བརྙན་ལམ་ལེ་ཚན། གཏམ་དཔེའི་དོ་ར།
✦གཏམ་གྱི་སྒོ་མོ་འབྱེད་པའི་གསེར་གྱི་ལྡེ་མིག །✦
✦དཔེ་ཡི་ལུང་ལ་བརྒྱུས་པའི་ཚིག་གི་ཕྲེང་བ།།✦
✦དོ་ཤལ་རིན་ཆེན་རྒྱན་ལས་འགྲན་ཟླ་བྲལ་བའི།།✦
✦ར་བ་འདི་ནི་རིག་པའི་གཏེར་མཛོད་འདྲའོ།།✦
སྲིད་པའི་ཞལ་རྒྱུན། འདོན་ཐེངས་ཉིས་བརྒྱ་དང་སོ་བདུན།
ཀ་མེད་ཁང་པ་ཕུབ་དཀའ། ཁབ་མེད་ཚེམ་བུ་བྱེད་དཀའ།
གཏམ་འགྲེལ། ལས་དོན་དེ་སྒྲུབ་དཀའ་བའི་དོན།
ལྕེ་དམར་པོའི་འཇམ་དར་གཏམ་ལ་བཟོ་དགོས། ཝ་དམར་པོའི་གྲ་ཁ་རླུང་ལ་བསྐྱོད་དགོས།
གཏམ་འགྲེལ། ཡག་ཉེས་ལྟ་སྟངས་ཀྱི་དོན།
ཁ་བགད་རུང་ཁོག་ན་སྡུག་ཡོད། མིག་ཁྲ་རིལ་མཐའ་ན་ཆུ་ཡོད།
གཏམ་འགྲེལ། ཁོག་ན་སྡུག་བསྔལ་སྦས་ཡོད་པའི་དོན།
གང་དྲན་ཁ་ཡིས་མ་བཤད། གང་འདོད་ལག་གིས་མ་ལས།
གཏམ་འགྲེལ། སྐད་ཆ་གང་བྱུང་མི་སྨྲ་བ་དང་ལས་ཀ་གང་བྱུང་བྱེད་མི་རུང་བའི་དོན།
གོང་དཔོན་པོས་སྲིད་ཁྲིམས་མ་དྲང་ན། འོག་འབངས་ལ་མི་དགེ་སྣ་ཚོགས་བྱུང་།
གཏམ་འགྲེལ། མགོ་འཛིན་དེས་ཀུན་ལ་དྲང་པོ་མ་བྱས་ན་གཞན་རྣམས་འཚོ་དཀའ་བའི་དོན།
གྱོད་ཀྱི་རྩ་བ་དོར་ནས། གཉེན་གྱི་སྒོ་མོ་ཕྱེ་ཡོད།
གཏམ་འགྲེལ། གྱོད་དང་ཁ་མཆུ་དོར་ནས་མཐུན་འགྲིག་བཟོས་པའི་དོན།
དགའ་ན་རྟ་སྟེར། འགལ་ན་ཁབ་རྩོད།
གཏམ་འགྲེལ། བཟང་ལ་བཟང་ལན་དང་ངན་ལ་ངན་ལན་ཡོད་པའི་དོན།
སྤྱི་ཁྱབ་ལྟ་ཞིབ། བསྟན་འཛིན་འཇིགས་མེད།
རྩོམ་སྒྲིག་པ། ལྷ་མོ། བསམ་གྲུབ་བསྟན་འཛིན།
རྩོམ་ཁུངས། སྒར་བརྙན་འཕྲིན་ལས་ཁུངས་བོད་ཡིག་རྩོམ་སྒྲིག་ཁང་།
