བརྙན་ལམ་ལེ་ཚན། གཏམ་དཔེའི་དོ་ར།
✦གཏམ་གྱི་སྒོ་མོ་འབྱེད་པའི་གསེར་གྱི་ལྡེ་མིག །✦
✦དཔེ་ཡི་ལུང་ལ་བརྒྱུས་པའི་ཚིག་གི་ཕྲེང་བ།།✦
✦དོ་ཤལ་རིན་ཆེན་རྒྱན་ལས་འགྲན་ཟླ་བྲལ་བའི།།✦
✦ར་བ་འདི་ནི་རིག་པའི་གཏེར་མཛོད་འདྲའོ།།✦
སྲིད་པའི་ཞལ་རྒྱུན། འདོན་ཐེངས་ཉིས་བརྒྱ་དང་ཉེར་བཞི།
སྤྱང་ཀིའི་རྣ་བར་ཆོས་བཤད་ཀྱང་མི་ཕན།
གཏམ་འགྲེལ། མི་གཤིས་རྒྱུད་ངན་པར་གཏམ་ཡག་པོ་བཤད་ཀྱང་ཉན་སེམས་མེད་པའི་དོན།
རྟ་ངར་ཡང་གསེར་སྒའི་འོག མི་འཚུབ་ཀྱང་ཁྲིམས་རྒྱུག་འོག
གཏམ་འགྲེལ། སུ་དང་གང་ཞིག་ཡིན་རུང་གནོན་མཁན་ཞིག་གི་འོག་ཏུ་འདུ་དགོས་པའི་དོན།
བཏང་ན་རྒྱ་སྒོར་མི་ཐར། བཙིར་ན་སྤར་མོ་གང་།
གཏམ་འགྲེལ། མི་ངན་རང་དགར་བཞག་ན་རྫིག་ཉམས་དོད་ཀྱང་བཙིར་གནོན་བྱས་ན་བྱ་རྒྱུ་གང་ཡང་མེད་པའི་དོན།
བློ་ཤེད་མེད་པའི་དམག་དཔོན་དེ། ཝ་མོས་གོ་ཁྲབ་གྱོན་པ་འདྲ།
གཏམ་འགྲེལ། མི་སྡར་མའི་རང་བཞིན་མཚོན་པའི་དོན།
མི་ཡི་སྤྱོད་པ་དོར་ན་སྒོ་ཁྱི་ལས་བཙོག
གཏམ་འགྲེལ། མི་ཆོས་མི་ཡིས་མ་ཤེས་ན་ཁྱི་ཞིག་ལས་ཐབ་སྡུག་པའི་དོན།
མིག་རྒྱང་མཐོ་གང་དང་། བསམ་རྒྱ་སེན་མོ་ཙམ།
གཏམ་འགྲེལ། བློ་རྒྱ་ཆུང་བའི་དོན།
ཅི་གསུང་བཀའ་བཞིན་སྒྲུབ་དགོས་ན། མི་གསུང་དགུ་གསུང་མ་གསུངས་ཤིག
གཏམ་འགྲེལ། གང་བཤད་པ་དེར་ཉན་མཁན་དགོས་ན་ཁ་ནས་གང་ཐོན་བཤད་མི་རུང་བའི་དོན།
སྤྱི་ཁྱབ་ལྟ་ཞིབ། བསྟན་འཛིན་འཇིགས་མེད།
རྩོམ་སྒྲིག་པ། ལྷ་མོ། བསམ་གྲུབ་བསྟན་འཛིན། བསོད་ནམས་སྒྲོལ་དཀར།
རྩོམ་ཁུངས། སྒར་བརྙན་འཕྲིན་ལས་ཁུངས་བོད་ཡིག་རྩོམ་སྒྲིག་ཁང་།
