ཕ་མའི་དུང་སེམས་ཀྱི་གཞས་ཆུང་།
ཚིག རིག་འཛིན་ཚེ་འཕེལ།
གཞས་པ། ཟླ་འོད།
࿑ ཕ་མའི་དུང་སེམས་ཀྱི་གཞས་ཆུང་།
དྲིན་ཕ་ལོ་སེམས་ཀྱི་སྐར་ཆེན་ཡིན།།
དྲིན་མ་ལོ་སྙིང་གི་ཟླ་བ་ཡིན།།
སེམས་བྱམས་ལྡན་ཕ་མའི་ངང་ཚུལ་ཡིན།།
ཁྱེད་ཕ་མའི་བྱམས་སྐྱོང་རིན་ཐང་བྲལ།།
ཟས་སྦྲང་དཀར་རྩམ་པ་ཨ་ཕའི་སྦྱིན།།
ནུ་འོ་མ་དཀར་པོ་ཨ་མའི་བསྣུན།།
དྲིན་ཕ་མའི་ཞལ་གསུང་གདམས་ངག་ཡིན།།
སེམས་དམར་ཆུང་བུ་ཕྲུག་ཕྱོགས་སུ་ཤོར།།
དྲིན་ཕ་མའི་མ་བཅོས་བརྩེ་བ་ནི།།
དུང་ཟླ་བའི་འོད་ཀྱི་བསིལ་འཇམ་རེད།།
དྲིན་ཕ་མ་ཉི་མའི་སྐུ་ཚབ་རེད།།
བློ་དྲང་མོ་ལྷག་བསམ་རྣམ་དག་རེད།།
དྲིན་ཕ་མའི་ལམ་སྟོན་སྒྲོན་མེ་ཡིན།།
མགོན་སངས་རྒྱས་ཐོབ་པ་ཕ་མའི་དྲིན།།
དྲིན་ཕ་མའི་ལྷག་པའི་དྲིན་ཆེན་མེད།།
དྲིན་ཕ་མ་ནམ་མཁའི་ཉི་མ་ཡིན།།
སེམས་ཡ་ཆུང་དཀྱིལ་ན་བསླབ་བྱ་ཡོད།།
བསླབ་རྒན་གྱི་མ་བསླབ་ཨ་ཕའི་བསླབ།།
དྲིན་ཨ་མའི་གནང་བའི་དྲོད་ཁོལ་འདི།།
དྲིན་མ་ལོའི་སེམས་ཀྱི་བརྩེ་བ་ཡིན།།
2025-1-28–ཉིན་རིག་འཛིན་ཚེ་འཕེལ་ནས།
