憑無綫處境劇《愛‧回家之開心速遞》成功入屋的葉蒨文（Sophie）與出爐視帝張振朗、丁子朗、莊子璇、姚焯菲以及吳偉豪，日前齊為澳門賀歲活動任表演嘉賓，事後齊齊於社交平台甫靚相，張振朗大呼「好玩」，他的「麒麟臂」，亦十分搶鏡！Sophie、莊子璇亦有甫出靚相，紅色短上衣再配黑短褲大騷長腿，各有美態，獲不少網民大讚：「好索！」
本身擁中國舞12級舞蹈底子的Sophie，對於今次首度公開跳唱，十分興奮，並大爆原來表演時有一段小插曲：「因為表演落雨LED地板好滑，大家都就住嚟跑，一眾Dancer仲要搬住啲鼓快上快落，小癲但很厲害。」完成表演後，眾人更一齊睇煙花，Sophie大讚氣氛超好，非常滿足！而莊子璇則指自己好少於現場直接睇煙花：「因為睇煙花好多人，而且唔明白有咩好睇，但原來做完嘢睇，又別有一番風味。」
