艺人马国明与高海宁拍住上演出蛇年贺岁片放笑弹，祝愿港人驱走闷气！高海宁直言欢迎事业爱情两得意，寄望马国明帮手“把关”觅良缘，又大爆对方与太太汤洛雯喜欢“外卖传情”。
马国明与高海宁（高Ling）合拍电影《麻雀女王追男仔》，二人祝愿大家蛇年笑口常开：“希望我哋套贺岁片票房大收，大家多啲入场支持香港电影，而我哋同屋企人就平平安安、身体健康。”同样属虎的他们又指今年当旺。
高Ling展望事业及财运愈来愈好，不过也欢迎桃花运，更“钦点”马国明做“盲公竹”：“爱情方面我真系顺其自然，不过如果有可以发展嘅对象的话，我会第一时间带畀马国明帮我睇睇，去佢屋企同埋汤洛雯打个边炉先。如果能够同马国明沟通到，我相信呢个人唔会差得去边！”
她又直指眼中的马国明不但爱妻，更承传了家族优良基因，马国明闻言腼覥道：“好似我妈咪咁，结咗婚之后一直都冇做嘢㗎，系靠我爸爸养家。”高Ling羡慕得心心眼，又大爆马国明夫妇的恩爱䡍事，闪盲大家：“汤洛雯会去深圳探班，佢唔喺度嘅话就会传短讯，叮嘱我要提佢老公食嘢，因为觉得马国明瘦咗。有时马国明话唔肚饿，佢会叫我唔使理，叫外卖一定要叫埋佢老公嗰份！”马国明补充：“平日我唔使谂食乜，因为老婆会帮我安排。其实我食好多嘢㗎，只系唔够瞓就即刻会瘦，我老婆试过叫两个煲仔饭去我酒店房，我真系食得晒㗎！”
谈到新年必做的事，马国明指过年期间马家一定会竹战：“我妈咪话打麻雀可以令间屋热闹啲。（你有落场？）系呀，不过我输多，因为我妈咪牌章好劲，佢有运兼有技术。（妈咪有同你太太打牌？牌品好，人品好。）有打过，紧系觉得可以啦。”
