱི་རྒྱུ་ནོར་དོ་དམ་ལམ་ལུགས་མ་ལག་འཐུས་སྒོ་ཚང་དུ་གཏོང་བ་བཅས་བྱས་ཏེ་གཞུང་ཁོངས་རྒྱུ་ནོར་སྙན་ཞུའི་ལམ་ལུགས་རྒྱུན་ཆད་མེད་པར་འཐུས་སྒོ་ཚང་དུ་གཏོང་རྒྱུ་ཡིན་པ་རེད།
