བདག་ཅག་རྣམས་ཀྱི་གཙུག་གི་ནོར་བུ།
རིགས་དང་དཀྱིལ་འཁོར་རྒྱ་མཚོའི་ཁྱབ་བདག་རྗེ་བཙུན་བླ་མ་དམ་པ།
འདུལ་འཛིན་ཆོས་ཀྱི་རྒྱལ་མོ་དཔལ་མུ་མེད་ཡེ་ཤེས་མཚོ་མོའི་འཁྲུངས་སྐར་བསུ།
བདག་ཀྱང་སྐྱེ་བའི་ལུས་རྟེན་འདི་ཉིད་དུ།།
ཡེ་ཤེས་མཁའ་འགྲོས་འབྲལ་མེད་རྗེས་བཟུང་ཞིང་།།
དམ་ཆོས་སྒྲོན་མེའི་འོད་སྣང་དཀར་པོ་ལ།།
འགལ་རྐྱེན་རླུང་གིས་གཡོ་འགུལ་མེད་པ་དང་།།
སྟོང་གཟུགས་སྒྱུ་མའི་ལུས་འདི་རྗེ་བའི་ཉིན།།
གནས་ཡུལ་མཁའ་འགྲོའི་གཙོ་མོ་ཁྱེད་ཉིད་ཀྱིས།།
ནུབ་ཕྱོགས་བདེ་ལྡན་དག་པའི་ཞིང་ཁམས་ཀྱི།།
མཚུངས་མེད་བླ་མའི་དྲུང་དུ་ཁྲིད་པར་ཤོག།
