艺人陈欣妍（Shirley）与男友沈震轩（28日）以嘉宾身份出席贺岁片《临时决斗》谢票场，支持该片众演员，两人笑言新年一定要看贺岁片，又指今年难得双方父母均不在香港，两人会留港度岁：“今年多咗个新成员，就系我哋只狗狗，寻日带咗佢一齐去维园行花市，好开心。”提到每逢新年定必被长辈催婚，沈震轩坦言：“我哋今年唔使去拜年，所以唔会畀佢哋催婚，我见网上有好多片教人点样应对长辈催婚嘅问题，其实好多香港人都有呢个烦恼，真系好烦，就算结咗婚又会衍生其他问题，没完没了。”至于会否于蛇拉埋天窗？Shirley表示：“我哋唔需要咁高调，心中已有答案。（问咁系咪要派双封利是？）作为家中嘅财政部，我系唔建议派双封，经济唔好，要悭啲。”不过，他们庆幸两人投资的健身中心生意还算可以。
另外，周家怡亦有捧场，但见她右手包扎了纱布，她解：“我凑朋友只狗，谂住带佢做运动，点知我一起步就唔小心跌亲，我好似只青蛙咁趴咗喺度，都伤得几严重，本来毛谂住懒唔去医院，但不停渗血，所以都系去咗医院洗伤口同打破伤风针。”她透露现时伤口仍有点痛，但她二月初要跑半马，现在不敢练跑，只能做些简单的肌肉训练，她希望伤口早日痊愈。家怡透露现在已收炉，新年会留港好好陪伴家人。讲到她有份演出的电影《破·地狱》仍然上映中，她希望长播长有，至于该片加长版，家怡坦言未知内容：“我只系知道我保得住个BB，唔会播小产个版本。”
